JƐRƖMAAYA 3:21 - WƖA TENIŊ

²¹ Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

JƐRƖMAAYA 3:21 ပူးပေါင်းရင်းမြစ်များ

JOB 33:27

Ŋɩɩ lɛ nɛ ʋ jaŋ kʋ bʋla pɩ nɩaa, ‘Mɩ ŋaa wʋbɔŋ nɛ a kɛŋ wʋtɩtɩɩ a kaa bɩrɩmɛ. Ama Wɩa joŋo chɛmɛ nɛ.

NAMAGABA 10:9

Wɩɩkala bɩ jaŋ walɩmɛ wʋtɩtɩɩ tɩɩna, ama nɩɩ-la wʋŋaalaa sɩ golibo bʋbʋɔŋ jaŋ lɩɩ.

NAMAGABA 19:3

Nuhuobiine yaarɩŋ nɛ yie cheyu, aŋ ka ʋ mɩɩra joŋ cheeriŋ pɩ La Tɩɩna.

AZAAYA 15:2

Taŋ-la ba sɩɩ yɩrɛ Dɩbɔŋ, ʋ nɩaa sii jɩl ba vene dɩa nɛ peeliŋ nyuŋ a yiyel. Mʋab tɩŋŋaa ka ŋmoo niiŋ nɛ tasɩ-la ba sɩɩ yɩrɛ Mediba arɩ Nebo wɩaa. Ba paala fʋŋ ba nyusuŋ a fʋŋ ba tɔŋŋɔɔ ma kala a dɩdagɛ arɩ ba tʋɔŋ cheye nɛ.

AZAAYA 17:10

Iziral tɩmma, ma yʋ ma Laataara Wɩa wɩaa nɛ, ʋ nɛ Nɩɩ-la sɩ dolie a nagɛ bʋŋ a pʋpɔma ŋɩɩ. Ma mɩɩra chɔnsɛ tɩɩsɩ-la sɩ zɔmɔ nɛ dɩ ma kpʋkpaarɛ vʋɩyaa ba bʋbʋɔŋ.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 13:25

Ma toruŋ nɛ ŋɩɩ, kpaal-la mɩ sɩ daga pɩma nɛ ŋɩɩ. Mɩ-na ma TƖƖNA nɛ bʋla, bɛɛ wɩaa ma yʋ mɩ wɩaa nɛ aŋ joŋ ma yɩɛlaa hɛ wʋnyɩɛrɩ vʋɩyaa lɛ.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 2:32

Hatolo jaŋ wuo yʋ ʋ yaraa kpɩɛraa lɛɛ, koo ha-falɩŋ jaŋ wuo yʋ ʋ ha-fal-gɛrɩŋ laalɩŋ? Ama mɩ nɩaa paala yʋ mɩ wɩaa nɛ a dieni.

JƐRƖMAAYA 3:2

Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

ƐZƖKƖƐL 23:35

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ŋ sɩ folo yʋ mɩ wɩaa a joŋ harɩŋ yɩamɛ, ʋ maga dɩ ŋ na hɛɛŋ a tɩŋ wʋlɩɩlɩ-la arɩ hachɔrʋŋ wɩalɩŋ ŋ sɩ ŋaa wɩaa nɛ.”

ƐZƖKƖƐL 7:16

Nɩalɩŋ kala sɩ ka a bɩ sʋba jaŋ fá jɩla hɛ peelee nyuŋ a yiyel a nagɛ kokosuŋ sɩ hɛ fuonaaŋ lɛ, a tɩŋ ba wʋbɔŋŋɔɔ wɩaa.

HOSIA 13:6

Mɩ nɛ fa pɩba kʋdiilee, ba dii vɔgɛ. Ba sɩ vɔgɔ, ba kɛŋ sɩɩ-duoŋ, a yʋ mɩ wɩaa.

HOSIA 8:14

Iziral tɩŋŋaa saa kuoru dɩɩsɩŋ nɛ, Juda nɩaa ma saa kɛrɩsɩŋ golli tabalaa yʋgɛ. Ama ba yʋ mɩ-na Nɩɩ-la sɩ ŋaaba wɩaa nɛ, ŋɩɩ wɩaa mɩ jaŋ joŋ nyiniŋ hɛ tabala-la lɛ, dɩ ʋ joŋ ba dɩ-duoruŋ dii.”

MƖKA 3:9

Iziral tɩŋŋaa sɩpaalaaraa, má nɩɩ wɩɩŋ deeŋ, ma nɩalɩŋ sɩɩ beŋ Iziral tɩŋŋaa, ma bɛrɛ wʋtɩtɩɩ nɛ a kɛŋ wɩalɩŋ kala sɩ tʋʋla a golibi.

NAMBABA 22:32

La TƖƖNA tɩndaarʋ-la pɩɛsɛ Balam, “Bɛɛ nɛ tɩɩ ŋ ŋmoo ŋ kakumo naansɩɩŋ butori-la? Mɩ kɔ dɩ mɩ kɛrɩŋ nɛ, mɩ bɩ cho dɩ ŋ mʋ lee-la.

2 Kɔrɩntɩ Nɩaa 7:10

Dɩ Wɩa nɛ leŋe nʋʋ tʋɔŋ chei a tɩŋ ʋ wʋbɔŋŋɔɔ wɩaa, ʋ tɩɩna yie bɩrɩma lɩɩ ʋ wʋbɔŋŋɔɔ lɛ nɛ Wɩa laaʋ ta. Nʋʋkala tʋɔŋ bɩ maga dɩ ʋ chei ŋɩɩ lɛ. Ama dɩ dʋnɩa nɩaa wʋŋaalaa nɛ leŋe dɩ nʋʋ tʋɔŋ chei, ŋɩɩ jaŋ leŋ dɩ ʋ tɩɩna sʋʋ.