JƐRƖMAAYA 30:18 - WƖA TENIŊ

¹⁸ Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 30:18 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:1

Ŋɩɩ nɛ kuoro Devit bʋla pɩ nɩalɩŋ kala sɩ hilime, “Mɩ nanʋala Solomoŋ nɛ Wɩa lɩɩsɛ dɩ ʋ saa ʋ dɩa-la, ama ʋ ha ŋaa hambie nɛ, ʋ bɩ wɩaa jɩŋ woruŋ. Tɩntɩmɩɩ-la yʋga nɛ woruŋ, bɛɛ wɩaa dɩa-la tuo nuhuobiiŋ dɩa, ama La TƖƖNA Wɩa dɩa nɛ.

1 IZIRAL TƖŊŊAA NAABARƖŊ 29:19

Leŋ dɩ mɩ nanʋala Solomoŋ kɛŋ tʋɔ-la sɩ jaŋ leŋ dɩ ʋ to wɩalɩŋ kala ŋ sɩ daga aŋ pɛ kɛŋ kɩalɩŋ mɩ sɩ chɛ bil a saa ŋ dɩa-la.”

NƐHƖMAAYA 7:4

Tabal-la fa jalɩa, ama nɩaa fa bɩ yʋgɛ nɩmɛ, ba ha bɩ dɩɩsɩŋ ma paa wasa saa.

WƖA YƖƖLAA 102:13

Ŋ jaŋ sii a fá Zaayɔŋ nɩaa nenige, bɛɛ wɩaa bʋa-la sɩ maga dɩ ŋ ŋaa ŋɩɩ yie nɛ, bʋa-la ŋ sɩ daga yie nɛ.

WƖA YƖƖLAA 102:14

La-na ŋ tɩntɩnnaa cho taŋ-la, arɩ ba sɩ cheyu ʋ pɩŋ jikpeeŋ ma kala. Ʋ wɩaa kɛŋ nenige nɛ a pɩla.

WƖA YƖƖLAA 122:7

Jerusalɛm, a leŋ dɩ fɩɛlɩŋ hɛ ŋ saarɩŋ kala lɛ, dɩ fɩɛlɩŋ hɛ ŋ kuori-dɩɩsɩŋ ma lɛ.”

WƖA YƖƖLAA 48:13

Má beŋ ʋ jeyee woruŋ a jʋʋ ʋ dɩɩ-duoru-la kala tʋɔŋ, dɩ maachie ma wuo bʋl ba wɩaa a pɩ ma doho nɩalɩŋ sɩ jaŋ to ma harɩŋ kɔ.

WƖA YƖƖLAA 48:3

Wɩa hɛ ʋ tabalɩŋ lɛ nɛ, ʋ daga arɩ ʋ nɛ lee-la dɩ-duoŋ.

WƖA YƖƖLAA 78:69

Nɩmɛ nɛ ʋ saa ʋ dɩa, ʋ leŋie nagɛ wɩa-nyuŋ, ʋ leŋ ʋ chɩŋ kpaŋkpaŋ, a nagɛ tinteeŋ sɩ chɩŋ ŋɩɩ kpaŋkpaŋ a kaa mʋ wuu.

WƖA YƖƖLAA 85:1

La Tɩɩna, ŋ pɛ ŋ tinteeŋ nɩaa lɛ nɛ woruŋ, a leŋ wɩaa vɛŋ woruŋ a pɩ Jekɔb doho nɩaa.

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 31:38

La TƖƖNA bɩra sɩ, “Tapʋlaa ka kɔ nɛ, ba sɩ jaŋ wasa saa tabalɩŋ deeŋ a pɩmɛ, a chɩŋ Hananɛl dɩɩ-leŋii-la lɛ a kaa mʋ yi boi-baal-la sɩ hɛ je-gʋnʋŋ lɛ.

JƐRƖMAAYA 31:4

Iziral tɩmma, mɩ jaŋ bɩra kɛmma kɩɩ dɩ ma chɩŋ woruŋ. Ma jaŋ bɩra paa ma chɩnchɩgɩsɩŋ, a lɩɩ dɩ ma dɩ nɩalɩŋ tʋɔŋ sɩ tɔrɔ gʋa.

JƐRƖMAAYA 31:40

a kɛŋ fuonaa-la lɛ ba sɩɩ hugi sʋʋnʋŋ aŋ joŋ tʋɔrʋŋ ma tɩta, a pɛ lere-la kala ba sɩ dɩŋa lɛ a mʋ yi Kɩdɩrɔŋ Fuonaaŋ sɩ hɛ wɩɩpɔsʋŋ dɩɩrɩŋ, a kɛŋ ŋɩɩ mʋ yi Janɩŋ Boi-baal-la sɩ hɛ je-gʋnʋŋ lɛ. Leree deemba kala jaŋ ŋaa dɩ-zɔmɔ a pɩ mɩ-na ma TƖƖNA. Ba bɩra bɩ jaŋ kɔ dɩ ba churi tabal-la koo a ŋmobu lo.”

