JƐRƖMAAYA 3:14 - WƖA TENIŊ

¹⁴ Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 3:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 30:6

Kuoro arɩ ʋ tɩntɩnnɩ-hɩasɩŋ hɛ nɩaa ba kɛŋ tenniŋ gɔllɛ Iziral arɩ Juda tinteeŋ kala. Ŋ-la nɛ ba ŋmʋnsa hɛ tenni-la tʋɔŋ: “Iziral tɩmma, má mɩɩra kɔ La TƖƖNA, Abɩraham, Aɩzɩk arɩ Jekɔb Wɩa teeŋ, ma nɩkaana-la sɩ fori Asiiria kuoroo nɩsɩŋ lɛ, ʋ jaŋ laama.

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

AZAAYA 10:22

Iziral tɩmma, ma fa yʋga a nagɛ hagɩla sɩ pɩŋ mʋga niiŋ nɛ, ama nɩalɩŋ baŋmɛnɛ sɩ ka nɛ jaŋ mɩɩra kɔ. Cheeriŋ chaasa jʋʋma nɛ a cheima, ŋɩɩ nɛ saa maga dɩ ʋ ŋaa.

AZAAYA 17:6

Ama nɩaa mʋa ha jaŋ ka Iziral lɛ, a nagɛ ba sɩ tɔrɛ olif nɛnɛɛ aŋ ka nɛnɛɛ balɩa koo batori ha ka tɩa-la nyu-gbaŋa lɛ. Banɛsɛ koo banɔŋ ma ka naakelee lɛ. La TƖƖNA Iziral tɩŋŋaa Wɩa nɛ bʋla.

AZAAYA 27:12

Ama bʋa deeŋ lɛ La TƖƖNA jaŋ kɛsɛ Iziral tɩŋŋaa kʋŋ kʋŋ a kʋ hɛ dɔŋɔ lɛ, a chɩŋ Efireti fuo-la lɛ, a kaa mʋ yi Ijipiti tinteeŋ niiŋ. Ʋ jaŋ lɩɩsɛba a nagɛ ba sɩ yie chaarɛ mɩaa a lɩɩsɛ mɩɩ-biiŋ aŋ ka mɩɩ-jɔrʋŋ ŋɩɩ.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

AZAAYA 57:17

Ma wʋbɔŋŋɔɔ arɩ ma tʋɔ-luŋuŋ wɩaa nɛ tɩɩ mɩ fa na baanɩŋ ma nyuŋ a dɔgɩsɛma, aŋ joŋ harɩŋ yɩama. Ka ma ha kɛŋ nyu-duo a tuto ma tʋɔtɔrɛ wombiee.

AZAAYA 6:13

Dɩ nɩaa fii tʋɔŋ, nɩbala ma nɛ paala ka tintee-la lɛ, ʋ ha jaŋ bɩra pɩŋ hoi. Nɩɩ-la jaŋ nagɛ piiŋ tɩa ba sɩ kere ta aŋ ka ʋ gentine bɩra tɔsɛ. Ŋɩɩ nɛ mɩ nɩaa ma jaŋ nagɛ tɩa-gentine tintee-la lɛ.”

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:8

Mɩ joŋ teŋ-la mɩ sɩ ŋmʋnsa a vɩvɩa Iziral mɩ sɩ jaa, ka ʋ bɩ wʋtɩtɩɩ kɛnɛ a pʋ nɛ aŋ kiru ta, a tɩŋ wʋchɔrʋmɔ-la kala ʋ sɩ ŋaa wɩaa. Ama ʋ naambie Juda ma fa sɩ bɩ wʋtɩtɩɩ kɛnɛ bɩ fawʋllʋŋ fá, aŋ ma mʋ ŋaa wʋchɔrʋmɔ-la tɩtɩa.

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

JƐRƖMAAYA 31:32

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Mɩ fa ŋaa ba bala nɛ, aŋ ka ba ha pɛ vɩa aŋ chei nii-la sɩ hɛ mɩ dɩ ba pɛgɛ. La TƖƖNA nɛ bʋla.”

JƐRƖMAAYA 31:6

Tapʋlɩɩ dɔŋ jaŋ kɔ, nɩalɩŋ sɩ pɔ leriŋ a bibeŋ jaŋ faasa yɩrɛ Efirem dundolluŋ nyuŋ a bʋl, ‘Má kɔ dɩ la mʋ Zaayɔŋ, La TƖƖNA Wɩa teeŋ.’ ”

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

Rom Tɩŋŋaa 9:27

Azaaya fa ŋaa Wɩa wʋlaabʋllʋ nɛ. Ʋ ma fa heele bʋl a tɩgɛ Iziral nɩaa lɛ a bʋl, “Dɩ Iziral tɩŋŋaa nɛ paala faasa yʋgɛ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ ma, ba tʋɔŋ nɩaa baŋmɛnɛ dʋndʋŋa nɛ Wɩa jaŋ laa ta,