JƐRƖMAAYA 30:17 - WƖA TENIŊ

¹⁷ Ama mɩ jaŋ bɩra pɩma yarɩfɩɛlaa, a ŋaa dɩ ma naawɩɩlaa ma fɩɛlɛ, a tɩŋ nɩaa sɩ sɩ Zaayɔŋ nɩaa ŋaa nɩ-kire taalɩa nɛ, nʋʋkala bɩ ba wɩaa chɩla. Mɩ-na ma TƖƖNA nɛ bʋla.”

JƐRƖMAAYA 30:17 ပူးပေါင်းရင်းမြစ်များ

JOB 5:18

Ʋ yie wuo pɩrɩŋ, aŋ bɩra vɔɔ tɔ naawɩɩl-la. Ʋ jaŋ wuo leŋ dɩ ŋ na hɛɛŋ, aŋ bɩra vaarɩŋ.

WƖA YƖƖLAA 103:3

Ʋ nɛ joŋ mɩ wʋbɔŋŋɔɔ kala chɛmɛ, aŋ vaarɛ mɩ nyanyalaa kala.

WƖA YƖƖLAA 107:20

Ʋ niiŋ wʋbʋlaa nɛ vaarɛba, a laaba ta ba sʋʋŋ bʋa lɛ.

WƖA YƖƖLAA 12:5

La Tɩɩna sɩ, “Mɩ jaŋ kɔ lɛɛlɛ a tɩŋ ba sɩɩ dɔgɩsɛ nɩalɩŋ sɩ bɩ ba tɩtɩa lɛ wuo pɛ arɩ summoo ba yiyel. Mɩ jaŋ laaba ta nɩalɩŋ sɩɩ dɔgɩsɛba nɩsɩŋ lɛ.”

WƖA YƖƖLAA 142:4

Mɩ sɩ beŋ mɩ sɛsɩŋ, nʋʋkala tuo dɩ ʋ pɛ mɩ lɛ, mɩ bɩ dɩ-yuori kɛnɛ, nʋʋkala bɩ mɩ wɩaa chɩla.

WƖA YƖƖLAA 23:3

Ʋ yie pɩmɛ dol-falɩŋ nɛ tapʋlɩɩ kala. Ʋ yie leŋ mɩ to wombii-la sɩ zɔmɔ nɛ a tɩŋ ʋ yɩrɩŋ wɩaa.

MOSIS KƐŊ IZIRAL TƖŊŊAA LƖƖ 15:26

Ʋ sɩ, “Dɩ ma nɛ jaŋ jegile nɩɩ mɩ-na ma TƖƖNA Wɩa niiŋ woruŋ a ŋɩŋaa wɩaa ba bʋa lɛ, a to wɩalɩŋ kala mɩ sɩ dagɛma, mɩ bɩ jaŋ joŋ nyanyalɩa-la mɩ sɩ joŋo hɛ Ijipiti tɩŋŋaa lɛ a hɛ ma lɛ. Mɩ nɛ ŋaa ma TƖƖNA, mɩ nɩɩ vaarɛ ma nyanyalaa.”

AZAAYA 11:12

Ʋ jaŋ kɛŋ tuuta-la je a dagɛ tinteyee nɩaa kala, aŋ kɛŋ Iziral tɩmma-la ba sɩ kɛsɛ mʋ yoŋ-baga kʋ hɛ dɔŋɔ. Ʋ jaŋ kɛŋ Juda nɩalɩŋ ma sɩ pɩsa, a lɩɩ dʋnɩa loŋgorunu-la banɛsɛ kala lɛ a mɩɩra kʋ hɛ dɔŋɔ.

