JƐRƖMAAYA 30:10 - WƖA TENIŊ

¹⁰ Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 30:10 ပူးပေါင်းရင်းမြစ်များ

WƖAA DƖ-SUOMUŊ 15:1

Ʋ ŋɩɩ harɩŋ nɛ Wɩa bʋl wɩaa a pɩ Abɩram arɩ duosoo tʋɔŋ. Ʋ sɩ, “Abɩram, sɩ́ leŋe dɩ fawʋllʋŋ kɛnɩŋ. Mɩ nɛ jaŋ chu tɔ ŋ lɛ, ŋ time jaŋ yʋgɛ.”

AZAAYA 14:3

Tapʋlɩɩ-la La TƖƖNA jaŋ lɩɩsɛ Iziral nɩaa hɛɛ-la lɛ ba sɩ hɛ, arɩ tɩntɩŋ-duoru-la ba fa sɩ yie fʋgɛba hɛ ba tɩtɩŋ,

AZAAYA 35:9

Naachigiŋ bɩ jaŋ hɛ nɩmɛ, gɩrɩŋ kʋbɔŋ kala bɩ jaŋ hɛ wombii-la lɛ. Nɩalɩŋ La TƖƖNA sɩ laa ta dʋndʋŋa nɛ jaŋ vɩvɛŋ ʋ lɛ.

AZAAYA 43:5

Má sɩ́ fawʋllʋŋ fá, mɩ hɛ ma teeŋ nɛ. Mɩ jaŋ kɛsɛ ma biiriŋ a lɩɩ wɩɩpɔsʋŋ dɩɩrɩŋ a kɛmma lɩɩ wɩɩjʋʋlʋŋ dɩɩrɩŋ kʋ hɛ dɔŋɔ.

AZAAYA 44:1

La TƖƖNA sɩ, “Mɩ tɩntɩnnaa Iziral tɩmma, má jegile nɩɩ, Jekɔb doho nɩaa, ma nɛ mɩ lɩɩsɛ.

AZAAYA 44:2

Mɩ-na ma TƖƖNA sɩ ŋaama a pɛ ma lɛ a lɩɩ bʋa-la lɛ ba sɩ lʋlma, wɩalɩŋ mɩ sɩ bʋla nɛ ŋ-la: Mɩ tɩntɩnnaa Iziral tɩŋŋaa, má sɩ́ fawʋllʋŋ fá, ma nɛ mɩ lɩɩsɛ.

AZAAYA 46:11

Mɩ jaŋ yɩrɛ nʋʋ dɩ ʋ lɩɩ wɩɩpɔsʋŋ dɩɩrɩŋ dɩ-bolii a kɔ. Ʋ jaŋ kʋ tuu a nagɛ kɩla, a ŋaa wɩalɩŋ mɩ sɩ sɩ mɩ jaŋ ŋaa. Wɩalɩŋ mɩ sɩ bɩɩna, mɩ jaŋ ŋaaba.

AZAAYA 46:13

Mɩ kɛŋ mɩ tʋɔpʋla kʋ kpagɛma nɛ. Ʋ bɩra bɩ dɩ-bolii hɛ, mɩ bɩ jaŋ dieni aŋ laa nɩaa ta. Mɩ jaŋ laa Jerusalɛm nɩaa ta, a leŋ dɩ Iziral tɩŋŋaa kɛŋ yuŋuŋ.”

AZAAYA 49:12

Mɩ nɩaa jaŋ lɩɩ dɩ-boloo a kɔ. Dɔnsʋŋ jaŋ lɩɩ wɩɩpɔsʋŋ nagʋa dɩɩrɩŋ, dɩ dɔnsʋŋ ma lɩɩ wɩɩjʋʋlʋŋ dɩɩrɩŋ, ka dɔnsʋŋ ma lɩɩ tintee-la ba sɩɩ yɩrɛ Asɩwaŋ.”

AZAAYA 49:25

Ama La TƖƖNA sɩ, “Dɩ nʋʋ nɛ paala bɩ jaŋ wuo kɛŋ laalɩyuori-wajɩa yomo laa, koo a laa kɩalɩŋ nɩtɛrɛ sɩ yuo laa, mɩ-na jaŋ wuo ŋaa ŋɩɩ. Mɩ-na ma TƖƖNA jaŋ yuo nɩalɩŋ sɩɩ yuoŋ, a laa ŋ biiriŋ ta.

AZAAYA 54:4

Sɩ́ leŋe dɩ fawʋllʋŋ kɛnɩŋ, ŋ bɩ jaŋ dii hɩɩsɩŋ. Sɩ́ hɩɩsɩŋ fá, nʋʋkala bɩra bɩ jaŋ jolumuŋ. Hɩɩsɩ-la sɩ diiŋ ŋ hambiiriŋ lɛ, ŋ jaŋ yʋ ʋ wɩaa. Ŋ bɩra bɩ jaŋ liisi wɩalɩŋ ba sɩ joŋo to ŋ lɛ, ŋ fa sɩ ŋaa yo-haal.

