JƐRƖMAAYA 29:14 - WƖA TENIŊ

¹⁴ ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 29:14 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

WƖA YƖƖLAA 126:1

La Tɩɩna sɩ kɛnla mɩɩra kɔ Jerusalɛm, wɩɩ-la nagɛ duosoo nɛ a pɩla.

WƖA YƖƖLAA 126:4

La Tɩɩna, pɛ la lɛ dɩ la bɩra dʋa, a nagɛ duonuŋ sɩ yie nɩɩ fuo-bʋa bɩra kɛŋ lɩɩŋ ŋɩɩ.

WƖA YƖƖLAA 32:6

Ŋɩɩ wɩaa nɩalɩŋ kala sɩɩ to La Tɩɩna maga dɩ ba sʋlʋ nɛ dɩ hɛɛŋ nɛ jʋʋba. Ŋɩɩ nɛ jaŋ leŋ dɩ wʋjʋʋlaa nɛ paala yʋgɛ a kʋkɔ ma, dɩ ba sɩ́ ba yi.

WƖA YƖƖLAA 46:1

Wɩa nɛ ŋaa la dɩɩ-duoŋ arɩ la doluŋ. Ʋ kɛŋ ʋ tɩtɩa hɛ dɔŋɔ nɛ dɩ ʋ pɛ la lɛ bʋa na-kala dɩ wɩaa nɛ jʋʋla.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 43:5

Má sɩ́ fawʋllʋŋ fá, mɩ hɛ ma teeŋ nɛ. Mɩ jaŋ kɛsɛ ma biiriŋ a lɩɩ wɩɩpɔsʋŋ dɩɩrɩŋ a kɛmma lɩɩ wɩɩjʋʋlʋŋ dɩɩrɩŋ kʋ hɛ dɔŋɔ.

AZAAYA 43:6

Mɩ jaŋ bʋla pɩ wɩɩpɔsʋŋ nadiiŋ nɩaa: ‘Má jomba tɩa,’ a bʋla pɩ wɩɩpɔsʋŋ nagʋa nɩaa: ‘Má sɩ́ ba lɛrɛ bil.’ Má jomba ta dɩ ba lɩɩ dʋnɩa sɛmɛ na-kala a kɔ.

AZAAYA 45:19

Mɩ bɩ wɩaa lʋara bʋl koo a ŋaa wɩaa birimiŋ tʋɔŋ. Mɩ bɩra bɩ bʋla pɩ Jekɔb doho nɩaa dɩ ba nɛ tomi ŋɩɩ jaŋ ŋaa pɛɩ. Mɩ nɛ ma TƖƖNA, mɩ yie bʋl wʋtɩtɩɩ nɛ, a dagɛ wɩɩ-la sɩ maga.

AZAAYA 55:6

Má chɛ La TƖƖNA, ma jaŋ naʋ, lɛɛlɛ ʋ kpagɛma nɛ.

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:16

Wɩɩ-la La TƖƖNA sɩ bʋla nɛ ŋ-la: “Má leŋ yele, aŋ fɩɩsɛ ma sɩlɩɩrɩŋ ta, bɛɛ wɩaa mɩ jaŋ tiŋ ma lɔlʋŋ chɩmɩŋ. Mɩ-na ma TƖƖNA nɛ bʋla. Ba jaŋ lɩɩ ba dʋndɔŋŋɔɔ tinteeŋ a mɩɩra kɔ.

JƐRƖMAAYA 31:17

Ŋɩɩ wɩaa má kɛŋ yɩɛlaa nɛ a mʋ tɩgɛ ma chie lɛ. Mɩ-na ma TƖƖNA nɛ bʋla. Ma biiriŋ jaŋ mɩɩra kɔ ba tɩtɩa tinteeŋ.

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 51:10

Mɩ nɩaa, má ŋaa goŋ, La TƖƖNA daga arɩ la kɩaa sɩma nɛ. Má kɔ dɩ la bʋlʋ Zaayɔŋ lɛ, wɩɩ-la La TƖƖNA Wɩa sɩ ŋaa.

JƐRƖMAAYA 8:3

Lee na-kala mɩ sɩ vɩa tintee-bɔmʋŋ deeŋ nɩaa ta, nɩkaana-la sɩ bɩ sʋba jaŋ cho sʋʋŋ a kɩɩ mɩɩsɩŋ. Mɩ-na ma TƖƖNA doluŋ kala Tɩɩna nɛ bʋla.”

