JƐRƖMAAYA 30:14 - WƖA TENIŊ

¹⁴ Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 30:14 ပူးပေါင်းရင်းမြစ်များ

JOB 16:9

Wɩa bɛrɛmɛ nɛ, a na baanɩŋ mɩ nyuŋ a kɛmmɛ pʋɔsɛ, aŋ dɩdɩŋ nyɩlaa mɩ nyuŋ, mɩ dʋndɔmɔ chaarɛ sɩaa pɛ mɩ lɛ nɛ a gɩgɩɛnɛmɛ.

JOB 19:11

Wɩa baanɩŋ faasa sii mɩ nyuŋ nɛ, ʋ dɩɩsɛmɛ pɛ ʋ dʋndɔŋŋɔɔ lɛ.

JOB 30:21

Ŋ chaasa dɔgɩsɛmɛ arɩ tʋɔhɛɛŋ nɛ, ŋ kɛŋ ŋ doluŋ kala nɛ a wʋrɩgɛmɛ.

WƖA YƖƖLAA 107:17

Ba dɔnsʋŋ mɩɩra bɩrɩmɛ nɩyaara a vɩa Wɩa niiŋ, ŋɩɩ leŋ nyanyalaa jʋʋba a tɩŋ ba wʋbɔŋŋɔɔ wɩaa.

AZAAYA 57:13

Dɩ ma nɛ ŋmoo niiŋ a chɩchɛ nʋʋ dɩ ʋ pɛ ma lɛ, má leŋ dɩ ma tɔmɔ-la laa ma ta yei! Peliŋ nɛ jaŋ paaba viiri. Ama nɩalɩŋ kala sɩ laamɛ dii, a nʋʋra jʋʋmɛ, ba nɛ jaŋ tɩɩ tinteeŋ. Ba jaŋ hɛ mɩ peel-la sɩ bɩ disiniŋ kɛnɛ nyuŋ.”

JƐRƖMAAYA 14:17

Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 22:20

Jerusalɛm nɩaa, má mʋ Lɛbanɔŋ a ŋmoo niiŋ, ma leŋ dɩ Basaŋ nɩaa ma nɩɩ ma yikoro. Má chɩŋ Abarɩm peele-la nyuŋ a ŋmoo niiŋ, bɛɛ wɩaa ba yuo dii nɩalɩŋ kala fa sɩ kʋ pɛ ma lɛ nɛ.

JƐRƖMAAYA 22:22

Peliŋ jaŋ paa ma sɩpaalaaraa a kaa viiri, ka nɩalɩŋ sɩ kʋ pɛ ma lɛ ma mʋ yoŋ-baga. Nɩaa jaŋ jolimima dɩ hɩɩsɩŋ kɛmma, a tɩŋ ma wʋbɔŋŋɔɔ wɩaa.

JƐRƖMAAYA 30:15

Bɛɛ nɛ tɩɩ ma yiyel ma naawɩɩlaa wɩaa, ma hɛɛ-la sɩ bɩ daaluno kɛnɛ wɩaa? A tɩŋ ma cheeriŋ arɩ ma wʋbɔŋŋɔɔ sɩ yʋga wɩaa ŋɩɩ nɛ tɩɩ mɩ joŋ wɩaa deemba ŋaa ma lɛ.

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 32:34

Ba joŋ ba tɔŋŋɔɔ mɩ sɩɩ kɩsʋ nɛ a bil mɩ dɩɩ-bal-la mɩ yɩrɩŋ sɩ hɛ lɛ, a ŋaa ʋ kɛŋ disiniŋ.

JƐRƖMAAYA 32:35

Ba saa vesiŋ dɩ-kpaaraa nɛ Bɛŋ Hɩnɔm fuonaaŋ lɛ a pɩ vene-la ba sɩɩ yɩrɛ Baal dɩ ba kɛsɛ ba hambolibiisiŋ arɩ ba hantolibiisiŋ a kpaarɛ vene-la ba sɩɩ yɩrɛ Mɔlɛk. Wɩɩ mɩ sɩ bɩ ba daga, ŋɩɩ paala bɩ mɩ tʋɔbɩɩnaa ma kɔ arɩ ba jaŋ ŋaa wʋkɩsɩŋ deeŋ a leŋ dɩ Juda ŋaa wʋbɔŋ.

JƐRƖMAAYA 38:22

Ba jaŋ kɛsɛ haala-la kala sɩ hɛ Juda kuoro dɩa lɛ a kaa kʋ lɩɩ pa Babɩlɔŋ kuoro tɩntɩnnɩ-hɩasɩŋ. Haala-la jaŋ bʋla pɩŋ: ‘Ba nyɩsɩŋ nɛ a yuo diiŋ, ŋ nandɔsʋ-la lɛ ŋ sɩ joŋ ŋ yɩɛlaa hɛ. Ŋ naasɩŋ mʋʋra tuu vʋchɔɔŋ nɛ. Ŋ nandɔsʋ-la vɩaŋ ta nɛ.’

JƐRƖMAAYA 4:30

Ŋ-na Jerusalɛm, ŋ nagɛ nʋʋ ba sɩ chei ʋ kala nɛ, bɛɛ kʋŋ nɛ ŋ ŋɩŋaa? Bɛɛ nɛ tɩɩ ŋ laalɛ gɛrɩ-fɩɛsɩŋ, a hɛ sɛlɩmɛ kpɩɛraa? Bɛɛ nɛ tɩɩ ŋ tuuri ŋ sɩaa ŋŋgbensi? Ŋ magɩla kpɩɛrɛ ŋ tɩtɩa pɛɩ nɛ. Ŋ hɩɩlaba mɩɩsɩŋ fɩɩŋ nɛ. Baa chɛ ba lɩɩsɛ ŋ mɩɩsɩŋ nɛ.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 5:5

Mɩ jaŋ mʋ ba sɩpaalaaraa teeŋ, a bʋl wɩaa pɩba. Ba-na chaasa jɩŋ La TƖƖNA wombiiŋ nɛ. Ba jɩŋ wɩalɩŋ ba Wɩa sɩɩ chɛ nɛ. Ama ba ma kala pɛ niiŋ nɛ a vɩamɛ a bɩ mɩɩ to.

