JƐRƖMAAYA 3:24 - WƖA TENIŊ

²⁴ A chɩŋ la hambiriŋ kala lɛ a kaa kɔ, vʋɩyaa sɩ ŋaa hɩɩsɩ kɩaa dii la naabalɩmaba lɔlʋŋ kala a ta nɛ: ba piesee, nɛsɩŋ, ba hambolibiisiŋ arɩ hantolibiisiŋ.

JƐRƖMAAYA 3:24 ပူးပေါင်းရင်းမြစ်များ

JƐRƖMAAYA 11:13

Ma Juda nɩaa kɛŋ vʋɩyaa yʋga magɛ tasɩ-la ma sɩ kɛnɛ nɛ. Korunu-la ma sɩ saa dɩ ma nyɩgɛ kʋsʋɔrʋsʋŋ pɩpɩ ma hɩɩsɛ vene-la ba sɩɩ yɩrɛ Baal ma yʋga nɛ a magɛ Jerusalɛm womporunuŋ.’

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 44:7

Lɛɛlɛ, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Bɛɛ nɛ tɩɩ ma lɛrɛ wʋlɔrʋŋ deeŋ sɩ bɩ bana kɛnɛ hɛ ma tɩtɩa lɛ? Maa chɛ dɩ ma chei baalaa arɩ haalaa, hambiisiŋ arɩ bii-mulluŋ dɩ ma doho nʋʋ bɩra sɩ́ ka nɛɛ?

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

JƐRƖMAAYA 9:18

Leŋ dɩ ba ŋaa lɩma kɔ a kʋ yel hagɔgʋŋ pɩla, a mʋ yi bʋa-la lɛ la sɩaa sɩ jaŋ pɩpɛllɛ arɩ sɩlɩɩrɩŋ, dɩ la sɩaa kala ŋaa lɩɩ.

ƐZƖKƖƐL 16:19

Kʋdiile-la ma mɩ sɩ joŋo pɩŋ dɩ ŋ dii, munuŋ sɩ bɩɩ nʋgʋgʋ, olif nʋʋŋ arɩ tʋʋ-la, ŋ joŋ ba ma a pɩpɩ tɔmɔ-la nɛ, wɩɩ-la ŋ sɩ ŋaa nɛ ŋɩɩ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 16:20

Ŋ joŋ ŋ hambolibiisi-la arɩ hantolibiisi-la ŋ sɩ lʋla pɩmɛ a kpaarɛ tɔŋŋɔɔ nɛ. Hachɔrʋŋ wɩalɩŋ ŋ sɩ ŋaa bɩ magaa?

ƐZƖKƖƐL 16:61

Ŋɩɩ lɛ nɛ ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ. Dɩ mɩ nɛ mɩɩra joŋ ŋ naambiiriŋ pɩŋ, nɩalɩŋ sɩ hɩaŋ arɩ nɩalɩŋ ŋ ma sɩ hɩa. Mɩ jaŋ jomba pɩŋ a leŋ dɩ ba nagɛ ŋ toloo, ama ʋ bɩ naga arɩ nii-la sɩ hɛ mɩ dɩŋ pɛgɛ wɩaa nɛ tɩɩ.

ƐZƖKƖƐL 16:63

Dɩ mɩ nɛ joŋ wɩalɩŋ kala ŋ sɩ ŋaa a chɛŋ, ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ kɩŋkɛŋ dɩ ŋ bɩra bɩ ŋ niiŋ wuo suri. Mɩ-na ma TƖƖNA Wɩɩjarɩbakɔ nɛ bʋla.”

HOSIA 10:6

Ba jaŋ kɛnʋ mʋ Asiiria a joŋo pɩ kuoru-balɩŋ a zilu. Efirem jaŋ dii hɩɩsɩŋ, hɩɩsɩŋ jaŋ kɛŋ Iziral tɩŋŋaa a tɩŋ ba sɩ kɛŋ daaŋ saa tɔmʋŋ aa tou.

HOSIA 2:8

Ʋ bɩ sɛyɛ arɩ mɩ nɛ nɩɩ-la sɩ pʋ mɩaa, girep nɛnɛɛ sɩ-falɩŋ arɩ nʋʋŋ, a pʋ hɔpʋla arɩ sɛlɩmɛ, kɩalɩŋ ʋ sɩ joŋo pɩ vene-la ba sɩɩ yɩrɛ Baal.

HOSIA 9:10

La TƖƖNA sɩ, “Mɩ fa sɩ na Iziral, ʋ nagɛ nʋʋ sɩ na girep nɛnɩŋ nɛ tintee-hɩlɩŋ lɛ. Mɩ fa sɩ na ba naabalɩmaba, ʋ nagɛ nʋʋ sɩ na tutogi-nambɩl folluŋ tutogo lɛ nɛ. Ama ba sɩ kʋ yi peel-la ba sɩɩ yɩrɛ Baal Pio, ba joŋ ba tɩtɩa pɩ baal vene-la nɛ a ŋaa hɩɩsɛ wɩaa, a kʋ ŋaa nɩtɔɔnɩ a nagɛ vene-la ba sɩ cho.