JƐRƖMAAYA 3:22 - WƖA TENIŊ

²² Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 3:22 ပူးပေါင်းရင်းမြစ်များ

SOLOMOŊ YƖƖL-SƖMƖŊ 1:4

Pɛ kɛmmɛ mʋ, leŋ la ŋaa lɩma. Leŋ dɩ kuoro kɛmmɛ jʋʋ ʋ dɩpɩnɩŋ. Laa jʋɔsɛ ŋ lɛ nɛ, la tʋɔŋ ma tɔrɛ ŋ nyuŋ. La jaŋ bɛsɛ ŋ chonuŋ lɛ a kɩɩ girep nɛnɛɛ sɩnɩŋ. Ba kɩaa sɩma nɛ a magɛ dɩ ba bɛsɛ ŋ lɛ.

AZAAYA 1:2

La TƖƖNA sɩ, “Wɩa-nyuŋ arɩ tinteeŋ kala, má jegile nɩɩ, mɩ dɩɛsɛ mɩ biiriŋ nɛ ba waa, ama ba vɩa mɩ niiŋ nɛ.

AZAAYA 27:8

Dɩ La TƖƖNA nɩɩ chɛ dɩ ʋ dɔgɩsɛ ʋ nɩaa, ʋ yie kiriba hɛ tintee wogo lɛ nɛ. Ʋ yie leŋ pel-lɩmɩŋ nɛ lɩɩ wɩɩpɔsʋŋ dɩɩrɩŋ a kʋ ŋmooba a pɩsa hɛ tintee wogo lɛ.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

AZAAYA 57:17

Ma wʋbɔŋŋɔɔ arɩ ma tʋɔ-luŋuŋ wɩaa nɛ tɩɩ mɩ fa na baanɩŋ ma nyuŋ a dɔgɩsɛma, aŋ joŋ harɩŋ yɩama. Ka ma ha kɛŋ nyu-duo a tuto ma tʋɔtɔrɛ wombiee.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 30:17

Ama mɩ jaŋ bɩra pɩma yarɩfɩɛlaa, a ŋaa dɩ ma naawɩɩlaa ma fɩɛlɛ, a tɩŋ nɩaa sɩ sɩ Zaayɔŋ nɩaa ŋaa nɩ-kire taalɩa nɛ, nʋʋkala bɩ ba wɩaa chɩla. Mɩ-na ma TƖƖNA nɛ bʋla.”

JƐRƖMAAYA 31:18

Mɩ chaasa nɩɩ Efirem sɩ yele a bʋl, ‘Ŋ kɛmmɛ tʋraa kɩɩ a nagɛ nɛ-bie ba ha sɩ bɩ daga nɛ, mɩ sɛɩ ŋ kɛmmɛ tʋra kɩɩ. Kɛmmɛ mɩɩra kɔ ŋ teeŋ, dɩ mɩ hɛ ŋ leriŋ, bɛɛ wɩaa ŋ nɛ mɩ TƖƖNA Wɩa.

JƐRƖMAAYA 33:6

Ama arɩ ŋɩɩ kala, mɩ ha jaŋ pɩ mɩ nɩaa yarɩfɩɛlaa dɩ ba duori. Mɩ jaŋ vaarɛba a leŋ dɩ ba tinteeŋ chaasa kɛŋ fɩɛlɩŋ dɩ ba hɔŋ sɔm.

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

ƐZƖKƖƐL 18:30

Ŋɩɩ wɩaa ma Iziral tɩmma, mɩ jaŋ dii ma kʋŋkala sarɩya a magɛ ŋɩɩ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla. Má bɩrɩma lɩɩ wʋbɔmɔ-la kala ma sɩɩ ŋaa lɛ, a sɩ́ leŋe dɩ wʋbɔŋŋɔɔ cheima.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

HOSIA 13:4

La TƖƖNA sɩ, “Mɩ nɛ ma TƖƖNA Wɩa, Nɩɩ-la sɩ kɛmma kʋ lɩɩ Ijipiti tinteeŋ lɛ. Ma maga ma jɩŋ arɩ mɩ dʋndʋŋa nɛ Wɩa, Laataarʋ dɔŋ tuo, see mɩ-na.

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

HOSIA 14:5

Mɩ jaŋ nagɛ nyalɩŋ a nyala hɛ Iziral tɩŋŋaa lɛ. Ʋ jaŋ fɩɩlɛ a nagɛ tɩa sɩ fɩɩla. Ʋ jaŋ nagɛ kuolo sɩ hɛ Lɛbanɔŋ lɛ, ʋ naapoloo tuu tinteeŋ,

HOSIA 14:8

Efirem, ŋ dɩ ŋ tɔŋŋɔɔ bɩra bɩ wɩɩ pɛ. Mɩ jaŋ laa ŋ sʋla aŋ beŋ ŋ nyuŋ woruŋ. Mɩ nagɛ bʋtʋma pɩpaarɩŋ sɩ bire woruŋ nɛ, ŋ wʋzɔŋ kala lɩɩ mɩ teeŋ nɛ.”

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”