JƐRƖMAAYA 3:17 - WƖA TENIŊ

¹⁷ Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 3:17 ပူးပေါင်းရင်းမြစ်များ

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

1 KUOROO 8:41

Dɩ nʋhʋɔra-la ma sɩ bɩ ŋ nɩaa Iziral tɩŋŋaa kʋŋ ŋaa nɛ nɩɩ ŋ yɩrɩ-balɩŋ wɩaa, ŋ doluŋ wɩaa arɩ wʋduoru-la ŋ sɩ ŋaa wɩaa a lɩɩ tinteye-la sɩ bolie a kɔ dɩ ʋ dɛnnɩŋ, a joŋ ʋ sɩaa chaasɛ ŋ dɩɩ-balɩŋ deeŋ a sʋlʋŋ,

WƖA YƖƖLAA 102:23

Mɩ ha ŋaa bapʋɔsɩ-bie nɛ, ka La Tɩɩna leŋ mɩ pʋgʋmɛ. Ʋ keri mɩ tapʋlaa ta nɛ.

WƖA YƖƖLAA 78:8

Dɩ ba sɩ́ ba naabalɩmaba-la sɩ kɛŋ nyuduoŋ a vɩa Wɩa niiŋ ŋɩɩ nagʋ. Ba ŋaa nɩa fa sɩ bɩ ba tʋɔŋ pʋlla pɩ Wɩa nɛ, a bɩ ʋ laa dii.

WƖA YƖƖLAA 87:3

Peel-la ba sɩɩ yɩrɛ Zaayɔŋ, ŋ ŋaa Wɩa taŋ nɛ, nʋʋkala bʋl wʋzɔŋŋɔɔ a tɩtɩgɛ ŋ lɛ.

AZAAYA 26:8

La TƖƖNA, laa to ŋ wombiee ŋ sɩ bile dɩ la tuto nɛ, la yɩɛlaa kala hɛ ŋ lɛ nɛ. La cho dɩ ŋ yɩrɩŋ ka yɩrɛ nɛ bʋa na-kala a mʋ tɩgɛ wɩalɩŋ ŋ sɩ ŋaa lɛ.

AZAAYA 56:6

Nɩwogusu-la sɩ joŋ ba tɩtɩa a mɛrɛ mɩ-na ma TƖƖNA lɛ, a chomi a tɩma pɩpɩ mɩ-na ma TƖƖNA a dɩdɛnnɛmɛ, a kɛŋ chɛ-wiesii-la wɩaa woruŋ, a bɩ ʋ wɩaa kaa sɩsɩɩ, aŋ tuto mɩ nii-la sɩ hɛ mɩ dɩ mɩ nɩaa pɛgɛ woruŋ.

AZAAYA 59:19

Nɩalɩŋ sɩ hɛ wɩɩjʋʋlʋŋ dɩɩrɩŋ jaŋ fɩfá La TƖƖNA nɩalɩŋ ma sɩ hɛ wɩɩpɔsʋŋ dɩɩrɩŋ jaŋ zizilu, ʋ jaŋ kʋ tii paaba a nagɛ fuoŋ sɩ suo a pɩpɛllɛ koo pel-duoŋ.

AZAAYA 6:1

Jɩna-la lɛ kuoro Uzia fa sɩ sʋba nɛ mɩ na La TƖƖNA a nagɛ duosoo tʋɔŋ dɩ ʋ hɔŋ ʋ kuoru kpasa nyuŋ a yʋga kɩɩ kʋŋkala, ʋ gɛrɩŋ jɛrɛ su Wɩa dɩɩ-bal-la sɩ hɛ Jerusalɛm lɛ.

AZAAYA 66:1

Wɩɩ-la La TƖƖNA sɩ bʋla nɛ ŋ-la: “Wɩa-jaŋ nɛ mɩ kuoru kpasa, ka tinteeŋ ma ŋaa mɩ naasɩŋ dɩ-daŋɩŋ. Nɩɩ nɛ dɩa ma sɩ jaŋ saa pɩmɛ hɛ? Mɩ dɩ-wiesiŋ hɛ nɩɩ?

AZAAYA 66:18

Mɩ jɩŋ ba tʋɔbɩɩnaa arɩ ba wɩɩkala nɛ. Bʋa-la yie nɛ mɩ sɩ jaŋ kɛŋ tinteyee sɩɩ bʋl yikori doho na-kala kʋ hɛ dɔŋɔ dɩ ba na mɩ tʋla.

AZAAYA 66:20

Ba jaŋ kɛŋ ma naambiiri-la kala sɩ hɛ tinteye-la lɛ a kɔ mɩ peel-la sɩ bɩ disiniŋ kɛnɛ a hɛ Jerusalɛm lɛ, dɩ ba nagɛ Wɩɩsʋllɩ kɩaa mɩ teeŋ. Ba jaŋ paaba hɛ janɩŋ, janɩŋ torukoba, kakusuŋ arɩ ba torukoba arɩ bʋntaŋŋaba lɛ nɛ a kaa kɔ. Ba jaŋ kɛmba kɔ a nagɛ Iziral tɩŋŋaa sɩ yie joŋ Wɩɩsʋlʋŋ mɩaa a hɛ gbansɩ-la sɩ bɩ disiniŋ kɛnɛ lɛ a kɔ la TƖƖNA dɩɩ-balɩŋ a ŋaa Wɩɩsʋlʋŋ ŋɩɩ.”

