JƐRƖMAAYA 30:15 - WƖA TENIŊ

¹⁵ Bɛɛ nɛ tɩɩ ma yiyel ma naawɩɩlaa wɩaa, ma hɛɛ-la sɩ bɩ daaluno kɛnɛ wɩaa? A tɩŋ ma cheeriŋ arɩ ma wʋbɔŋŋɔɔ sɩ yʋga wɩaa ŋɩɩ nɛ tɩɩ mɩ joŋ wɩaa deemba ŋaa ma lɛ.

JƐRƖMAAYA 30:15 ပူးပေါင်းရင်းမြစ်များ

ƐZƖRA 9:13

Wɩalɩŋ kala sɩ ŋaa la lɛ, la wʋbɔŋŋɔɔ arɩ la wʋcheelee sɩ faasa yʋgɛ wɩaa nɛ tɩɩ. Ama ŋ-na la Wɩa, ŋ bɩ la dɔgɩsɔ a magɛ ŋɩɩ la wʋbɔŋŋɔɔ sɩ maga, aŋ leŋ la dɔnsʋŋ ka a bɩ sʋba.

JOB 34:29

Ama dɩ Wɩa nɛ tɔrɛ ʋ niiŋ, kʋbɛɛ nɛ jaŋ wuo joŋ cheeriŋ pʋ? Dɩ ʋ nɛ kɛŋ ʋ sɩaa faa, kʋbɛɛ nɛ jaŋ wuo naʋ? Ʋ nɩɩ beŋ nuhuobiinee arɩ tinteyee kala,

JOB 34:6

arɩ mɩ kɩaa sɩ sɩma ma kala, ʋ ha jommi arɩ mɩ ŋaa wʋnyɩɛrʋ nɛ. Mɩ ha chaasaa na hɛɛŋ nɛ arɩ mɩ sɩ bɩ wɩɩ cheye ma kala.’

WƖA YƖƖLAA 107:17

Ba dɔnsʋŋ mɩɩra bɩrɩmɛ nɩyaara a vɩa Wɩa niiŋ, ŋɩɩ leŋ nyanyalaa jʋʋba a tɩŋ ba wʋbɔŋŋɔɔ wɩaa.

AZAAYA 1:6

A chɩŋ ma naachɛyɛɛ a kaa jɩl ma nyuŋ yarɩfɩɛlaa tuo. Ma yaraa kala nɛ firise a ŋaa naawɩɩlaa. Ma bɩ chɛsɛ, ma bɩ vɔɔ tɔ, ma bɩ daalusuŋ ma ŋaa hɛ.

AZAAYA 5:2

Ŋɩɩ nɛ ʋ bugili baga-la tinteeŋ kala a tʋɔsɛ tabɩaa ta, aŋ chɔnsɛ tɩɩsɩ-la ʋ sɩ cho baga-la lɛ, a saa dɩɩ-leŋiŋ ʋ sɩ jaŋ chɩŋ ʋ nyuŋ aŋ bibeŋ baga-la, aŋ lu buotuoŋ ba sɩ jaŋ tɔrɛ tɩɩnɛnɛ-la hɛ a chɩchagɛ ba lɩɩŋ. Ŋɩɩ nɛ ʋ gbɛrɛ dɩ tɩɩsɩ-la nɛŋ nɛŋ-zɔŋŋɔɔ, ba mɩɩra nɛŋ nɛŋ-lɔrʋnʋŋ dʋndʋŋa.

JƐRƖMAAYA 11:13

Ma Juda nɩaa kɛŋ vʋɩyaa yʋga magɛ tasɩ-la ma sɩ kɛnɛ nɛ. Korunu-la ma sɩ saa dɩ ma nyɩgɛ kʋsʋɔrʋsʋŋ pɩpɩ ma hɩɩsɛ vene-la ba sɩɩ yɩrɛ Baal ma yʋga nɛ a magɛ Jerusalɛm womporunuŋ.’