AZAAYA 30:26

Chɛnɛ pʋlʋmʋŋ jaŋ chaanɛ a nagɛ wɩɩpɔsʋŋ, ka wɩɩpɔsʋŋ ma chaanɛ a kɩɩ ŋɩɩ ʋ sɩ vɛnɛ chɩchaanɛ naansɩɩŋ bʋlɩpɛ, a nagɛ tapʋlaa balɩpɛ pʋlʋmʋŋ sɩ kʋ pɛ dɔŋɔ a chaanɛ tapʋl-bala. Wɩaa deemba kala jaŋ ŋaa bʋa-la lɛ La TƖƖNA sɩ jaŋ leŋ dɩ naawɩɩla-la ʋ sɩ hɛ ʋ nɩaa lɛ fɩɛlɛ.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 54:6

Ŋ fa nagɛ hatolo ʋ bala sɩ vɩa ta nɛ, ŋ tʋɔŋ chei kɩŋkɛŋ. Ama ŋ TƖƖNA Wɩa yɩrɩŋ nɛ a bʋl,

AZAAYA 56:8

La TƖƖNA Wɩɩjarɩbakɔ, ʋ nɛ kɛŋ Iziral tɩmma-la ba sɩ kɛsɛ mʋ tintee-wogusuŋ mɩɩra kɔ ŋɩɩ, ʋ sɩ, “Mɩ ha jaŋ kɛsɛ nɩaa dɔnsʋŋ kʋ pɛ nɩalɩŋ mɩ sɩ laa sɩpaaŋ kɛsɛ kʋ hɛ dɔŋɔ lɛ.”

AZAAYA 57:18

Mɩ na wɩalɩŋ kala ma sɩ ŋaa nɛ, ama mɩ ha jaŋ vaarɛma. Mɩ jaŋ laa ma sɩpaaŋ a beŋ ma nyuŋ woruŋ, a nyagɛ nɩalɩŋ kala sɩɩ yel bɔyɛ.

AZAAYA 57:19

Mɩ jaŋ ŋaa dɩ nɩalɩŋ kala sɩɩ yel Iziral lɛ yaraa fɩɛlɛ, dɩ ba suri ba niiŋ a dɛnnɛmɛ. Nɩalɩŋ sɩ hɛ dɩ-boloo arɩ dɩ kpagɩsɩŋ kala jaŋ kɛŋ fɩɛlɩŋ. Mɩ jaŋ vaarɛba.

AZAAYA 58:8

Ŋɩɩ nɛ mɩ pʋlʋmʋŋ jaŋ chaana hɛ ma lɛ a nagɛ chʋchʋɔŋ wɩɩpɔsʋŋ. Wɩalɩŋ kala fa sɩ nagɛ nyanyalaa ma lɛ, ba kala jaŋ lɛl, ka ma duori. Mɩ-na ma TƖƖNA jaŋ hɛ ma teeŋ a laama ta, mɩ tʋla jaŋ hɛ ma lɛ a pɔma.

AZAAYA 60:15

Nɩaa fa bɛrɩŋ nɛ woruŋ a vɩaŋ ta, nʋʋkala bɩŋ to a bɩbal. Ama lɛɛlɛ mɩ jaŋ leŋ dɩ ŋ zɔŋ dɩ nɩaa kɛnɩŋ ŋmuŋmoo bɔyɛ, a kɛŋ tʋɔtɔrʋŋ ŋ lɛ a kaa mʋ wuu.

JƐRƖMAAYA 10:20

Ba chei mɩ lɛbɩŋ nɛ, a keri ʋ ŋmɛsɩŋ kala. Mɩ biiriŋ kala viire nɛ aŋ ka mɩ, ba bɩra tuo. Nʋʋkala bɩra tuo dɩ ʋ hɛ mɩ lɛbɩŋ, koo dɩ ʋ kɛŋ lɛbɩ-la patɩɩsamba kɛrɛ.