ƐZƖKƖƐL 37:21

Bʋla pɩba, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ mʋ kɛsɛ mɩ nɩaa kala hɛ dɔŋɔ tinteye-la ba sɩ pɩsa hɛ lɛ, a kɛmba kaa mɩɩra kɔ ba tɩtɩa tinteeŋ.

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

AMƆS 9:14

Mɩ jaŋ kɛŋ mɩ nɩaa Iziral tɩŋŋaa mɩɩra lɩɩ yoŋ-baga kɔ ba tɩtɩa tinteeŋ. Ba jaŋ paa ba tasɩ-la sɩ pɩŋ jikpeeŋ saa a jʋjʋʋ. Ba jaŋ pɛrɛ girep tɩɩsɩŋ bagɩsɩŋ a nyʋnyʋa ba sɩnɩŋ. Ba jaŋ pɛrɛ bagɩsɩŋ, a dii ba kɩaa.

MƖKA 4:12

Ama ba bɩ mɩ-na ma TƖƖNA tʋɔbɩɩnaa jɩŋ, ba bɩ wɩalɩŋ mɩ sɩɩ bɩɩnʋ dɩ mɩ ŋaa bʋbʋɔŋ jɩŋ. Mɩ kɛmba kʋ hɛ dɔŋɔ lɛ a nagɛ mɩɩ-jagɩsɩŋ ba sɩ kaa hɛ dɔŋɔ taha lɛ nɛ.

ZEFANAAYA 3:20

Bʋa-la lɛ, mɩ jaŋ kɛsɛma kʋ hilimi. Bʋa-la nɛ yie, mɩ jaŋ kɛsɛma kɔ dɩa. Mɩ jaŋ leŋ dɩ dʋnɩa nɩaa kala bɩbɛsɛ ma lɛ a zizilma dɩ mɩ nɛ leŋe dɩ ma bɩra dʋa ba sɩɩŋ lɛ.” La TƖƖNA nɛ bʋla.

Rom Tɩŋŋaa 10:20

Azaaya fa chaasa bʋl wɩɩŋ deeŋ a bʋl: Wɩa sɩ, “Nɩalɩŋ sɩ bɩ mɩɩ chɛ, ba namɛ nɛ. Nɩalɩŋ ma sɩ bɩ mɩ wɩaa pɩɛsɛ, mɩ kɛŋ mɩ tɩtɩa dagɛba nɛ.”

MOSIS BƖRA WULLI WƖA WOMBIIŊ 30:1

Dɩ ma nɛ to La TƖƖNA Wɩa wombiee, ʋ jaŋ pɛ ma lɛ. Dɩ ma nɛ vɩa ʋ niiŋ, ʋ jaŋ ŋmɩɛsa hɛ ma lɛ a kɛmma pɩsa hɛ tintee-wogusuŋ lɛ,

MOSIS BƖRA WULLI WƖA WOMBIIŊ 30:3

ma TƖƖNA Wɩa jaŋ fá ma nenige a lɩɩsɛma tinteye-la lɛ ʋ sɩ ŋmooma pɩsa hɛ a kɛmma kʋ hɛ dɔŋɔ aŋ leŋ dɩ ma bɩra dʋa.

MOSIS BƖRA WULLI WƖA WOMBIIŊ 30:5

Ʋ jaŋ kɛmma kɔ tintee-la sɩ ŋaa ma naabalɩmaba kʋŋ, dɩ ma bɩra tɩɩʋ. Ʋ jaŋ leŋ dɩ ma dʋa kɩaa woruŋ a pʋŋa yʋgɛ a paala kɩɩ ma naabalɩmaba.

MOSIS BƖRA WULLI WƖA WOMBIIŊ 4:7

Tintee dɔŋ kala tuo a kɛŋ yɩrɩ-balɩŋ ba vene chɩŋ ba harɩŋ arɩ La TƖƖNA Wɩa sɩ chɩŋ ma harɩŋ ŋɩɩ. Dɩ la nɛ sʋlʋ bʋa na-kala, ʋ yie laa la sʋla nɛ.