JƐRƖMAAYA 30:19 - WƖA TENIŊ

¹⁹ Ba jaŋ yɩɩ yɩɩlaa a lʋlɔllɛmɛ, aŋ ŋaa goŋ a jʋjʋɔsɛ. Mɩ jaŋ leŋ dɩ ba pʋŋa pɛ, ba bɩ jaŋ muuri. Mɩ jaŋ leŋ dɩ nɩaa zizilba, ba bɩ jaŋ bee gʋʋnɛba.

JƐRƖMAAYA 30:19 ပူးပေါင်းရင်းမြစ်များ

ƐZƖRA 6:22

Ba gbieli gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ tapʋlaa balɩpɛ nɛ arɩ tʋɔtɔrʋŋ, bɛɛ wɩaa La TƖƖNA leŋe tʋɔtɔrʋŋ vɔgɛba nɛ, ʋ sɩ kɛŋ Asiiria kuoro tʋɔŋ bɩrɩmɛ ʋ pɛ ba lɛ ba saa Iziral tɩŋŋaa Wɩa dɩɩ-balɩŋ.

NƐHƖMAAYA 8:12

Ŋɩɩ nɛ nɩalɩŋ kala mʋ dɩ ba dii kɩaa aŋ nyʋa kɩaa a gbieli arɩ tʋɔtɔrʋŋ, aŋ pɛ ŋaa kʋdiile-la pɩ ba dɔnsʋŋ tɩŋŋaa, bɛɛ wɩaa ba nɩɩ wɩalɩŋ kala ba sɩ karɩma pɩba sɩaa nɛ.

NƐHƖMAAYA 8:17

Nɩalɩŋ kala fa sɩ mɩɩra lɩɩ yoŋ-baga kɔ hɛ lɛŋŋɛɛ a jʋjʋʋ. A lɩɩ bʋa-la lɛ Nuŋ nanʋala Josua fa sɩ hɛ nɩmɛ a kaa kɔ tapʋlɩɩ-la, Iziral tɩŋŋaa fa bɩ gbiele-la ŋɩɩ gbiele. Ba tʋɔŋ fa chaasa tɔrɛ nɛ woruŋ.

WƖA YƖƖLAA 53:6

Mɩ Wɩɩsʋlʋŋ nɛ, dɩ nʋʋ fa lɩɩ Zaayɔŋ a kʋ laa Iziral tɩŋŋaa ta. Dɩ Wɩa nɛ bɩra leŋe dɩ wɩaa vɛŋ woruŋ a pɩ ʋ nɩaa, Jekɔb dɩa nɩaa jaŋ jʋɔsɛ, Iziral tɩŋŋaa tʋɔŋ jaŋ tɔrɛ.

AZAAYA 12:1

Dɩ tapʋlɩɩ-la nɛ yie, ma jaŋ bʋl, “Mɩ jaŋ dɛnnɩŋ La TƖƖNA, ŋ fa paala na baanɩŋ nɛ mɩ nyuŋ, ama ŋ leŋe ŋ baaŋ-la fɩɛlɛ nɛ, aŋ ŋaa mɩ tʋɔŋ pɩŋ dɩ-bala.

AZAAYA 26:15

La TƖƖNA, ŋ kɛŋ ŋ nɩaa tinteeŋ kaa jallɛ nɛ, ŋ kɛŋ la tinteeŋ sɛmɛ na-kala bʋa kaa jalla pɛ nɛ. Ŋ leŋe ŋ yɩrɩŋ yɩrɛ nɛ.

AZAAYA 27:6

Bʋa dɔŋ lɛ, Iziral naapoloo jaŋ tuu tinteeŋ a nagɛ tɩa, a fɩɩlɛ a nɛŋ nɛnɛɛ a su dʋnɩa kala.