JƐRƖMAAYA 15:18

Bɛɛ nɛ tɩɩ mɩ hɛɛŋ bɩ dɛrɛ, mɩ naawɩɩlaa ma faasa verigi a bɩ fɩɛlɛ? Ŋ chɛ ŋ nyɩsɛmɛ a nagɛ fuoŋ sɩ yie hɩl wulumuŋ lɛ nɛ koo a nagɛ lɩɩ-bul-sɩɩŋ sɩ tɔ nɛɛ?

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 30:12

Wɩɩ-la La TƖƖNA sɩ bʋla nɛ ŋ-la: “Nʋʋ bɩ ma naawɩɩlɩŋ wuo tɩɩbɛ. Ma pɩrɩna-la bɩ vaarɩna kɛnɛ.

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 30:16

Ama nɩalɩŋ kala sɩ cheima, mɩ ma jaŋ cheiba. Mɩ jaŋ kɛŋ ma dʋndɔŋŋɔɔ kala mʋ yoŋ-baga. Nɩalɩŋ sɩ laa ma kɩaa, ba jaŋ laa ba ma kɩaa. Nɩalɩŋ kala sɩ ŋaa ma bɔmbɔŋ, mɩ ma jaŋ ŋaaba bɔmbɔŋ.

JƐRƖMAAYA 30:17

Ama mɩ jaŋ bɩra pɩma yarɩfɩɛlaa, a ŋaa dɩ ma naawɩɩlaa ma fɩɛlɛ, a tɩŋ nɩaa sɩ sɩ Zaayɔŋ nɩaa ŋaa nɩ-kire taalɩa nɛ, nʋʋkala bɩ ba wɩaa chɩla. Mɩ-na ma TƖƖNA nɛ bʋla.”

JƐRƖMAAYA 46:11

Ijipiti nɩaa, ma mʋ Gɩlɩad a bee chɛ daalusuŋ. Ma daalusu-la kala ŋaa pɛɩ nɛ, kʋŋkala bɩ ma wuo vaarɛ.

JƐRƖMAAYA 6:13

“Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JEMBIEE 1:5

Ʋ dʋndɔŋŋɔɔ nɛ mɩɩra kɛŋ doluŋ ʋ nyuŋ, ʋ dʋndɔŋŋɔɔ wiese nɛ. La TƖƖNA nɛ ŋaa ʋ tʋɔŋ faasa chei a tɩŋ ʋ wʋbɔŋŋɔɔ sɩ yʋga wɩaa. Ba yuo dii Zaayɔŋ nɛ a kɛsɛ ʋ biiriŋ mʋ yoŋ-baga, ba dʋndɔŋŋɔɔ diiba nɛ.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

JEMBIEE 3:39

Bɛɛ nɛ tɩɩ nuhuobiiŋ kala jaŋ gʋrɩmɛ wɩaa dɩ ba nɛ dɔgʋsʋ a tɩŋ ʋ wʋbɔŋŋɔɔ wɩaa?

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

MƖKA 1:9

bɛɛ wɩaa Samarɩa naawɩɩlɩŋ bɩ jaŋ wuo fɩɛlɛ, Juda ma jaŋ na hɛɛŋ ŋɩɩ tɩtɩa. Wɩɩ-la yi Jerusalɛm ma tɩtɩa boi-baalɩŋ nɛ a kiele jʋʋ lee-la mɩ nɩaa sɩ hɛ.

MƖKA 7:9

Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

NAHUM 3:19

Kʋŋkala tuo sɩ jaŋ wuo vaarɩŋ, bɛɛ wɩaa ŋ sɩ bolimi ŋɩɩ yʋga kieli nɛ. Nʋʋkala sɩ nɩa dɩ ŋ tele, ʋ yie porisi nɩsaa nɛ, bɛɛ wɩaa nʋʋkala na hɛɛŋ nɛ a tɩŋ ŋ wʋbɔmɔ-la sɩ bɩ dɛrɛ wɩaa.