JƐRƖMAAYA 29:13 - WƖA TENIŊ

¹³ Ma jaŋ chɛmɛ, a namɛ. Dɩ ma nɛ chɛmɛ arɩ ma tʋɔŋ kala,

JƐRƖMAAYA 29:13 ပူးပေါင်းရင်းမြစ်များ

1 KUOROO 2:4

Dɩ ŋ nɛ to La TƖƖNA niiŋ, ʋ jaŋ leŋ dɩ nii-la ʋ sɩ hɛ pɩmɛ chɩŋ. Ʋ fa bʋla pɩmɛ nɛ arɩ ʋ jaŋ leŋ dɩ mɩ doho nɩaa nɛ didii kuoruŋ Iziral tinteeŋ lɛ, dɩ ba nɛ jaŋ kɛŋ wʋtɩtɩɩ a tou arɩ ba tʋɔŋ arɩ ba wɩɩ wɩɩkala.

2 KUOROO 23:3

Kuoro Josaaya sii chɩŋ ʋ dɩchɩnɩŋ, jebii-la sɛmɛ a hɛ niiŋ pɩ La TƖƖNA arɩ ʋ jaŋ to ʋ wombiee arɩ wɩalɩŋ kala ʋ sɩ daga arɩ ʋ tʋɔŋ arɩ ʋ wɩɩ wɩɩkala, a ŋaa wɩalɩŋ kala ba sɩ ŋmʋnsa hɛ teŋ-la tʋɔŋ. Ŋɩɩ nɛ nɩalɩŋ ma kala sɛɩ arɩ ba jaŋ to nii-la sɩ hɛ Wɩa wombiee teŋ-la tʋɔŋ.

1 IZIRAL TƖŊŊAA NAABARƖŊ 22:19

Má saa to ma TƖƖNA Wɩa arɩ ma tʋɔŋ arɩ ma wɩɩwɩɩ-kala. Má suomi La TƖƖNA Wɩa dɩɩ-balɩŋ saanɩŋ, dɩ ma wuo joŋ Wɩa niiriŋ daga-la arɩ kɩalɩŋ dɔnsʋŋ ba sɩ kaa tɩtɩŋ La TƖƖNA tɩntɩŋŋaa kaa kʋ jʋʋ bil ʋ dɩa-la tʋɔŋ ba sɩ jaŋ dɩdɛnnʋ.”

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

2 IZIRAL TƖŊŊAA NAABARƖŊ 22:9

Ŋɩɩ nɛ aŋ lɛɛlɛ gɔllɔ chɩchɛ Ahazɩa, Jehu nɩaa chɛ mʋ naʋ dɩ ʋ faa Samarɩa lɛ, ba kɛŋ. Ŋɩɩ nɛ ba kɛnʋ kʋ pɩ Jehu ʋ kpʋʋ. Ba joŋu hugi aŋ bʋl, “Ʋ ŋaa Jehosafat, nɩɩ-la fa sɩ to La TƖƖNA arɩ ʋ tʋɔŋ kala nihii nɛ.” Nʋʋkala fa bɩra tuo Ahazɩa dɩa nɩaa tʋɔŋ sɩ jaŋ wuo dii kuoruŋ Juda tinteeŋ lɛ a bemba.

2 IZIRAL TƖŊŊAA NAABARƖŊ 31:21

Wɩalɩŋ ʋ sɩ ŋaa Wɩa dɩɩ-bal-la lɛ, arɩ ŋɩɩ ʋ sɩ to La TƖƖNA wombiiŋ ba sɩ ŋmʋnsa bil dɩ la tuto arɩ wɩalɩŋ ʋ sɩ daga, ʋ to ʋ Wɩa nɛ a tɩŋ tɩntɩŋŋaa arɩ ʋ tʋɔŋ kala. Ŋɩɩ nɛ ʋ wɩɩkala wasɛ.

WƖA YƖƖLAA 119:10

Mɩ kɛŋ mɩ tʋɔŋ kala nɛ aa toŋ, pɛ mɩ lɛ dɩ mɩ sɩ́ wɩalɩŋ ŋ sɩ daga lɛ yeŋŋu.

