JƐRƖMAAYA 3:13 - WƖA TENIŊ

¹³ Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 3:13 ပူးပေါင်းရင်းမြစ်များ

NƐHƖMAAYA 9:2

Ba fa kɛŋ ba tɩtɩa pɔrɛ lɩɩ nɩwogusu-la kala sɩ hɛ ba tʋɔŋ lɛ nɛ. Ba fa sii chɩŋ nɛ a dagɛ ba wʋcheelee arɩ wʋbɔmɔ-la ba naabalɩmaba sɩ ŋaa.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 57:5

Ma yie ŋɩŋaa bachɔrʋŋ arɩ hachɔrʋŋ wɩaa nɛ tɩɩ-lugunuŋ tʋɔŋ, aŋ kɛsɛ ma biiriŋ ma a kpʋkpaarɛ vʋɩyaa lɩɩ-libisiŋ tʋɔŋ arɩ bʋ-kuloo nyuŋ.

JƐRƖMAAYA 14:10

Wɩɩ-la La TƖƖNA sɩ bʋla tɩgɛ nɩaa deemba lɛ nɛ ŋ-la: “Ba chaasa cho dɩ ba gɔllɔɔ baarɛ nɛ. Ba naasɩŋ bɩ lee-kala buo. Ŋɩɩ wɩaa mɩ-na ma TƖƖNA bɩ ba laa. Lɛɛlɛ nɛ mɩ jaŋ liisi ba tʋɔhɛɛ wɩalɩŋ ba sɩ ŋaa, a dɔgɩsɛba a tɩŋ ba wʋbɔŋŋɔɔ wɩaa.”

JƐRƖMAAYA 14:20

La TƖƖNA, la sɛɩ la tʋɔhɛɩ wɩalɩŋ la sɩ ŋaa nɛ arɩ wɩalɩŋ kala la nyɩmmaba sɩ cheye. La chaasa ŋaa wʋbɔŋŋɔɔ nɛ ŋ lɛ.

JƐRƖMAAYA 2:20

Faafaa kala nɛ ma vɩamɛ a bɩ mɩɩ to. Ma fa sɩ, ‘La bɩ jaŋ tɩma pɩŋ.’ Dundolo kala nyuŋ arɩ tɩɩ-lugu kala bʋbʋɔŋ nɛ ma kpʋkpaarɛ vesiŋ.

JƐRƖMAAYA 2:25

Má sɩ́ fá dɩ ma naasɩŋ dii dɛrɛ, dɩ ma yikorusuŋ ma hɩl. Ama, ma fa sɩ, ‘La bɩ jaŋ wuo mɩɩrɛ harɩŋ, la cho tintee-wogusuŋ vesiŋ nɛ. La jaŋ to ba harɩŋ.’

JƐRƖMAAYA 3:2

Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 3:6

Bʋa-la lɛ Josaaya sɩ dii kuoruŋ nɛ La Tɩɩna pɩɛsɛmɛ, “Ŋ na wɩɩ-la Iziral tɩŋŋaa sɩ bɩ wʋtɩtɩɩ kɛnɛ sɩ ŋaa nɛɛ? Ba mʋ dundolo kala sɩ leŋie nyuŋ nɛ, arɩ tɩɩ-lugu na-kala bʋbʋɔŋ a ŋaa wʋchɔrʋmɔɔ nɩmɛ.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

ƐZƖKƖƐL 16:15

Ama ŋ mɩɩra joŋ ŋ yɩɛlaa kala hɛ ŋ zɔmʋŋ lɛ nɛ, ŋ yɩrɩŋ sɩɩ sii ŋɩɩ mɩɩra leŋ ŋ ŋɩŋaa hachɔrʋŋ wɩaa. Ŋ ŋaa hachɔrʋŋ nɛ a joŋ ŋ zɔmʋŋ a pɩpɩ nʋʋkala sɩ kʋʋ bal.

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

MOSIS BƖRA WULLI WƖA WOMBIIŊ 12:2

Tinteye-la kala ma sɩ yuo dii, má chei ba vʋɩyaa dɩ-kpaaraa kala, kɩalɩŋ sɩ hɛ peelee nyuŋ arɩ dundolluŋ arɩ tɩɩsɩŋ bʋbʋɔŋ.