JƐRƖMAAYA 29:1 - WƖA TENIŊ

¹ Teŋ-la Jɛrɩmaaya sɩ ŋmʋnsa Jerusalɛm lɛ a kaa mʋ pɩ nɩhɩasɩ-la sɩ hɛ yoŋ-baga lɛ arɩ Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala Nebukadineza sɩ kɛsɛ lɩɩ Jerusalɛm a kaa mʋ Babɩlɔŋ nɛ ŋ-la.

JƐRƖMAAYA 29:1 ပူးပေါင်းရင်းမြစ်များ

2 KUOROO 24:12

Ŋɩɩ nɛ Juda tinteeŋ kuoro Jehoyachiŋ, ʋ naaŋ, ʋ tɩntɩnnaa, ʋ laalɩyuori-hɩasɩŋ arɩ ʋ tɩntɩnnɩ-hɩasɩŋ, sɛɩ pɩ Babɩlɔŋ kuoro. Nebukadineza sɩ dii kuoruŋ ʋ jɩsɩŋ chori lɛ nɛ ʋ kɛŋ Jehoyachiŋ ʋ ŋaa dansarɩka.

2 IZIRAL TƖŊŊAA NAABARƖŊ 36:10

Duoŋ puso bʋa lɛ, kuoro Nebukadineza tɩŋ ba kʋ kɛŋ Jehoyachiŋ a kaa mʋ Babɩlɔŋ, a paa La TƖƖNA dɩɩ-bal-la tʋɔŋ kɩaa dɔnsʋŋ sɩ kɛŋ yuŋuŋ pɛ, aŋ leŋ Jehoyachiŋ nɩɛra Zedikaaya mɩɩra dii Juda tinteeŋ kuoruŋ.

ƐSƖTA 9:20

Ŋɩɩ nɛ Modikaaya ŋmʋnsɛ wɩalɩŋ kala sɩ ŋaa a hɛ teniŋ tʋɔŋ a bil, aŋ joŋ tenni-la dɔnsʋŋ a kpaa Juu tɩmma-la kala sɩ hɛ kuoro Zɛzɛs tinteeŋ lere-la sɩ bolie arɩ lere-la sɩ kpaga kala,

JƐRƖMAAYA 28:17

Jɩna-la tɩtɩa tʋɔŋ chɛŋ-pɛɩ lɛ nɛ, wʋnyɩɛrɩ Wɩa wʋlaabʋlla Hananaaya sʋʋ.

JƐRƖMAAYA 28:4

Mɩ jaŋ kɛŋ Juda tinteeŋ kuoro Jekonaaya (ʋ nɛ ha Jehoyachiŋ), sɩ ŋaa Jehoyakim nanʋala arɩ nɩalɩŋ kala sɩ mʋ yoŋ-baga Babɩlɔŋ lɛ a kaa mɩɩra kɔ leriŋ deeŋ, bɛɛ wɩaa mɩ jaŋ lɩɩsɛ daa-la Babɩlɔŋ kuoro sɩ joŋo laalɛ ma baŋŋaa lɛ a bori, La TƖƖNA nɛ bʋla.’ ”

JƐRƖMAAYA 29:20

Ŋɩɩ wɩaa, ma nɩalɩŋ kala mɩ sɩ kaa lɩɩ Jerusalɛm lɛ a kaa mʋ yoŋ-baga Babɩlɔŋ lɛ, má jegile nɩɩ.

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 51:61

Ŋɩɩ nɛ ʋ bʋla pɩ Sɛraaya, “Dɩ ŋ nɛ mʋ Babɩlɔŋ, hɛ doluŋ aŋ chaasa karɩmɛ wɩalɩŋ dɩ ba lɩɩ,

Tɩntɩŋŋaa 15:23

Ba joŋ teniŋ tɩmba. Teŋ-la lɛ ba fa ŋmʋnsɛ ŋ-la nɛ, “La nɩalɩŋ sɩ ŋaa Yesu nanzɔɔba arɩ la kʋhɩasɩŋ, ma naambiiriŋ, laa chʋɔlɛ ma nɩalɩŋ sɩ laa Yesu wɩaa dii aŋ bɩ Juu tɩŋŋaa ŋaa a hɛ Antɩɔk arɩ Siiria arɩ Siliisia lɛ.

2 Kɔrɩntɩ Nɩaa 7:8

Teŋ-la mɩ sɩ ŋmʋnsa pɩma leŋe ma tʋɔŋ chei nɛ. Dɩ ma tʋɔŋ nɛ cheye ma, mɩ-na tʋɔŋ bɩ cheye. Mɩ tʋɔŋ fa chei mʋa nɛ teŋ-la wɩaa, ama mɩ jɩma arɩ ma tʋɔŋ bɩ jaŋ chei a dieni.

Galiisia Nɩaa 6:11

Ma na mɩ ŋmʋnsʋŋ sɩ barɩma ŋɩɩ. Mɩ tɩtɩa nɩsɩŋ nɛ mɩ kaa ŋmʋnsɛ teniŋ deeŋ a pɩpɩma.

Hiburu TƖŊŊAA 13:22

Mɩ naambiiriŋ, mɩɩ sʋlma dɩ ma jegile nɩɩ wɩalɩŋ mɩ sɩ bʋla pɩma. Wʋkuu-bie nɛ mɩ ŋmʋnsa pɩma ŋɩɩ.