JƐRƖMAAYA 3:19 - WƖA TENIŊ

¹⁹ Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 3:19 ပူးပေါင်းရင်းမြစ်များ

WƖA YƖƖLAA 106:24

Ba fa bɩ cho dɩ ba jʋʋ tintee-sɩŋ-la, a bɩ nii-la ŋ sɩ hɛ ma laa dii.

WƖA YƖƖLAA 16:6

Mɩ tʋɔŋ tɔrɛ kpaal-la ŋ sɩ pɩmɛ nyuŋ nɛ woruŋ, ba ŋaa tʋɔtɔrɛ dʋa nɛ.

WƖA YƖƖLAA 89:26

Ʋ jaŋ yɩrɛmɛ a bʋl, ‘Ŋ nɛ mɩ Nyɩmma, mɩ Wɩa, mɩ dɩ-duoŋ arɩ mɩ Laataara.’

NAMAGABA 3:35

Nɩalɩŋ sɩ kɛŋ wʋjɩmɩŋ jaŋ laa yɩrɩŋ, ama nɩyaaraa-na jaŋ dii hɩɩsɩŋ.

AZAAYA 63:16

Ŋ nɛ la nyɩmma. La naabalɩma, Abɩraham bɩ la jɩŋ, Jekɔb vɩa la ta nɛ. Ŋ nɛ La TƖƖNA arɩ la nyɩmma. Bumbuŋ kala ŋ nɛ la Laataara.

AZAAYA 64:8

La TƖƖNA, ŋ nɛ la nyɩmma, la nagɛ chʋrʋŋ nɛ, ŋ ma nɛ pupo-mɛɛrɛ, ŋ nɛ mɛ la kala.

JƐRƖMAAYA 12:10

Sɩpaalaaraa yʋga a jaŋ chei mɩ girep tɩɩsɩŋ baga a nʋɔsɛ mɩ tinteeŋ kpal. Ba jaŋ ŋaa dɩ mɩ tintee-la sɩ sɩma mɩɩra bɩrɩmɛ kʋŋkʋlʋŋ a pɩŋ hoi.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 3:4

Lɛɛlɛ nɛ ma yɩrɛmɛ a bʋl, ‘Mɩ nyɩmma, ŋ nɛ mɩ nandɔŋɔ a chɩŋ mɩ hammiiriŋ kala lɛ a kaa kɔ.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 5:7

LA TƖƖNA sɩ, “Bɛɛ nɛ tɩɩ mɩ jaŋ joŋo chɛma? Ma biiriŋ vɩamɛ nɛ aŋ ŋmɩŋmɩɛsɛ vesiŋ sɩ ŋaa kʋpɛɩba. Mɩ pɩba kɩalɩŋ kala ba sɩɩ chɛ nɛ, ka ba ha ŋɩŋaa bachɔrʋŋ wɩaa, a yie pʋɔla mʋmʋ hachɔrʋmɔɔ dɩɩsɩŋ.

ƐZƖKƖƐL 20:6

Tapʋlɩɩ-la mɩ ŋmɩɛsa pɩba arɩ mɩ jaŋ kɛmba lɩɩ Ijipiti tinteeŋ lɛ a kaa kɔ tintee-la mɩ sɩ chɛ bil ba lɛ, tintee-la sɩ sɩma a kɛŋ kɩaa woruŋ. Ʋ nɛ zɔmɔ kɩɩ tintee kala.”

DANƖƐL 11:16

Siiria kuoru-la sɩ kɔ dɩ ʋ yuoba jaŋ ŋaa wɩɩ-la kala ʋ sɩ cho. Nʋʋkala bɩ ʋ sɩpaaŋ jaŋ wuo chɩŋ. Ʋ dɩ laalɩyuoroo jaŋ chɩŋ Iziral tɩŋŋaa tintee-zɔŋ-la lɛ a yuo laa ʋ kala a cheyu.

DANƖƐL 11:41

Ʋ jaŋ yuo tintee-zɔŋ-la ma nɩaa. Ʋ jaŋ kpʋ nɩ-daŋ, ama ba jaŋ laa Ɛdɔm tinteeŋ nɩaa arɩ Mʋab tinteeŋ nɩaa a pɛ Amɔŋ tinteeŋ sɩpaalaaraa lɛ a ta ʋ nɩsɩŋ lɛ.

DANƖƐL 11:45

Ʋ jaŋ hɛ ʋ kuoru-lɛŋŋɛɛ Mediterenia mʋgʋ-balɩŋ arɩ peel-la nyuŋ Wɩa dɩɩ-balɩŋ sɩ chɩna pɛgɛ. Ŋɩɩ bʋa lɛ nɛ ʋ jaŋ sʋʋ, nʋʋ bɩ jaŋ pɛ ʋ lɛ.”

DANƖƐL 8:9

Nyilli-la banɛsɛ dɔŋɔ lɛ nyil-bie nyʋ a waa a kɛŋ doluŋ a chaasɛ wɩɩpɔsʋŋ nadiiŋ dɩɩrɩŋ, wɩɩpɔsʋŋ arɩ Iziral tɩŋŋaa tintee-zɔŋ-la.

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Ɛfɛsɩs Nɩaa 1:5

ʋ laa sɩpaaŋ bɩɩna bil nɛ arɩ ʋ jaŋ to Yesu Kirisito lɛ nɛ a leŋ dɩ la ŋaa ʋ biiriŋ. Ʋ tʋɔtɔrʋŋ lɛ nɛ ʋ ŋaa ŋɩɩ.

MOSIS BƖRA WULLI WƖA WOMBIIŊ 14:1

Ma ŋaa La TƖƖNA Wɩa biiriŋ nɛ. Dɩ nʋʋ nɛ sʋba dɩ ma yiyel ʋ yoho, má sɩ́ ma yaraa kpɛrʋ, a sɩ́ ma tilliŋ ma fʋŋ arɩ nɩaa dɔnsʋŋ sɩɩ ŋaa ŋɩɩ,

Hiburu TƖŊŊAA 10:39

Ama la-na tuo nɩalɩŋ sɩ vɩa Wɩa ʋ cheiba. La ŋaa nɩa sɩ laa Wɩa dii nɛ ʋ laala ta.

1 Pɩɩta 1:17

Ma sɩ yie chʋchʋɔlɛ Wɩa a kɛnʋ yɩyɩrɛ ma Nyɩmma ŋɩɩ dɩ ʋ pɛ ma lɛ, ma jɩŋ arɩ ʋ nɩɩ dii nɩaa sarɩya, ʋ bɩ ba kaa pɔrɛ. Ʋ yie dii nʋʋkala sarɩya a magɛ ŋɩɩ ŋ wɩɩŋ sɩ maga nɛ. Má saa fáʋ a leŋ dɩ ma wʋŋaalaa zɔŋ dʋnɩa deeŋ lɛ.