AZAAYA 35:10

Nɩalɩŋ La TƖƖNA sɩ laa ta jaŋ mɩɩra kɔ, ba jaŋ yɩyɩɩ yɩɩlaa arɩ tʋɔtɔrʋŋ a jʋʋ Jerusalɛm. Tʋɔtɔrʋŋ dʋndʋŋa nɛ jaŋ ŋaa ba kʋa, tʋɔ-cheeŋ jaŋ fá lɛl ba teeŋ.

AZAAYA 51:11

Nɩalɩŋ La TƖƖNA sɩ laa ta jaŋ mɩɩra kɔ ʋ teeŋ. Ba jaŋ yɩɩ yɩɩlaa arɩ tʋɔtɔrʋŋ kʋ jʋʋ Jerusalɛm. Ba jaŋ nɩɩ sɩma a kaa mʋ wuu. Tʋɔtɔrʋŋ jaŋ faasa yʋgɛ ba teeŋ, dɩ hɛɛŋ arɩ tʋɔ-cheeŋ fa lɛl.

AZAAYA 51:3

Mɩ-na ma TƖƖNA jaŋ nyagɛ Zaayɔŋ nɩaa bɔyɛ a fá Jerusalɛm nɩaa nisusuŋ arɩ nɩalɩŋ kala sɩ hɛ ʋ jikpeeni-la lɛ. Mɩ jaŋ leŋ dɩ ʋ tintee-hɩlɩŋ kala mɩɩra nagɛ mɩ-na ma TƖƖNA ŋmaŋkaa-la fa sɩ hɛ Ɛdɩŋ lɛ. Ʋ tintee-hɩlɩɩ-la jaŋ nagɛ mɩ ŋmaŋkaaŋ. Tʋɔtɔrʋŋ jaŋ hɛ nɩmɛ, dɩ ba yɩɩ yɩɩlaa a dɩdɛnnɛmɛ.

AZAAYA 52:9

Má gbaara yɩɩ yɩɩlaa arɩ tʋɔtɔrʋŋ, ma nɩalɩŋ sɩ ka Jerusalɛm jikpeeŋ lɛ. La TƖƖNA jaŋ laa Jerusalɛm nɩaa ta, aŋ nyagɛ ba nɩaa bɔyɛ.

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 60:19

Wɩɩpɔsʋŋ dee bɩ jaŋ ŋaa ŋ pʋlʋmʋŋ wɩɩhɛyɛ koo chɛŋ-pʋla dee bɩra bɩ jaŋ ŋaa ŋ pʋlʋmʋŋ tɩtaŋɩŋ, mɩ-na ŋ Tɩɩna nɛ jaŋ ŋaa ŋ pʋlʋmʋŋ a kaa mʋ wuu ŋ Wɩa nɛ jaŋ ŋaa ŋ tʋla.

AZAAYA 60:22

Ŋ dɩa-la nɩaa sɩ paala bɩ yʋgɛ jaŋ kʋ ŋaa tintee bal a kɛŋ doluŋ. Mɩ-na nɛ ma TƖƖNA, dɩ bʋa-la nɛ yie, mɩ jaŋ guu ŋaa wɩalɩŋ kala.”

AZAAYA 60:9

Tinteye-la lɩɩŋ sɩ gollo chu nɩaa sɛnɛ ka gbɛrɛ mɩ-na ma TƖƖNA nɛ. Lɩɩŋ daborusuŋ yʋga nɛ a laa sɩpaaŋ a lɩɩ Taasɩs kʋkɔ. Ŋ nɩaa sɩ hɛ dɩ-boloo nɛ ba paa kʋkɔ dɩa. Ba pɛ chʋŋ hɔpʋla arɩ sɛlɩmɛ nɛ dɩ ba kaa kʋ zil mɩ-na ma TƖƖNA Wɩa, Iziral tɩŋŋaa Wɩa sɩ bɩ disiniŋ kɛnɛ, bɛɛ wɩaa ʋ nɛ leŋe ŋ kɛŋ tʋla.

