JƐRƖMAAYA 3:23 - WƖA TENIŊ

²³ Goŋ-la kala la sɩɩ ŋaa dundolluŋ nyuŋ arɩ peelee nyuŋ a kpʋkpaarɛ vʋɩyaa, laa nyɩsɛ la tɩtɩa nɛ. La TƖƖNA Wɩa dʋndʋŋa nɛ jaŋ wuo laa Iziral ta.

JƐRƖMAAYA 3:23 ပူးပေါင်းရင်းမြစ်များ

WƖA YƖƖLAA 3:8

La Tɩɩna nɛ laa nɩaa a tɩta, a leŋ dɩ ʋ pɛ ʋ nɩaa lɛ.

WƖA YƖƖLAA 62:7

Wɩa nɛ laamɛ ta, a leŋ mɩ kɛŋ yɩrɩŋ. Ʋ nɛ ŋaa mɩ dɩ-duoŋ sɩ nagɛ bʋŋ, mɩ yie yuori.

NAMAGABA 21:31

Ŋ jaŋ wuo kɛŋ jaaba a ŋaa siri gbɛrɛ dɩ ŋ yuo laalɩŋ, ama La Tɩɩna dʋndʋŋ nɛ jaŋ wuo leŋ dɩ ŋ yuo laal-la a dii.

AZAAYA 10:20

Dɩ tapʋlɩɩ-la nɛ kʋ yi Iziral nɩkaana-la, Jekɔb doho nɩalɩŋ sɩ bɩ sʋba, bɩra bɩ jaŋ joŋ ba tɩtɩa a yelli nɩalɩŋ fa sɩɩ chɛ dɩ ba kpʋba a dɛrɛ. Ba jaŋ joŋ ba yɩɛlaa kala hɛ La TƖƖNA Iziral tɩŋŋaa Wɩa sɩ bɩ disiniŋ kɛnɛ lɛ.

AZAAYA 12:2

Wʋtɩtɩɩ, Wɩa nɛ ŋaa mɩ Laataara, mɩ jaŋ laaʋ dii a bɩ fawʋllʋŋ ka fá. La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ dɛnnʋ, ʋ nɛ ŋaa mɩ Laataara.”

AZAAYA 43:11

Mɩ dʋndʋŋa nɛ ma TƖƖNA, laataarʋ kala tuo a pɛ mɩ lɛ.

AZAAYA 44:9

Nɩalɩŋ kala sɩɩ mɛ tɔŋŋɔɔ bɩ dol kala kɛnɛ, tɔmɔ-la ma sɩ ŋaa ba sɩɩfɩaŋ kɩaa bɩ bʋbʋa kala kɛnɛ. Nɩalɩŋ sɩɩ kpaarɛ tɔmɔ-la ma ŋaa nyʋlɩma nɛ, a ŋaa nɩyaara. Hɩɩsɩŋ jaŋ diiba.

AZAAYA 45:15

Iziral tɩŋŋaa Wɩa sɩ ŋaa ba Laataara, kɛŋ ʋ tɩtɩa faa nɛ.

AZAAYA 45:17

Ama La TƖƖNA jaŋ laa Iziral tɩŋŋaa ta, a laa ba ta a kaa mʋ wuu. Ba bɩ jaŋ dii hɩɩsɩŋ, a kaa mʋ deeŋ deeŋ, hɩɩsɩŋ bɩ jaŋ diiba.

AZAAYA 45:20

Ma nɩalɩŋ sɩ fá a kagɛ ma tinteyee lɛ, má hɛ dɔŋɔ lɛ a kɔ. Nɩalɩŋ kala sɩ kɛŋ daaŋ a ŋaa tɔŋŋɔɔ sɩ bɩ ba wuo laa ta a kpʋkpaarɛba a tuto vesiŋ, ba bɩ wɩɩkala jɩŋ.

AZAAYA 63:1

Kʋbɛɛ nɛ nɩa deeŋ sɩ laalɛ gɛnnɩŋ kʋfɩɛsɩŋ wurisi a lɩɩ tabal-la ba sɩɩ yɩrɛ Bozira a hɛ Ɛdɔm lɛ kʋkɔ ŋɩɩ? Kʋbɛɛ nɛ nɩɩ-la sɩ laalɛ gɛrɩ-duduoŋ sɩ kɛŋ tʋla a tʋara kʋkɔ ŋɩɩ arɩ doluŋ? “Mɩ-na Nɩɩ-la sɩɩ bʋl wɩaa arɩ tʋɔpʋla nɛ, a kɛŋ doluŋ a laa nɩaa tɩta.”

AZAAYA 63:16

Ŋ nɛ la nyɩmma. La naabalɩma, Abɩraham bɩ la jɩŋ, Jekɔb vɩa la ta nɛ. Ŋ nɛ La TƖƖNA arɩ la nyɩmma. Bumbuŋ kala ŋ nɛ la Laataara.

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 17:14

La TƖƖNA, vaarɛmɛ, dɩ ŋ nɛ ŋaa ŋɩɩ, mɩ jaŋ duori. Dɩ ŋ nɛ laamɛ ta, mɩ jaŋ na wiese, ŋ nɛ mɩɩ dɛnnɛ.

JƐRƖMAAYA 17:2

Ba biiriŋ ma paala ka liisi ba vʋɩyaa korunu-la wɩaa nɛ arɩ vene-la ba sɩɩ yɩrɛ Asɩra daasɩŋ ba sɩ pɛ tɩɩ-lugu na-kala bʋbʋɔŋ arɩ dundolluŋ sɩ leŋie nyuŋ.

JƐRƖMAAYA 3:6

Bʋa-la lɛ Josaaya sɩ dii kuoruŋ nɛ La Tɩɩna pɩɛsɛmɛ, “Ŋ na wɩɩ-la Iziral tɩŋŋaa sɩ bɩ wʋtɩtɩɩ kɛnɛ sɩ ŋaa nɛɛ? Ba mʋ dundolo kala sɩ leŋie nyuŋ nɛ, arɩ tɩɩ-lugu na-kala bʋbʋɔŋ a ŋaa wʋchɔrʋmɔɔ nɩmɛ.

JƐRƖMAAYA 31:7

Wɩɩ-la La TƖƖNA sɩ bʋla nɛ ŋ-la: “Má yɩɩ yɩɩlaa arɩ tʋɔtɔrʋŋ a pɩ Iziral. Má ŋaa goŋ a pɩ tinteyee kala tʋɔŋ kʋbalɩŋ. Má leŋ dɩ nɩaa nɩɩ ma sɩ dɛnnʋ a bʋl, ‘La TƖƖNA, laa ŋ nɩaa ta, Iziral tɩŋŋaa nɩkaana-la.’

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

Jɔɔŋ 4:22

Ma-na Samarɩa tɩŋŋaa sɛnɛ bɩ jɩŋ nɩɩ-la ma sɩɩ chʋɔlʋ. La-na Juu tɩŋŋaa jɩŋ Nɩɩ-la la sɩɩ chʋɔlʋ nɛ. Nɩɩ-la lɛ Wɩa sɩ jaŋ to a laa dʋnɩa nɩaa ta, ʋ lɩɩ Juu tɩŋŋaa tʋɔŋ nɛ.