JƐRƖMAAYA 29:22 - WƖA TENIŊ

²² A tɩŋ ba wɩaa, nɩalɩŋ kala ba sɩ kɛsɛ lɩɩ Juda a kaa mʋ yoŋ-baga Babɩlɔŋ lɛ jaŋ kɛŋ wɩɩŋ deeŋ a ŋmɩɛsa hɩhɛ nɩaa lɛ: ‘La TƖƖNA jaŋ dagɩŋ arɩ ʋ fa sɩ dagɛ Zedikaaya arɩ Ahab ŋɩɩ, nɩalɩŋ Babɩlɔŋ kuoro sɩ nyɩga.’

JƐRƖMAAYA 29:22 ပူးပေါင်းရင်းမြစ်များ

DANƖƐL 3:6

Nɩɩ-la kala sɩ́ bɩ tuu kpirime chʋɔlɛ kʋ-la, ba jaŋ guu joŋ tɩɩna yuo hɛ nyiŋgeliŋ dɩa tʋɔŋ.”

AZAAYA 65:15

Ma yɩrɩŋ jaŋ ŋaa ŋmɩaŋ nɩalɩŋ mɩ sɩ lɩɩsa teeŋ. Mɩ-na Wɩɩjarɩbakɔ jaŋ kpʋma, ama mɩ jaŋ hɛ yɩrɩ-falɩŋ a pɩ mɩ tɩntɩnnaa-na.

DANƖƐL 3:21

Nɩaa deemba fa laalɛ gɛrɩ-duduosuŋ nɛ, a vɔɔ kpuŋkpel-duduosuŋ, a bɛ nyu-bɛllɩŋ arɩ gɛnnɩŋ dɔnsʋŋ, ka ba vɔɔba a jomba yuo hɛ nyiŋgel-bal-la tʋɔŋ.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

RUF 4:11

Ŋɩɩ nɛ nɩhɩasɩ-la arɩ nɩalɩŋ kala sɩ hilimi taŋ-la boi-baalɩŋ niiŋ bʋl, “Oo, la pɛ na nɛ, La TƖƖNA jaŋ pɛ ŋ haal-la lɛ dɩ ʋ nagɛ Rakɛl arɩ Liya sɩ lʋl biiriŋ yʋgɛ ŋɩɩ a pɩ Jekɔb doho nɩaa. Wɩa jaŋ leŋ dɩ ŋ kɛŋ yɩrɩŋ Ɛfɩraf doho nɩaa tʋɔŋ a ŋaa nɩbal Bɛtɩlɛhɛm lɛ.

WƖAA DƖ-SUOMUŊ 48:20

Ŋɩɩ nɛ ʋ sʋl Wɩa pɩba tapʋlɩɩ-la aŋ bʋl, “Dɩ Iziral tɩŋŋaa nɛ suri ba niiŋ a sʋl Wɩa dɩ ʋ pɛ nʋʋ lɛ, ba jaŋ bʋl, ‘Wɩa jaŋ leŋ dɩ ŋ nagɛ Efirem arɩ Manasɛ.’ ” Ŋɩɩ nɛ tɩɩ Efirem laa Manasɛ sɩpaaŋ.

WƖA YƖƖLAA 102:8

Mɩ dʋndɔŋŋɔɔ tʋʋsɛmɛ ŋɩɩ nɛ wɩa tuu jʋʋ. Nɩalɩŋ sɩɩ mɔŋ mɩ lɛ mɩɩra kɛŋ mɩ yɩrɩŋ ŋmɩɛsaa hɛ nɩaa lɛ nɛ.