JƐRƖMAAYA 30:7 - WƖA TENIŊ

⁷ Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 30:7 ပူးပေါင်းရင်းမြစ်များ

WƖAA DƖ-SUOMUŊ 32:7

Ŋɩɩ nɛ fawʋllʋŋ faasa kɛŋ Jekɔb ʋ tʋɔŋ chei. Ʋ kɛŋ nɩalɩŋ sɩ hɛ ʋ teeŋ kaa kpaa leree balɩa, a kɛŋ ʋ pʋsʋ-la arɩ bʋntaŋŋaba kala ma kpaa ŋɩɩ tɩtɩa.

WƖA YƖƖLAA 25:22

La Wɩa, mɩɩ sʋlʋŋ, laa Iziral tɩŋŋaa ta ba wʋwalɩmaa kala lɛ.

WƖA YƖƖLAA 34:19

Wʋwalɩmaa jaŋ wuo yʋgɛ a jʋʋ tʋɔpʋl tɩŋŋaa, ama La Tɩɩna nɛ yie laaba ta wɩalɩŋ kala lɛ.

AZAAYA 20:6

Dɩ tapʋlɩɩ-la nɛ yie, nɩalɩŋ kala sɩ hɔŋ Mediterenia mʋga-la niiŋ jaŋ bʋl, ‘Má na wɩɩ-la sɩ ŋaa nɩalɩŋ lɛ la sɩ joŋ la yɩɛlaa hɛ dɩ ba laala ta Asiiria kuoro nɩsɩŋ lɛ. Nɩɩ nɛ la bɩra jaŋ to a fori?’ ”

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 2:27

Ba yie bʋla pɩ tɩa, ‘Ŋ nɛ ŋaa la nyɩmma,’ a bʋla pɩ tabɩɩŋ ma, ‘Ŋ nɛ ŋaa la naaŋ.’ Ba joŋ ba harɩŋ yɩamɛ nɛ, ba sɩpaaŋ tuo mɩ lɛ. Ama dɩ wɩaa nɛ jʋʋba, ba yie bʋla pɩmɛ, ‘Kʋ laala ta.’

JƐRƖMAAYA 2:28

Nɩɩ nɛ vesi-la ma sɩ ŋaa pɩ ma tɩtɩa hɛ? Má leŋ dɩ ba kʋ laama ta dɩ wɩaa nɛ jʋʋma, bɛɛ wɩaa ma kɛŋ vesiŋ yʋgɛ nɛ woruŋ a nagɛ Juda tasɩŋ sɩ yʋga ŋɩɩ.

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

JEMBIEE 4:6

Ŋɩɩ ba sɩ dɔgɩsɛ mɩ nɩaa nɛ yʋga a kɩɩ ŋɩɩ ba fa sɩ dɔgɩsɛ Sodom nɩaa. Wɩa fa guu cheiba nɛ, ka nʋʋ tuo dɩ ʋ pɛ ba lɛ.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

JOWƐL 1:15

Tapʋlɩɩ-la kpaga nɛ. La TƖƖNA tapʋlʋŋ kpaga nɛ, doluŋ kala Tɩɩna jaŋ chei leriŋ tapʋlɩɩ-la.

JOWƐL 1:2

Nɩhɩasɩŋ, má nɩɩ wɩɩŋ deeŋ, ma nɩalɩŋ kala sɩ hɛ tinteeŋ lɛ, má jegile nɩɩ. Wʋdoho deeŋ ha ŋaa ma mɩɩsɩŋ bʋa lɛ koo ma naabalɩmaba mɩɩsɩŋ bʋa lɛɛ?

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

JOWƐL 2:31

Wɩɩpɔsʋŋ jaŋ biri, dɩ chɛnɛ fɩɛsɛ a nagɛ chalɩŋ, ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na kɔ.

MƖKA 4:9

Bɛɛ nɛ tɩɩ ma faasaa ŋmoo niiŋ, ma bɩ kuoro kɛnɛɛ? Nɩɩ-la sɩɩ dagɛma lɛlɛ nɛ, ka ma nɩna hɛɛŋ a nagɛ haala sɩɩ chɛ dɩ ʋ lʋl ʋ luoru wʋwɩɩ?

HABAKU 3:16

Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.

ZƐKARƖYA 14:7

Tapʋlɩɩ-la jaŋ ŋaa tapʋl-dabaŋ, ʋ bɩ jaŋ kɛŋ wɩɩhɛyɛ koo tɩtaŋɩŋ, dɩ wɩa nɛ jʋa ma, leriŋ ha jaŋ pʋllɛ. La TƖƖNA dʋndʋŋa nɛ jɩŋ tapʋlɩɩ-la.

MALAKAƖ 4:1

La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka.

Maak 13:19

Wɩa sɩ ŋaa dʋnɩa a kʋʋ lɩɩ jɩnɩŋ, nʋʋkala ha bɩ hɛɛŋ deeŋ na a nagɛ ŋɩɩ, nʋʋ bɩra bɩ jaŋ na hɛɛŋ ŋɩɩ a kaa mʋ wuu.

Tɩntɩŋŋaa 2:20

Wɩɩpɔsʋŋ jaŋ biri. Chɛnɛ ma jaŋ fɩɛsɛ a nagɛ chalɩŋ, ka dɩ La Tɩɩna tapʋl-bal-la ʋ sɩ jaŋ laa yɩrɩŋ-na yi.

Rom Tɩŋŋaa 11:26

Ŋ-la lɛ nɛ Wɩa jaŋ to a laa Iziral tɩŋŋaa kala ta. Ba ŋmʋnsɛ ŋɩɩ nɛ Wɩa teniŋ tʋɔŋ. Ba sɩ, “La Laataara jaŋ lɩɩ Zaayɔŋ. Ʋ jaŋ kiri wʋbɔŋŋɔɔ kala Jekɔb doho nɩaa tʋɔŋ.”

Jɔɔŋ Wʋnaalaa 6:17

Tapʋlɩɩ-la Wɩa arɩ Pie-bie-la sɩ jaŋ na baanɩŋ dʋnɩa nɩaa nyuŋ yie nɛ. Kʋbɛɛ nɛ saa jaŋ wuo chɩŋ ba sɩpaaŋ?”