Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JƐRƖMAAYA 30:3 - WƖA TENIŊ

3 Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

အခန်းကိုကြည့်ပါ။ ကော်ပီ




JƐRƖMAAYA 30:3
45 ပူးပေါင်းရင်းမြစ်များ  

Jɩna tʋɔŋ chɛŋ-pɛɩ sɩ kʋʋ yi dɩ Iziral tɩŋŋaa hɔŋ ba tasɩŋ lɛ, ŋɩɩ nɛ nɩalɩŋ kala kʋ hilimi Jerusalɛm lɛ arɩ nii-bala.


Ama, Wɩɩsʋllɩ sɩpaalaara nɩ-bɩnɩa-la jesiŋ, Levi doho nɩaa arɩ dɩa dɩa nɩhɩasɩŋ fa sɩ na bumbuŋ Wɩa dɩɩ-bal-la, ŋmoo niiŋ ba sɩ na lɛɛlɛ Wɩa dɩɩ-bal-la gentine ba sɩ bile, ka nɩaa dɔnsʋŋ-na ŋaa goŋ a jʋjʋɔsɛ.


Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.


La Tɩɩna, pɛ la lɛ dɩ la bɩra dʋa, a nagɛ duonuŋ sɩ yie nɩɩ fuo-bʋa bɩra kɛŋ lɩɩŋ ŋɩɩ.


Mɩ Wɩɩsʋlʋŋ nɛ, dɩ nʋʋ fa lɩɩ Zaayɔŋ a kʋ laa Iziral tɩŋŋaa ta. Dɩ Wɩa nɛ bɩra leŋe dɩ wɩaa vɛŋ woruŋ a pɩ ʋ nɩaa, Jekɔb dɩa nɩaa jaŋ jʋɔsɛ, Iziral tɩŋŋaa tʋɔŋ jaŋ tɔrɛ.


Ama ba jaŋ bʋl, ‘La ŋmɩɛsɛ La TƖƖNA sɩ weye, ʋ nɛ kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ arɩ tinteye-la kala lɛ ʋ sɩ kɛmba pɩsa hɛ.’ Mɩ jaŋ bɩra leŋ dɩ ba kʋ tɩɩ tintee-la mɩ sɩ joŋo pɩ ba naabalɩmaba.


La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.


Ama dɩ tintee kala nɩaa nɛ jaŋ joŋ ba tɩtɩa hɛ Babɩlɔŋ kuoro nɩsɩŋ lɛ a tɩma pʋpʋ, mɩ jaŋ leŋ dɩ tintee-la nɩaa hɔŋ ba tɩtɩa tinteeŋ lɛ a pɩpɛrɛ nɩmɛ. Mɩ-na ma TƖƖNA nɛ bʋla.’ ”


‘Ba jaŋ paaba kaa mʋ Babɩlɔŋ, dɩ ba hɛ nɩmɛ a mʋ yi tapʋlɩɩ-la mɩ sɩ jaŋ kʋ paaba. Mɩ-na ma TƖƖNA nɛ bʋla. Mɩ jaŋ paaba, a mɩɩra kɛmba kʋ bil leriŋ deeŋ.’ ”


Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.


ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”


Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”


Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.


Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.


Wɩalɩŋ La TƖƖNA sɩ bʋla tɩgɛ Iziral arɩ Juda lɛ nɛ ŋ-la:


Wɩɩ-la La TƖƖNA sɩ bʋla nɛ ŋ-la: “Má leŋ yele, aŋ fɩɩsɛ ma sɩlɩɩrɩŋ ta, bɛɛ wɩaa mɩ jaŋ tiŋ ma lɔlʋŋ chɩmɩŋ. Mɩ-na ma TƖƖNA nɛ bʋla. Ba jaŋ lɩɩ ba dʋndɔŋŋɔɔ tinteeŋ a mɩɩra kɔ.


Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’


“Mɩ-na ma TƖƖNA nɛ bʋla, tapʋlaa ka kɔ nɛ, mɩ jaŋ leŋ dɩ nɩaa arɩ pʋsʋŋ bɩra pʋŋa su Iziral arɩ Juda tinteeŋ.


La TƖƖNA bɩra bʋla, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.


La TƖƖNA bɩra sɩ, “Tapʋlaa ka kɔ nɛ, ba sɩ jaŋ wasa saa tabalɩŋ deeŋ a pɩmɛ, a chɩŋ Hananɛl dɩɩ-leŋii-la lɛ a kaa mʋ yi boi-baal-la sɩ hɛ je-gʋnʋŋ lɛ.


Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.


Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”


ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”


Jɛrɩmaaya fa ŋmʋnsɛ wʋlɔrʋnʋ-la kala sɩ jaŋ ŋaa Babɩlɔŋ lɛ a hɛ teniŋ tʋɔŋ nɛ, wɩalɩŋ kala ba sɩ ŋmʋnsa tɩgɛ Babɩlɔŋ lɛ.


Dɩ mɩ nɛ kɛmma mɩɩra kɔ Iziral tinteeŋ, lee-la mɩ fa sɩ chaasa ŋmɩɛsɛ arɩ mɩ jaŋ joŋo pɩ ma naabalɩmaba, ŋɩɩ nɛ ma jaŋ jɩŋ arɩ mɩ nɛ ma TƖƖNA.


Mɩ jaŋ lɩɩsɛba tintee-wogusuŋ lɛ, a kɛmba hɛ dɔŋɔ a mɩɩra kɛmba kɔ ba tɩtɩa tinteeŋ. Mɩ jaŋ kɛmba mɩɩra kɔ Iziral tinteeŋ dɩ ba dii yaŋ peelee arɩ ba fuo-luŋoo arɩ lere-la kala ba sɩ hɔnɔ lɛ.


Mɩ jaŋ kɛmma lɩɩ tintee-wogusuŋ kala tʋɔŋ, a kɛmma mɩɩra kɔ ma tɩtɩa tinteeŋ.


Má kɛŋ tintee-la kpaa magɛ dɔŋɔ a pɩ ma tɩtɩa. Mɩ ŋmɩɛsa pɩ ma naabalɩmaba nɛ arɩ mɩ jaŋ joŋ tinteeŋ deeŋ pɩba dɩ ʋ ŋaa ma kʋŋ.


La TƖƖNA sɩ, “Dɩ bʋa-la nɛ yie, mɩ jaŋ leŋ dɩ Juda arɩ Jerusalɛm nɩaa mɩɩra lɩɩ yoŋ-baga kɔ.


Juda nɩkaanaa nɛ jaŋ hɔŋ tintee-la lɛ, nɩmɛ nɛ ba pʋsʋŋ jaŋ didii yaŋ. Dɩdaanɩŋ ba jaŋ pɩŋ Asɩkɛlɔŋ tɩmma-la dɩɩsɩŋ lɛ. Ba TƖƖNA Wɩa jaŋ beŋ ba nyuŋ, ʋ jaŋ leŋ dɩ ba bɩra dʋa.


Bʋa-la lɛ, mɩ jaŋ kɛsɛma kʋ hilimi. Bʋa-la nɛ yie, mɩ jaŋ kɛsɛma kɔ dɩa. Mɩ jaŋ leŋ dɩ dʋnɩa nɩaa kala bɩbɛsɛ ma lɛ a zizilma dɩ mɩ nɛ leŋe dɩ ma bɩra dʋa ba sɩɩŋ lɛ.” La TƖƖNA nɛ bʋla.


Ŋɩɩ nɛ ʋ bʋla pɩ ʋ harɩ-tooro-la, “Tapʋlɩɩ jaŋ yi dɩ ma cho dɩ ma na mɩ-na Nuhuobiine Bie tapʋlaa tʋɔŋ chɛ-bala dʋndʋŋa maa. Ama ma bɩ jaŋ wuo namɛ.


Tapʋlɩɩ jaŋ yi dɩ ma dʋndɔŋŋɔɔ saa kɛrɛ gollima, dɩ ma sɩ́ wuo lɩɩ.


“Bʋa kʋbala jaŋ yi, ba jaŋ ŋmoo kɩaa deemba kala ma sɩɩ na a lo. Ba bɩ jaŋ leŋ dɩ tie-bii-bala ma daŋ ʋ dɔŋɔ lɛ.”


ma TƖƖNA Wɩa jaŋ fá ma nenige a lɩɩsɛma tinteye-la lɛ ʋ sɩ ŋmooma pɩsa hɛ a kɛmma kʋ hɛ dɔŋɔ aŋ leŋ dɩ ma bɩra dʋa.


Ʋ jaŋ kɛmma kɔ tintee-la sɩ ŋaa ma naabalɩmaba kʋŋ, dɩ ma bɩra tɩɩʋ. Ʋ jaŋ leŋ dɩ ma dʋa kɩaa woruŋ a pʋŋa yʋgɛ a paala kɩɩ ma naabalɩmaba.


Ʋ na dɩ bumbuŋ wɩalɩŋ bɩ ʋ nɩaa lɛ pɛ dɩ ba wuo ŋaa nɩzɔmɔ, ŋɩɩ nɛ ʋ bɩra bʋl, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