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 23:4

Mɩ jaŋ lɩɩsɛ sɩpaalaaraa pɩba dɩ ba bemba. Fawʋllʋŋ bɩra bɩ jaŋ kɛmba, ba bɔyɛ ma bɩ jaŋ joŋ. Ba kʋŋkala bɩ jaŋ lɛl. Mɩ-na ma TƖƖNA nɛ bʋla.”

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 23:8

Ama ba jaŋ bʋl, ‘La ŋmɩɛsɛ La TƖƖNA sɩ weye a kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ lɛ arɩ tinteye-la kala lɛ ʋ sɩ kɛmba pɩsa hɛ.’ Ŋɩɩ nɛ ba jaŋ bɩra hɔŋ ba tɩtɩa tinteeŋ lɛ.”

JƐRƖMAAYA 29:11

Mɩ jɩŋ tʋɔbɩɩna-la mɩ sɩ kɛnɛ arɩ ma nɛ. Mɩ-na ma TƖƖNA nɛ bʋla. Mɩ kɛŋ mɩ tʋɔŋ dɩ mɩ ŋaama woruŋ nɛ, mɩ bɩ chɛ dɩ mɩ ŋaa wʋbɔŋ ma lɛ. Mɩ kɛŋ mɩ tʋɔŋ dɩ mɩ leŋ dɩ ma kɛŋ yɩɛlaa nɛ, dɩ ma chie zɔŋ.

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 33:16

Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

ƐZƖKƖƐL 16:52

Leŋ dɩ hɩɩsɩŋ kɛnɩŋ, ŋ wʋŋaalaa daga arɩ ŋ naambiiri-la bɩ wʋbɔŋ ŋaa. Ŋ wʋbɔŋŋɔɔ nɛ yʋga kɩɩ ba wʋbɔŋŋɔɔ, ba-na mɩɩra nagɛ tʋɔpʋl tɩmma nɛ. Gʋrʋ nyuŋ a leŋ dɩ hɩɩsɩŋ kɛnɩŋ, ŋ leŋe ŋ naambiiriŋ mɩɩra nagɛ tʋɔpʋl tɩmma nɛ.

ƐZƖKƖƐL 38:11

Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

HOSIA 2:18

Tapʋlɩɩ-la, mɩ jaŋ hɛ niiŋ mɩ dɩ baga kɩaa arɩ diibiisiŋ sɩɩ zaarɛ wɩa-nyuŋ arɩ kɩalɩŋ sɩɩ tuuri tinteeŋ pɛgɛ dɩ ba sɩ́ ba walɩmʋ. Mɩ jaŋ giri laalɩŋ ta tintee-la lɛ dɩ bayuori kɩaa lɛl, tosuŋ arɩ tokobiee, ka dɩ mɩ nɩaa wuo hɔŋ sɔm.

HOSIA 2:20

Mɩ jaŋ jaaŋ arɩ wʋtɩtɩɩ. Ŋɩɩ nɛ ŋ jaŋ sɛɩ arɩ mɩ nɛ ŋ TƖƖNA.

HOSIA 6:11

Ma-na Juda tɩmma, mɩ hɛ tapʋlɩɩ nɛ dɩ mɩ dɔgɩsɛ ma ma, arɩ mɩ sɩɩ chɛ dɩ mɩ kɛŋ mɩ nɩaa mɩɩra kɔ mɩ teeŋ ma kala.

JOWƐL 2:21

Tinteeŋ, sɩ́ leŋe dɩ ŋ bɔyɛ joŋ. Leŋ dɩ ŋ tʋɔŋ tɔrɛ dɩ ŋ jʋjʋɔsɛ. Wʋtɩtɩɩ, La TƖƖNA chaasa ŋaa wʋbalaa nɛ.

MƖKA 4:9

Bɛɛ nɛ tɩɩ ma faasaa ŋmoo niiŋ, ma bɩ kuoro kɛnɛɛ? Nɩɩ-la sɩɩ dagɛma lɛlɛ nɛ, ka ma nɩna hɛɛŋ a nagɛ haala sɩɩ chɛ dɩ ʋ lʋl ʋ luoru wʋwɩɩ?

ZƐKARƖYA 3:10

Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”

Jɔɔŋ 12:15

“Ma nɩalɩŋ sɩ́ hɛ Zaayɔŋ lɛ, má sɩ́ fawʋllʋŋ fá. Ma kuoro nɩɩ kɔ ma teeŋ a jɩl kaku-pɔrʋŋ.”