JƐRƖMAAYA 32:15

bɛɛ wɩaa, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Nɩaa jaŋ bɩra yɔɔ dɩɩsɩŋ, tinteyee arɩ girep tɩɩsɩŋ bagɩsɩŋ tinteeŋ deeŋ lɛ.”

JƐRƖMAAYA 32:44

Nɩaa jaŋ joŋ warɩpʋla a yɔɔ ŋmaŋkaanɩŋ, dɩ ba ŋmʋnsɛ tenniŋ a joŋ neniee, a kɛŋ tenni-la pilime tɔ ka dɩ nɩaa dii ŋaa pɛ-naaraa. Wɩɩŋ deeŋ jaŋ ŋaa Bɛnjamɩŋ tinteeŋ arɩ tabiisi-la sɩ golli Jerusalɛm lɛ. Ʋ jaŋ ŋaa Juda tasɩŋ arɩ tintee-la peelee sɩ yʋga lɛ, a pɛ wɩɩjʋʋlʋŋ dundollu-la sɩ hɛ peelee bʋbʋɔŋ arɩ wɩɩpɔsʋŋ nadiiŋ dɩɩrɩŋ, bɛɛ wɩaa mɩ jaŋ leŋ dɩ ba bɩra mɩɩra kɔ ba tinteeŋ. Mɩ-na ma Tɩɩna nɛ bʋla.”

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

JƐRƖMAAYA 33:7

Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

JƐRƖMAAYA 46:27

Mɩ tɩntɩnna Jekɔb, sɩ́ fawʋllʋŋ fá. Sɩ́ leŋe dɩ ŋ yaraa yʋɔrɛ Iziral. Mɩ jaŋ laama ta dɩ-bolii-la lɛ ma sɩ hɛ, mɩ jaŋ laa ma doho nɩalɩŋ ta yoŋ-baga lɛ. Jekɔb jaŋ bɩra kɛŋ fɩɛlɩŋ a hɔŋ sɔm, nʋʋkala bɩ jaŋ leŋ dɩ fawʋllʋŋ kɛnʋ.

JƐRƖMAAYA 49:39

Ama ŋɩɩ harɩŋ, mɩ jaŋ leŋ dɩ Ɛlam nɩaa bɩra dʋa.” La TƖƖNA nɛ bʋla.

JƐRƖMAAYA 49:6

Ama ŋɩɩ harɩŋ, mɩ jaŋ leŋ dɩ Amɔŋ tɩŋŋaa bɩra dʋa, mɩ-na ma TƖƖNA nɛ bʋla.”

ƐZƖKƖƐL 36:11

Mɩ jaŋ leŋ dɩ ma nɩaa arɩ ma pʋsʋŋ pʋŋ. Ma jaŋ yʋgɛ a kɩɩ ŋɩɩ ma fa sɩ maga, dɩ ma biiriŋ ma pʋŋa pɛ. Mɩ jaŋ leŋ dɩ ma hɔŋ nɩmɛ arɩ ma fa sɩ hɔŋ ŋɩɩ, a dʋa kɩaa a kɩɩ ŋɩɩ ma fa sɩ kɛnɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

AMƆS 9:14

Mɩ jaŋ kɛŋ mɩ nɩaa Iziral tɩŋŋaa mɩɩra lɩɩ yoŋ-baga kɔ ba tɩtɩa tinteeŋ. Ba jaŋ paa ba tasɩ-la sɩ pɩŋ jikpeeŋ saa a jʋjʋʋ. Ba jaŋ pɛrɛ girep tɩɩsɩŋ bagɩsɩŋ a nyʋnyʋa ba sɩnɩŋ. Ba jaŋ pɛrɛ bagɩsɩŋ, a dii ba kɩaa.

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 12:6

Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.

ZƐKARƖYA 12:7

Mɩ-na ma TƖƖNA jaŋ laa sɩpaaŋ laa Juda nɩaa ta, dɩ yɩrɩ-la Devit doho nɩaa arɩ Jerusalɛm nɩaa sɩ jaŋ laa, sɩ́ Juda nɩaa kʋa kɩɩ.

ZƐKARƖYA 14:10

Tintee-la kala, a chɩŋ Geba lɛ a kaa mʋ Rimoŋ sɩ hɛ Jerusalɛm wɩɩpɔsʋŋ nadiiŋ dɩɩrɩŋ, jaŋ mɩɩra nagɛ lee-la ba sɩɩ yɩrɛ Araba. Ama Jerusalɛm jaŋ sii je a chɩŋ ʋ dɩchɩnɩŋ, a lɩɩ Bɛnjamɩŋ Boi-baalɩŋ a kaa mʋ Boi-baal Bumbuŋ leriŋ, a kaa mʋ Je-gʋnʋŋ Boi-baalɩŋ lɛ, a bɩra chɩŋ Hananɛl dɩɩ-leŋii-la lɛ a kaa mʋ kuoro girep nɛnɛɛ sɩnɩŋ dɩ-chagɩŋ.