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 50:42

Ba nyɩgɩla nɛ a kori tosuŋ arɩ tiŋŋee. Ba tʋɔŋ hɛyɛ nɛ woruŋ, ba bɩ nɩaa nenige ka fá. Ba jɩl ba janɩŋ nɛ, ba huhuuri a nagɛ mʋgʋ-balɩŋ. Baa kɔ nɛ a nagɛ baalaa sɩɩ mʋ ba yuo laalɩŋ, dɩ ba yuo Babɩlɔŋ tabal-la.

JƐRƖMAAYA 6:23

Ba nyɩgɩla nɛ a kori tosuŋ arɩ ba tiŋŋee, ba ŋaa laalɩyuori tʋɔhɛɩ tɩmma nɛ, a bɩ nɩaa nenige ka fá. Ba sɩ jɩl ba janɩŋ, ba dɔmɔ nagɛ mʋgʋ-balɩŋ sɩɩ huuru nɛ. Ba ŋaa nɩaa sɩ nyɩgɩla dɩ ba yuo laalɩŋ nɛ a kɔ dɩ ba yuo ŋ-na Jerusalɛm.”

JEMBIEE 1:19

Mɩ yɩrɛ mɩ sɩŋŋaa, ka ba vɩa dɩ ba pɛ mɩ lɛ. Mɩ Wɩɩsʋllɩ sɩpaalaaraa arɩ mɩ nɩhɩasɩŋ, sʋba nɛ tabal-la lɛ bʋa-la lɛ ba sɩ gɔllɔɔ chɛ kʋdiilee dɩ ba dii a kɛŋ mɩɩsɩŋ.

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 2:1

La TƖƖNA sɩ na baanɩŋ, ʋ joŋ birimiŋ nɛ a tɔ Zaayɔŋ kala. Ʋ yigi Iziral tɩŋŋaa tʋla lo tinteeŋ nɛ ʋ birisi. Tapʋlɩɩ-la ʋ sɩ na baanɩŋ, ʋ bɩ liise yi ʋ tɩtɩa dɩɩ-balɩŋ lɛ.

ƐZƖKƖƐL 23:22

Ŋɩɩ wɩaa Oholiba, wɩɩ-la mɩ-na ŋ TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ lɛrɛ ŋ hɩɩlaba kʋ hɛ ŋ lɛ, nɩalɩŋ ŋ mɩɩsɩŋ sɩ fɩa ŋ mɩɩrɛ ba harɩŋ. Mɩ jaŋ kɛmma lɩɩ lee-kala kʋ hɛ ŋ lɛ.

ƐZƖKƖƐL 23:9

Ŋɩɩ wɩaa mɩ joŋu hɛ ʋ hɩɩlaba nɩsɩŋ lɛ nɛ, Asiiria tɩmma-la ʋ sɩɩ hɩɛnʋ.

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

DANƖƐL 9:13

Wʋlɔrʋnʋ-la kala sɩ hɛ ŋ wombiiŋ teŋ-la Mosis sɩ ŋmʋnsa bil dɩ la tuto lɛ, ŋaa la lɛ nɛ ka la ha vɩa dɩ la bɩrɩma lɩɩ la wʋbɔŋŋɔɔ lɛ, a ŋaa wɩalɩŋ ŋ-na La TƖƖNA Wɩa sɩ cho a to ŋ wʋtɩtɩɩ-la.

DANƖƐL 9:5

La ŋaa wʋbɔŋ nɛ a ŋaa wɩaa sɩ bɩ ba bʋa lɛ ŋaa. La ŋaa nɩbɔmɔ nɛ a vɩa ŋ niiŋ, la joŋ harɩŋ yɩa wɩalɩŋ ŋ sɩ daga arɩ wombie-la ŋ sɩ bile dɩ la tuto nɛ.

HOSIA 2:5

Ba naaŋ ŋaa hachɔrʋŋ nɛ a ŋaa hɩɩsɛ wɩaa a kɛŋ ba luoruŋ. Ʋ sɩ, “Mɩ jaŋ kire to mɩ hɩɩlaba harɩŋ, nɩalɩŋ sɩɩ pɩmɛ mɩ kʋdiilee arɩ lɩɩŋ, pie-pʋnaa gɛnnɩŋ arɩ gɛrɩ-fʋfʋlʋŋ, nʋʋŋ arɩ girep nɛnɛɛ sɩnɩŋ.

HOSIA 5:14

Mɩ jaŋ nagɛ naachigiŋ Efirem lɛ, a nagɛ naachigi-balɩŋ Juda lɛ. Mɩ jaŋ kɛmba pʋɔsɛ muno muno aŋ viiri. Mɩ jaŋ chʋmba viiri, ka nʋʋ tuo dɩ ʋ laaba ta.

OBADAAYA 1:7

Ŋ sɩŋŋaa jaŋ kiriŋ ta ŋ tinteeŋ lɛ, ŋ nandɔnsʋŋ jaŋ nyɩsɩŋ a yuo diiŋ, ŋ dɩ nɩalɩŋ sɩ gbaara didii kɩaa jaŋ dɩdaa dɩ ba kɛnɩŋ, ama ŋ bɩ jaŋ jɩŋ.”