JƐRƖMAAYA 30:24 - WƖA TENIŊ

²⁴ La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 30:24 ပူးပေါင်းရင်းမြစ်များ

WƖAA DƖ-SUOMUŊ 49:1

Ŋɩɩ nɛ Jekɔb yɩrɛ ʋ hambolibiisiŋ a bʋl, “Má hilimi dɩ mɩ dagɛma ŋɩɩ ma chie sɩ jaŋ nagɛ.

AZAAYA 14:24

La TƖƖNA doluŋ kala Tɩɩna ŋmɩɛsa nɛ a bʋl, “Tɛŋɛ, wɩalɩŋ mɩ sɩ bɩɩna nɛ jaŋ ŋaa, wɩalɩŋ mɩ sɩ kɛŋ mɩ tɩtɩa hɛ dɔŋɔ dɩ mɩ ŋaa, mɩ jaŋ ŋaaba.

AZAAYA 46:11

Mɩ jaŋ yɩrɛ nʋʋ dɩ ʋ lɩɩ wɩɩpɔsʋŋ dɩɩrɩŋ dɩ-bolii a kɔ. Ʋ jaŋ kʋ tuu a nagɛ kɩla, a ŋaa wɩalɩŋ mɩ sɩ sɩ mɩ jaŋ ŋaa. Wɩalɩŋ mɩ sɩ bɩɩna, mɩ jaŋ ŋaaba.

JƐRƖMAAYA 23:19

Bee na, mɩ-na ma TƖƖNA baanɩŋ nagɛ pel-duoŋ nɛ. Ʋ jaŋ lu a nagɛ pel-vinvilimiŋ a kʋ tuu nɩbɔŋŋɔɔ nyuŋ.

JƐRƖMAAYA 23:20

Mɩ-na ma TƖƖNA baanɩŋ bɩ jaŋ kɔ dɩ ʋ fɩɛla, see dɩ mɩ ŋaa wɩɩ-la sɩ hɛ mɩ tʋɔŋ lɛ a dɛrɛ. Tapʋlaa baŋmɛnɛ harɩŋ, ba jaŋ jɩŋ wɩɩ-la sɩaa kala woruŋ.

JƐRƖMAAYA 4:28

Dʋnɩa nɩaa jaŋ yel, dɩ wɩa-nyuŋ ma biri lim, bɛɛ wɩaa, wɩɩ-la mɩ sɩ bʋla, mɩ bɩ jaŋ kɛŋ mɩ tʋɔbɩɩnaa bɩrɩmɛ. Mɩ kɛŋ tʋɔŋ dɩ mɩ ŋaa nɛ, mɩ bɩ jaŋ mɩɩrɛ harɩŋ.”

JƐRƖMAAYA 4:8

Ŋɩɩ wɩaa, má laalɛ tʋɔ-chei gɛnnɩŋ a ta jembiee yel woruŋ, bɛɛ wɩaa La TƖƖNA baaŋ-la sɩ faasa sii la nyuŋ ha bɩ fɩɛla.

JƐRƖMAAYA 48:47

Ama tapʋlaa ka kɔ nɛ, mɩ jaŋ bɩra joŋ Mʋab tɩŋŋaa dʋa pɩba ba tinteeŋ lɛ. Mɩ-na ma TƖƖNA nɛ bʋla.” Wɩalɩŋ sɩ jaŋ puu Mʋab tɩŋŋaa dɩdɛrɩŋ nɛ ŋ-la.

JƐRƖMAAYA 49:37

Mɩ jaŋ leŋ dɩ fawʋllʋŋ kɛŋ Ɛlam nɩaa ba dʋndɔŋŋɔɔ sɩpaaŋ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ chaasa na baanɩŋ a kɛŋ wʋlɔrʋŋ kʋ hɛ ba lɛ. Mɩ jaŋ joŋ laalɩŋ kire to ba harɩŋ, see dɩ mɩ dɛrɛ ba kala. Mɩ-na ma TƖƖNA nɛ bʋla.

JƐRƖMAAYA 49:39

Ama ŋɩɩ harɩŋ, mɩ jaŋ leŋ dɩ Ɛlam nɩaa bɩra dʋa.” La TƖƖNA nɛ bʋla.

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

ƐZƖKƖƐL 38:16

Ma jaŋ kɔ mɩ nɩaa Iziral tɩŋŋaa lɛ a nagɛ duoŋ-bɩlɩmbaanɩŋ sɩ tɔ leriŋ. Dɩ bʋa-la nɛ yie, mɩ jaŋ kɛŋ ŋ-na Gɔg mʋ dɩ ŋ yuo mɩ nɩaa. Dɩ mɩ nɛ to ŋ lɛ a dagɛ mɩ yɩrɩ zɔmʋŋ tinteyee nɩaa sɩpaaŋ, ba jaŋ jɩŋ nɩdoho-la mɩ sɩ ŋaa.”

DANƖƐL 10:14

Lɛɛlɛ mɩ kɔ dɩ mɩ bʋl wɩɩ-la maachie sɩ jaŋ ŋaa ŋ nɩaa lɛ nɛ a pɩŋ. Wɩɩ-la ŋ sɩ na a nagɛ duosoo tʋɔŋ tɩgɛ maachie wɩalɩŋ sɩ jaŋ ŋaa lɛ nɛ.”

DANƖƐL 2:28

ama Wɩa sɩ hɛ ʋ jaŋ lɛ nɩɩ dagɛ wʋkpuŋkperisiŋ bʋbʋɔŋ. Ʋ nɛ joŋ wɩalɩŋ maachie sɩ jaŋ ŋaa a dagɛ ŋ-na kuoro Nebukadineza. Ŋ duoso-la arɩ wɩalɩŋ kala ŋ sɩ pɩna na ŋ bɔsɔ lɛ nɛ ŋ-la:

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

MƖKA 4:1

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna nɛ jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ tinteyee gire mʋ ʋ leriŋ.

NAMBABA 24:14

Mɩ-na mɩɩraa mʋ mɩ nɩaa teeŋ nɛ, ama mɩ jaŋ leŋ dɩ ŋ jɩŋ wɩɩ-la Iziral tɩŋŋaa maachie sɩ jaŋ ŋaa ŋ nɩaa lɛ.”

MOSIS BƖRA WULLI WƖA WOMBIIŊ 31:29

Mɩ jɩma mɩ sʋʋŋ harɩŋ lɛ, ma jaŋ ŋaa wʋbɔŋŋɔɔ aŋ vɩa wombii-la mɩ sɩ dagɛma. Bʋa dɔŋ jaŋ kɔ, wʋlɔrʋnʋŋ jaŋ ŋaa ma lɛ a tɩŋ wʋbɔmɔ-la ma sɩ jaŋ ŋaa La TƖƖNA sɩɩŋ lɛ, dɩ ʋ na baanɩŋ ma nyuŋ.”

MOSIS BƖRA WULLI WƖA WOMBIIŊ 4:30

Dɩ wɩaa deemba kala nɛ ŋaa ma lɛ, dɩ hɛɛŋ jʋʋma, ʋ ŋɩɩ harɩŋ ma jaŋ mɩɩra kɔ ma TƖƖNA Wɩa teeŋ a sɛyʋ.

1 SAMƲƐL 3:12

Bʋa-la lɛ mɩ jaŋ ŋaa wɩalɩŋ kala mɩ sɩ sɩ mɩ jaŋ ŋaa Eli dɩa nɩaa lɛ, a chɩŋ dɩ-suomuŋ a kaa mʋ dɩdɛrɩŋ.