JƐRƖMAAYA 30:11 - WƖA TENIŊ

¹¹ Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 30:11 ပူးပေါင်းရင်းမြစ်များ

2 SAMƲƐL 24:12

Ʋ sɩ, “Mʋ a bʋla pɩ Devit, ‘Wɩɩ-la mɩ-na ma TƖƖNA sɩ bʋla nɛ ŋ-la: Wɩaa batori nɛ mɩ joŋo bibil ŋ sɩpaaŋ. Lɩɩsɛ ba tʋɔŋ kʋ-la ŋ sɩ jaŋ cho dɩ mɩ joŋo ŋaa ŋ lɛ.’ ”

WƖA YƖƖLAA 6:1

La Tɩɩna, sɩ́ baanɩŋ na a dɔgɩsɛmɛ, koo a dagɛmɛ arɩ baanɩŋ.

MOSIS KƐŊ IZIRAL TƖŊŊAA LƖƖ 34:7

a cho nɩaa arɩ ba doho doho bʋɩba, a joŋ nɩaa wʋbɔŋŋɔɔ arɩ ba wʋcheelee aa chɛba. Ama mɩ bɩ nɩalɩŋ sɩ ŋaa wɩaa chei ka leŋ pɛɩ, mɩ yie dɔgɩsɛ biiriŋ arɩ ba ma biiriŋ arɩ biiri-la ma nihee a tɩŋ ba nyɩmmaba wʋbɔŋŋɔɔ wɩaa.”

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 8:10

Ma vʋʋrɛ wɩaa a tɩgɛ la lɛ nɛ, ama wɩalɩŋ kala jaŋ pugi. Má kɛŋ tʋɔŋ nɛ arɩ la, ama ma tʋɔbɩɩna-la bɩ jaŋ chɩŋ, bɛɛ wɩaa Wɩa hɛ la teeŋ nɛ.

JƐRƖMAAYA 1:19

Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 1:8

Sɩ́ ba fá, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 10:24

La TƖƖNA, kɛmmɛ tʋra kɩɩ. Ama ŋaa ŋɩɩ arɩ sɩɩfɩɛlaa. Sɩ́ baanɩŋ lɛ to, dɩ ŋɩɩ dee, ŋ jaŋ leŋ dɩ mɩ ŋaa kʋpɛɩ.

JƐRƖMAAYA 15:20

Mɩ jaŋ leŋ dɩ ŋ nagɛ jeeŋ nɩaa deemba teeŋ, ŋ jaŋ nagɛ kɔlɩɩŋ ba sɩ kaa saa jeeŋ gollo chu. Ba jaŋ yuoŋ, ama ba bɩ jaŋ wuo yuo diiŋ, bɛɛ wɩaa mɩ hɛ ŋ teeŋ nɛ, mɩ jaŋ pɔŋ a laaŋ ta. Mɩ-na ma TƖƖNA nɛ bʋla.

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 5:18

La TƖƖNA sɩ, “Tapʋlɩa-la lɛ, mɩ bɩ jaŋ kpʋ ma kala.

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

ƐZƖKƖƐL 11:13

Mɩ fa ha sɩɩ bʋl wɩaa Wɩa doluŋ lɛ ŋɩɩ, Bɛnaaya nanʋala Pɛlatɩa tele sʋʋ. Ŋɩɩ nɛ mɩ tele kɛŋ mɩ sɩaa chu tinteeŋ, aŋ ŋmoo niiŋ bogi bogi a pɩɛsɛ, “La TƖƖNA Wɩɩjarɩbakɔ, ŋ jaŋ kpʋ Iziral tɩŋŋaa nɩkaanaa kalaa?”

ƐZƖKƖƐL 6:8

Ama, mɩ jaŋ leŋ ma dɔnsʋŋ, laalɩŋ bɩ jaŋ kpʋma, aŋ kɛmma pɩsa hɛ tintee-wogusuŋ dɔnsʋŋ lɛ.

HOSIA 11:9

Mɩ bɩra bɩ jaŋ faasa na baanɩŋ, mɩ bɩra bɩ jaŋ chei Efirem. Mɩ nɛ Wɩa, mɩ bɩ nuhuobiiŋ ŋaa, mɩ bɩ disiniŋ kɛnɛ, mɩ hɛ ma tʋɔŋ nɛ. Mɩ bɩ jaŋ kɛŋ baanɩŋ a kɔ ma lɛ.

LEVI DOHO NƖAA 26:44

Arɩ ŋɩɩ kala, dɩ ba nɛ hɛ ba dʋndɔŋŋɔɔ tinteeŋ lɛ, mɩ bɩ jaŋ vɩaba ta koo a bɛrɛba a cheiba, dɩ ŋɩɩ leŋ nii-la sɩ hɛ mɩ dɩ ba pɛgɛ chei. Mɩ nɛ ba TƖƖNA Wɩa.

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Tɩntɩŋŋaa 18:10

Mɩ chɩŋ ŋ harɩŋ nɛ. Nʋʋkala bɩ jaŋ wuo kɛnɩŋ a ŋaaŋ wʋbɔŋ kala, bɛɛ wɩaa mɩ nɩaa yʋga taŋ deeŋ lɛ.”

MOSIS BƖRA WULLI WƖA WOMBIIŊ 4:31

Ma TƖƖNA ŋaa Wɩa sɩɩ fa nɩaa nenige nɛ. Ʋ bɩ jaŋ vɩama ta koo a cheima. Ʋ bɩ jaŋ yʋ nii-la sɩ hɛ ʋ dɩ ma naabalɩmaba pɛgɛ wɩaa.

2 Timoti 4:22

Wɩa jaŋ leŋ dɩ ŋ hɔnʋŋ zɔŋ. Ʋ lahɔrɩmɔ lɛ ʋ jaŋ pɛ ŋ lɛ.