JƐRƖMAAYA 17:14

La TƖƖNA, vaarɛmɛ, dɩ ŋ nɛ ŋaa ŋɩɩ, mɩ jaŋ duori. Dɩ ŋ nɛ laamɛ ta, mɩ jaŋ na wiese, ŋ nɛ mɩɩ dɛnnɛ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 30:13

Nʋʋkala tuo dɩ ʋ sʋla laama, ma naawɩɩlɩŋ bɩ daaluno kɛnɛ. Ma bɩ vaarɩna kɛnɛ.

JƐRƖMAAYA 33:24

“Ŋ bɩ nɩa arɩ nɩaa ka bʋl arɩ mɩ vɩa kuori gentisiŋ deemba balɩa mɩ sɩ lɩɩsa ta nɛɛ? Ŋɩɩ wɩaa ba sɩɩŋ bɩ mɩ nɩaa ka su, a bɩra bɩ bene arɩ ba ŋaa tintee ma.

JƐRƖMAAYA 33:6

Ama arɩ ŋɩɩ kala, mɩ ha jaŋ pɩ mɩ nɩaa yarɩfɩɛlaa dɩ ba duori. Mɩ jaŋ vaarɛba a leŋ dɩ ba tinteeŋ chaasa kɛŋ fɩɛlɩŋ dɩ ba hɔŋ sɔm.

JƐRƖMAAYA 8:22

Naawɩɩlaa nʋʋŋ tuo Gɩlɩad lɛɛ? Daalusuŋ tɩɩna kala tuoo? Bɛɛ nɛ saa tɩɩ mɩ nɩaa naawɩɩlaa bɩ fɩɛlɛ?

JEMBIEE 2:15

Nɩalɩŋ kala sɩ kielima bɩbal mɔŋ a bʋl, vaha. Ba yie sieri ma lɛ aŋ kɛŋ ba nyusuŋ chugisi ma Jerusalɛm nɩaa wɩaa aŋ pɩɛsɛ, “Tabalɩŋ deeŋ dee ba fa kaa yɩrɛ taŋ-la sɩ chaasa zɔŋ kɩŋkɛŋ a ŋaa dʋnɩa nɩaa kala tʋɔtɔrʋ lee ŋɩɩ?”

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

ƐZƖKƖƐL 35:12

Ŋɩɩ nɛ ma jaŋ jɩŋ arɩ mɩ-na ba TƖƖNA nɩɩ ŋɩɩ ma sɩ mɔŋ Iziral peelee lɛ, a bʋl ba tinteeŋ jaŋ pɩŋ jikpeeŋ, dɩ ma laaʋ tɩɩ.

ƐZƖKƖƐL 36:20

Tinteye-la lee na-kala ba sɩ mʋa, ba yie chei mɩ yɩrɩ-zɔŋ-la nɛ. Nɩaa yie bʋl ŋ-la nɛ a tɩgɛ ba lɛ: ‘La TƖƖNA nɩaa nɛ ŋ-la, ama ʋ leŋe ba lɩɩ ʋ tinteeŋ lɛ nɛ.’

HOSIA 11:3

Mɩ nɛ Nɩɩ-la fa sɩ dagɛ Efirem ʋ vɛŋ. Mɩ nɛ kɛŋ ʋ nɩsɩŋ lɛ, ama ʋ bɩ jɩŋ arɩ mɩ nɛ Nɩɩ-la sɩ beŋ ʋ nyuŋ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

Jɔɔŋ Wʋnaalaa 22:2

a pɛllɛ to tabal-la womporuŋ tʋtʋɔbaanɩŋ, ka tɩa-la sɩɩ pɩ nɩaa mɩɩsɩŋ chɩŋ fuo-la cholluŋ balɩa-la kala lɛ. Tɩa-la yie nɛŋ nɛŋ-dosunuŋ naansɩɩŋ fii arɩ balɩa jɩna kala. Chɛnɛ kala ʋ yie nɛŋ bala. Tɩa-la pɩpaarɩŋ nɛ tinteyee nɩaa kaa vɩvaarɛ ba tɩtɩa.