Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.
Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.
Bɛɛ nɛ tɩɩ ma yiyel ma naawɩɩlaa wɩaa, ma hɛɛ-la sɩ bɩ daaluno kɛnɛ wɩaa? A tɩŋ ma cheeriŋ arɩ ma wʋbɔŋŋɔɔ sɩ yʋga wɩaa ŋɩɩ nɛ tɩɩ mɩ joŋ wɩaa deemba ŋaa ma lɛ.
Efirem sɩ na dɩ ʋʋ wɩɩlʋ, Juda ma na dɩ ʋ kɛŋ naawɩɩlaa, Efirem mɩɩra mʋ Asiiria tinteeŋ a chɩchɛ dɩ kuoru-balɩŋ pɛ ʋ lɛ. Ama ʋ bɩ wuo vaarɛ Efirem, a bɩ wuo ŋaa Juda ma naawɩɩlaa fɩɛlɛ.
bɛɛ wɩaa Samarɩa naawɩɩlɩŋ bɩ jaŋ wuo fɩɛlɛ, Juda ma jaŋ na hɛɛŋ ŋɩɩ tɩtɩa. Wɩɩ-la yi Jerusalɛm ma tɩtɩa boi-baalɩŋ nɛ a kiele jʋʋ lee-la mɩ nɩaa sɩ hɛ.