WƖA YƖƖLAA 119:145

La TƖƖNA, mɩɩ yɩrɩŋ nɛ arɩ mɩ tʋɔŋ kala dɩ ŋ pɛ mɩ lɛ, nɩɩ mɩ teeŋ. Mɩ jaŋ sɛɩ wɩalɩŋ ŋ sɩ daga.

WƖA YƖƖLAA 119:2

Nɩalɩŋ sɩɩ to wɩalɩŋ ʋ sɩ daga jaŋ kɛŋ tʋɔtɔrʋŋ, nɩalɩŋ sɩɩ to ʋ niiŋ arɩ ba tʋɔŋ kala.

WƖA YƖƖLAA 119:58

Mɩɩ sʋlʋŋ nɛ arɩ mɩ tʋɔŋ kala, kɛmmɛ woruŋ arɩ ŋ sɩ hɛ niiŋ ŋɩɩ.

WƖA YƖƖLAA 119:69

Nɩalɩŋ sɩɩ dagɛ ba tɩtɩa gɔllɔ nyɩɛ wɩaa a chichei mɩ yɩrɩŋ nɛ, ama mɩ kɛŋ mɩ tʋɔŋ kala nɛ a tuto wɩalɩŋ ŋ sɩ daga.

WƖA YƖƖLAA 145:18

La Tɩɩna kpagɛ nɩalɩŋ kala sɩɩ yɩrʋ nɛ, nɩalɩŋ kala sɩɩ yɩrʋ arɩ wʋtɩtɩɩ.

WƖA YƖƖLAA 32:6

Ŋɩɩ wɩaa nɩalɩŋ kala sɩɩ to La Tɩɩna maga dɩ ba sʋlʋ nɛ dɩ hɛɛŋ nɛ jʋʋba. Ŋɩɩ nɛ jaŋ leŋ dɩ wʋjʋʋlaa nɛ paala yʋgɛ a kʋkɔ ma, dɩ ba sɩ́ ba yi.

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

AZAAYA 45:19

Mɩ bɩ wɩaa lʋara bʋl koo a ŋaa wɩaa birimiŋ tʋɔŋ. Mɩ bɩra bɩ bʋla pɩ Jekɔb doho nɩaa dɩ ba nɛ tomi ŋɩɩ jaŋ ŋaa pɛɩ. Mɩ nɛ ma TƖƖNA, mɩ yie bʋl wʋtɩtɩɩ nɛ, a dagɛ wɩɩ-la sɩ maga.

AZAAYA 65:10

Sarɔŋ tinteeŋ jaŋ ŋaa mɩ nɩalɩŋ sɩɩ tomi pʋsʋŋ dɩ-diiliŋ, dɩ Akɔ fuonaaŋ ma bɩrɩmɛ lee ba sɩ jaŋ pɩna wiesi.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

JƐRƖMAAYA 3:10

Arɩ wɩaa deemba kala ba sɩ ŋaa ma, ama ba naambie Juda sɩ bɩ wʋtɩtɩɩ kɛnɛ bɩ mɩɩra kɔ mɩ teeŋ arɩ ʋ tʋɔŋ kala. Ama ʋ fa fugo nagɛ ʋ cheye nɛ. Mɩ-na ma TƖƖNA nɛ bʋla.”

JƐRƖMAAYA 50:4

La TƖƖNA sɩ, “Tapʋlɩa-la lɛ, Iziral tɩŋŋaa arɩ Juda nɩaa kala jaŋ yele mʋ a chɛ ba TƖƖNA Wɩa.

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

Matiu 7:7

Má sʋl kɩaa, ma jaŋ laa, má chɛ kɩaa, ma jaŋ na. Má du boro, ba jaŋ kaa suro pɩma.

Tɩntɩŋŋaa 8:36

Ba fa sɩ joŋ wombii-la a mʋmʋ, ba mʋ yi lee kʋbala dɩ ʋ kɛŋ lɩɩŋ. Ŋɩɩ nɛ baal-la bʋla pɩ Fɩlɩp, “Na lɩɩŋ nɛ ŋ-la. Bɛɛ nɛ jaŋ kɛrɛmɛ dɩ ŋ sɩ́ mɩ Wɩɩchʋɔlɛ lɩɩŋ fo?”