JƐRƖMAAYA 17:26

Nɩaa jaŋ lɩɩ Juda tasɩŋ arɩ tabiisi-la sɩ golli Jerusalɛm a kɔ. Dɔnsʋŋ ma jaŋ lɩɩ Bɛnjamɩŋ tinteeŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, arɩ wɩɩpɔsʋŋ nadiiŋ tintee-la peelee sɩ yʋga. Ba jaŋ kɛŋ kʋnyɩgaa Wɩɩsʋlʋŋ kɩaa, pʋsʋŋ ma ba sɩ jaŋ kpʋ ŋaa Wɩɩsʋlʋŋ, mɩaa Wɩɩsʋlʋŋ kɩaa, kʋsʋɔrʋsʋŋ arɩ Wɩɩsʋlʋŋ kɩaa ma ba sɩ jaŋ kaa lɔllɛmɛ a kaa kɔ mɩ-na ma TƖƖNA dɩa.

JƐRƖMAAYA 3:16

Mɩ-na ma TƖƖNA nɛ bɩraa bʋl: Dɩ ma nɛ faasa pʋŋa yʋgɛ tintee-la lɛ, nɩaa bɩra bɩ jaŋ bʋl mɩ niiriŋ daga-la wɩaa. Ba bɩra bɩ jaŋ bɩɩnɛ ʋ wɩaa koo a liisi ʋ wɩaa. Ba bɩra bɩ jaŋ chɛʋ ka koo a bɩra ŋaa ʋ dɔŋɔ.

JƐRƖMAAYA 31:27

“Mɩ-na ma TƖƖNA nɛ bʋla, tapʋlaa ka kɔ nɛ, mɩ jaŋ leŋ dɩ nɩaa arɩ pʋsʋŋ bɩra pʋŋa su Iziral arɩ Juda tinteeŋ.

JƐRƖMAAYA 31:4

Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 33:22

Mɩ jaŋ leŋ dɩ mɩ tɩntɩnna Devit doho nɩaa arɩ Levi doho nɩalɩŋ sɩɩ tɩŋ mɩ sɩpaaŋ doho nɩaa pʋŋ woruŋ a bɩ nii kɛnɛ a nagɛ chɛnwʋlaa sɩ hɛ wɩa-nyuŋ koo hagɩlɩ-bumbugulo sɩ pɩŋ mʋgʋ-balɩŋ niiŋ.”

ƐZƖKƖƐL 36:37

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ jaŋ bɩra jegile nɩɩ Iziral tɩŋŋaa sʋla a pɛ ba lɛ. Mɩ jaŋ leŋ dɩ ba faasa pʋŋa yʋgɛ a nagɛ pie-laalɩŋ.

ƐZƖKƖƐL 37:10

Ŋɩɩ nɛ mɩ bʋl wɩaa ʋ doluŋ lɛ arɩ ŋɩɩ ʋ sɩ dagɛmɛ, wiese kʋ jʋʋba ba kɛŋ mɩɩsɩŋ a sii chɩŋ. Ba fa ŋaa laalɩyuori dandaŋ nɛ.

ƐZƖKƖƐL 37:26

Mɩ jaŋ bil niiŋ mɩ dɩ ba pɛgɛ dɩ fɩɛlɩŋ hɛ ba teeŋ a kaa mʋ wuu. Mɩ jaŋ leŋ dɩ ba chɩŋ, a leŋ dɩ ba nɩaa pʋŋa pɛ. Mɩ dɩɩ-balɩŋ jaŋ hɛ ba tʋɔŋ a kaa mʋ wuu.

ZƐKARƖYA 10:8

Mɩ jaŋ fʋʋla yɩrɛba a kɛmba kʋ hɛ dɔŋɔ. Wʋtɩtɩɩ, mɩ jaŋ laaba ta, ba jaŋ bɩra yʋgɛ arɩ ba fa sɩ yʋga ŋɩɩ.

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

ZƐKARƖYA 2:4

a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

ZƐKARƖYA 8:19

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”

Jɔɔŋ 17:22

Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.