JƐRƖMAAYA 3:8 - WƖA TENIŊ

⁸ Mɩ joŋ teŋ-la mɩ sɩ ŋmʋnsa a vɩvɩa Iziral mɩ sɩ jaa, ka ʋ bɩ wʋtɩtɩɩ kɛnɛ a pʋ nɛ aŋ kiru ta, a tɩŋ wʋchɔrʋmɔ-la kala ʋ sɩ ŋaa wɩaa. Ama ʋ naambie Juda ma fa sɩ bɩ wʋtɩtɩɩ kɛnɛ bɩ fawʋllʋŋ fá, aŋ ma mʋ ŋaa wʋchɔrʋmɔ-la tɩtɩa.

JƐRƖMAAYA 3:8 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 21:11

Ʋ fa saa vesiŋ dɩ-kpaaraa nɛ Juda dundolluŋ nyuŋ a leŋ Jerusalɛm arɩ Juda nɩaa kpaarɛ vʋɩyaa a yeŋŋi.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 33:24

“Ŋ bɩ nɩa arɩ nɩaa ka bʋl arɩ mɩ vɩa kuori gentisiŋ deemba balɩa mɩ sɩ lɩɩsa ta nɛɛ? Ŋɩɩ wɩaa ba sɩɩŋ bɩ mɩ nɩaa ka su, a bɩra bɩ bene arɩ ba ŋaa tintee ma.

JƐRƖMAAYA 5:7

LA TƖƖNA sɩ, “Bɛɛ nɛ tɩɩ mɩ jaŋ joŋo chɛma? Ma biiriŋ vɩamɛ nɛ aŋ ŋmɩŋmɩɛsɛ vesiŋ sɩ ŋaa kʋpɛɩba. Mɩ pɩba kɩalɩŋ kala ba sɩɩ chɛ nɛ, ka ba ha ŋɩŋaa bachɔrʋŋ wɩaa, a yie pʋɔla mʋmʋ hachɔrʋmɔɔ dɩɩsɩŋ.

ƐZƖKƖƐL 16:46

Ŋ malɩma nɛ fa taŋ-la ba sɩɩ yɩrɛ Samarɩa, a hɛ wɩɩpɔsʋŋ nagʋa dɩɩrɩŋ arɩ ʋ tabiisiŋ. Ŋ ŋaana ma nɛ taŋ-la ba sɩɩ yɩrɛ Sodom, a hɛ wɩɩpɔsʋŋ nadiiŋ dɩɩrɩŋ arɩ ʋ ma tabiisiŋ.

ƐZƖKƖƐL 16:47

Ba naabʋɔsʋŋ dʋndʋŋa dee ŋ to a chesiba wʋkɩsɩa-la ba sɩ ŋaa, ama ʋ bɩ diene ka ŋ wʋŋaalaa paala bɔmɔ kɩɩba.

ƐZƖKƖƐL 16:51

Samarɩa bɩ wʋbɔmɔ-la ŋ sɩ ŋaa kpaa magɛ dɔŋɔ ma ŋaa. Ŋ nɛ ŋaa wɩalɩŋ mɩ sɩɩ kɩsʋ a kɩɩba, ŋ wʋŋaalaa leŋe ŋ naambiiriŋ Sodom arɩ Samarɩa mɩɩra nagɛ arɩ ba-na ŋaa tʋɔpʋl tɩmma nɛ.

ƐZƖKƖƐL 23:44

Ŋɩɩ nɛ ba kɛmba pɩŋ a nagɛ ba sɩ tigisi hachɔrʋmʋŋ. Ba fa tigisi Ohola arɩ Oholiba sɩ ŋaa hachɔrʋmɔɔ ŋɩɩ nɛ.

ƐZƖKƖƐL 23:9

Ŋɩɩ wɩaa mɩ joŋu hɛ ʋ hɩɩlaba nɩsɩŋ lɛ nɛ, Asiiria tɩmma-la ʋ sɩɩ hɩɛnʋ.

HOSIA 3:4

Ŋɩɩ tɩtɩa nɛ Iziral tɩŋŋaa jaŋ hɛ nɩmɛ tapʋl-daŋ a bɩ jaŋ kɛŋ kuoro koo sɩpaa-laarʋ, a bɩ pʋsʋŋ ma jaŋ kpʋ ŋaa Wɩɩsʋlʋŋ koo a kpaarɛ tabɩa-la sɩ ŋaa vesiŋ, a bɩ jaŋ kɛŋ gɛrɩ-laala-daŋɩɩ-la ba sɩ kaa chɛ na wɩaa koo tɔŋ.

MOSIS BƖRA WULLI WƖA WOMBIIŊ 24:1

Dɩ baal nɛ jaa haal, ŋɩɩ harɩŋ lɛ dɩ ʋ tʋɔŋ lɩɩ haal-la, dɩ baal-la chɩchɛ dɩ ʋ vɩa haal-la, a ŋmʋnsɛ teniŋ a pɩ haal-la aŋ kiru ta ʋ lɩɩ ʋ dɩa lɛ,

MOSIS BƖRA WULLI WƖA WOMBIIŊ 24:3

dɩ baal-la ma bɩra ŋmʋnsɛ teniŋ a pɩ haal-la aŋ vɩaʋ a kiru ʋ lɩɩ ʋ dɩa lɛ, koo dɩ baal-la nɛ sʋba,