JƐRƖMAAYA 30:13 - WƖA TENIŊ

¹³ Nʋʋkala tuo dɩ ʋ sʋla laama, ma naawɩɩlɩŋ bɩ daaluno kɛnɛ. Ma bɩ vaarɩna kɛnɛ.

JƐRƖMAAYA 30:13 ပူးပေါင်းရင်းမြစ်များ

JOB 34:29

Ama dɩ Wɩa nɛ tɔrɛ ʋ niiŋ, kʋbɛɛ nɛ jaŋ wuo joŋ cheeriŋ pʋ? Dɩ ʋ nɛ kɛŋ ʋ sɩaa faa, kʋbɛɛ nɛ jaŋ wuo naʋ? Ʋ nɩɩ beŋ nuhuobiinee arɩ tinteyee kala,

JOB 5:18

Ʋ yie wuo pɩrɩŋ, aŋ bɩra vɔɔ tɔ naawɩɩl-la. Ʋ jaŋ wuo leŋ dɩ ŋ na hɛɛŋ, aŋ bɩra vaarɩŋ.

WƖA YƖƖLAA 106:23

Ŋ sɩ na baanɩŋ ŋ nɩaa nyuŋ a chɩchɛ ŋ cheiba, ŋ tɩntɩnna Mosis, nɩɩ-la ŋ sɩ lɩɩsa ʋ ŋaa ba sɩpaa-laarʋ, ʋ nɛ sii chɩŋ ŋ sɩpaaŋ a sʋlʋŋ, dɩ ŋ sɩ́ ba chei.

WƖA YƖƖLAA 142:4

Mɩ sɩ beŋ mɩ sɛsɩŋ, nʋʋkala tuo dɩ ʋ pɛ mɩ lɛ, mɩ bɩ dɩ-yuori kɛnɛ, nʋʋkala bɩ mɩ wɩaa chɩla.

MOSIS KƐŊ IZIRAL TƖŊŊAA LƖƖ 15:26

Ʋ sɩ, “Dɩ ma nɛ jaŋ jegile nɩɩ mɩ-na ma TƖƖNA Wɩa niiŋ woruŋ a ŋɩŋaa wɩaa ba bʋa lɛ, a to wɩalɩŋ kala mɩ sɩ dagɛma, mɩ bɩ jaŋ joŋ nyanyalɩa-la mɩ sɩ joŋo hɛ Ijipiti tɩŋŋaa lɛ a hɛ ma lɛ. Mɩ nɛ ŋaa ma TƖƖNA, mɩ nɩɩ vaarɛ ma nyanyalaa.”

AZAAYA 1:6

A chɩŋ ma naachɛyɛɛ a kaa jɩl ma nyuŋ yarɩfɩɛlaa tuo. Ma yaraa kala nɛ firise a ŋaa naawɩɩlaa. Ma bɩ chɛsɛ, ma bɩ vɔɔ tɔ, ma bɩ daalusuŋ ma ŋaa hɛ.

AZAAYA 59:16

Ʋ sɩ na dɩ nʋʋ tuo, wɩɩ-la kperu, nʋʋ sɩ tuo dɩ ʋ pɛ nɩalɩŋ ba sɩɩ dɔgɩsʋ lɛ. Ŋɩɩ nɛ ʋ kɛŋ ʋ tɩtɩa doluŋ a laaba ta, ʋ tʋɔpʋla lɛ nɛ ʋ ŋaa ŋɩɩ pɩba.

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 17:14

La TƖƖNA, vaarɛmɛ, dɩ ŋ nɛ ŋaa ŋɩɩ, mɩ jaŋ duori. Dɩ ŋ nɛ laamɛ ta, mɩ jaŋ na wiese, ŋ nɛ mɩɩ dɛnnɛ.

JƐRƖMAAYA 30:17

Ama mɩ jaŋ bɩra pɩma yarɩfɩɛlaa, a ŋaa dɩ ma naawɩɩlaa ma fɩɛlɛ, a tɩŋ nɩaa sɩ sɩ Zaayɔŋ nɩaa ŋaa nɩ-kire taalɩa nɛ, nʋʋkala bɩ ba wɩaa chɩla. Mɩ-na ma TƖƖNA nɛ bʋla.”

JƐRƖMAAYA 33:6

Ama arɩ ŋɩɩ kala, mɩ ha jaŋ pɩ mɩ nɩaa yarɩfɩɛlaa dɩ ba duori. Mɩ jaŋ vaarɛba a leŋ dɩ ba tinteeŋ chaasa kɛŋ fɩɛlɩŋ dɩ ba hɔŋ sɔm.

JƐRƖMAAYA 46:11

Ijipiti nɩaa, ma mʋ Gɩlɩad a bee chɛ daalusuŋ. Ma daalusu-la kala ŋaa pɛɩ nɛ, kʋŋkala bɩ ma wuo vaarɛ.

JƐRƖMAAYA 6:7

A nagɛ lɩɩŋ sɩ yie bul a lɩlɩɩ viliŋ lɛ ŋɩɩ, ŋɩɩ nɛ Jerusalɛm wʋbɔŋŋɔɔ ŋaanɩŋ nagɛ. Yuosuŋ arɩ leriŋ cheyiŋ yʋga ʋ lɛ. Mɩɩ na ʋ nɩaa nyanyalaa arɩ ʋ naawɩɩlaa kala nɛ.

JƐRƖMAAYA 8:22

Naawɩɩlaa nʋʋŋ tuo Gɩlɩad lɛɛ? Daalusuŋ tɩɩna kala tuoo? Bɛɛ nɛ saa tɩɩ mɩ nɩaa naawɩɩlaa bɩ fɩɛlɛ?

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

ƐZƖKƖƐL 30:21

ʋ sɩ, “Nuhuobiiŋ, mɩ bori Ijipiti tinteeŋ kuoro nɩsɩŋ nɛ. Nʋʋkala bɩ ʋ nɩsɩ-la vɔbɔ koo a joŋ na-boruŋ kʋa laasɛ sɩ jaŋ leŋ dɩ ʋ fɩɛlɛ, a bɩra kɛŋ doluŋ dɩ ʋ wuo kaa kori tokobiiŋ.

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

NAHUM 3:19

Kʋŋkala tuo sɩ jaŋ wuo vaarɩŋ, bɛɛ wɩaa ŋ sɩ bolimi ŋɩɩ yʋga kieli nɛ. Nʋʋkala sɩ nɩa dɩ ŋ tele, ʋ yie porisi nɩsaa nɛ, bɛɛ wɩaa nʋʋkala na hɛɛŋ nɛ a tɩŋ ŋ wʋbɔmɔ-la sɩ bɩ dɛrɛ wɩaa.

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.