JƐRƖMAAYA 11:8

Ama ba bɩ jegile nɩɩ, aŋ vɩa dɩ ba tomi, ba mɩɩra to ba nyuduoŋ arɩ tʋɔbɩɩŋ bɔŋŋɔɔ harɩŋ nɛ. Ŋɩɩ nɛ mɩ joŋ ŋmɩaŋ-la kala sɩ hɛ nii-la sɩ hɛ mɩ dɩ ba pɛgɛ a hɛ ba lɛ. Nii-la mɩ fa sɩ sɩ ba to ka ba bɩ to.’ ”

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

JƐRƖMAAYA 14:21

A tɩŋ ŋ yɩrɩŋ wɩaa, sɩ́ la vɩa ta. Sɩ́ hɩɩsɩŋ joŋo hɛ ŋ kuoru kpasa sɩ kɛŋ yɩrɩŋ lɛ. Liise yi nii-la ŋ sɩ hɛ la dɩ ŋ pɛgɛ lɛ a sɩ́ ʋ chei.

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 17:12

Dɩ-suomuŋ kala nɛ la Wɩa kuoru kpasa kɛŋ tʋla a leŋie kɩɩ kʋŋkala. Ʋ nɛ ŋaa la Wɩa dɩɩ-balɩŋ sɩ bɩ disiniŋ kɛnɛ.

JƐRƖMAAYA 18:12

Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 4:2

aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 9:14

Ama ba mɩɩra to ba nyuduoŋ harɩŋ nɛ. Ba fa to vene-la ba sɩɩ yɩrɛ Baal nɛ, arɩ ba nyɩmmaba fa sɩ dagɛba ŋɩɩ.

ƐZƖKƖƐL 1:26

Kʋ-la sɩ nagɛ wɩa-nyuŋ a chugili kɩalɩŋ sɩ weye nyuŋ ma nyuŋ, kʋŋ kʋbala chɩŋ a nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine a tʋtʋl a ŋaa, ka kʋŋ hɔŋ kuoru kpasa-la nyuŋ a nagɛ nuhuobiine.

ƐZƖKƖƐL 43:7

Ʋ sɩ, “Nuhuobiiŋ, mɩ kuoru kpasa arɩ mɩ naasɩŋ dɩ-wiesi nɛ ŋ-la. Leriŋ deeŋ nɛ mɩ jaŋ hɛ a guoli Iziral tɩŋŋaa tʋɔŋ a kaa mʋ wuu. Iziral tɩŋŋaa bɩra bɩ jaŋ chei mɩ yɩrɩ-zɔŋ-la. Ba tɩtɩa koo ba kuoroo bɩra bɩ jaŋ kpʋkpaarɛ vesiŋ dundolluŋ nyuŋ, koo a saa ba kuoroo vaamaa a kpʋkpaarɛ.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

NAMBABA 15:39

Jʋɔsaa deemba nɛ jaŋ liliisima wɩalɩŋ kala mɩ-na ma TƖƖNA sɩ daga, dɩ ma toba aŋ sɩ́ wʋlɩɩlɩŋ arɩ ma tɩtɩa yaraa wʋchɛɛlɛɛ harɩŋ to.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

Rom Tɩŋŋaa 6:14

Wʋbɔŋŋɔɔ bɩra bɩ ma wuo, bɛɛ wɩaa Wɩa lahɔrɩmɔ lɛ nɛ ma kɛŋ mɩɩsɩŋ, wɩalɩŋ Mosis fa sɩ bile dɩ nɩaa tuto dee.

Galiisia Nɩaa 4:26

Ama Jerusalɛm dɔŋɔ nɛ hɛ Wɩa-jaŋ lɛ a tɩɩ ʋ tɩtɩa. Ʋ nɛ ŋaa la naaŋ.

MOSIS BƖRA WULLI WƖA WOMBIIŊ 29:29

Wɩaa dɔnsʋŋ hɛ nɩmɛ La TƖƖNA Wɩa joŋo faala, ba-na ŋaa ʋ kɩaa nɛ, ama wombie-la ʋ sɩ joŋo dagɛla, la dɩ la biiriŋ kala maga dɩ la tutoba nɛ a kaa mʋ wuu.

SƖPAALAARAA 2:19

Ama dɩ sɩpaa-laarʋ-la nɛ sʋba, nɩalɩŋ yie bɩra vɩa La TƖƖNA nɛ aŋ mʋʋ to wombie-la sɩ bɔmɔ kɩɩ wombie-la ba nyɩmmaba fa sɩɩ to, a tuto vesiŋ a kpʋkpaarɛba. Ba vɩa dɩ ba joŋ ba wʋbɔmɔ-la arɩ ba nyu-duo-la a ta nɛ.