JƐRƖMAAYA 28:4 - WƖA TENIŊ

⁴ Mɩ jaŋ kɛŋ Juda tinteeŋ kuoro Jekonaaya (ʋ nɛ ha Jehoyachiŋ), sɩ ŋaa Jehoyakim nanʋala arɩ nɩalɩŋ kala sɩ mʋ yoŋ-baga Babɩlɔŋ lɛ a kaa mɩɩra kɔ leriŋ deeŋ, bɛɛ wɩaa mɩ jaŋ lɩɩsɛ daa-la Babɩlɔŋ kuoro sɩ joŋo laalɛ ma baŋŋaa lɛ a bori, La TƖƖNA nɛ bʋla.’ ”

JƐRƖMAAYA 28:4 ပူးပေါင်းရင်းမြစ်များ

WƖAA DƖ-SUOMUŊ 27:40

Ŋ jaŋ yuyuo laalɩŋ bʋa na-kala lɛ aŋ tɩma pɩpɩ ŋ naambie. Dɩ ʋ nɛ kʋ magɛ ŋɩɩ, ŋ jaŋ lɔl aŋ laa ŋ tɩtɩa ŋ naambie teeŋ.”

2 KUOROO 24:14

Nebukadineza fa kɛsɛ Jerusalɛm nɩaa kala nɛ kaa mʋ ba ŋaa ʋ yosi, tɩntɩnnɩ-hɩasɩŋ, laalɩyuori-hɩasɩŋ, nɩalɩŋ sɩ jɩŋ nɩsɩŋ tɩntɩŋŋaa. Nɩalɩŋ kala ʋ fa sɩ kɛsɛ ŋaa bʋɩ fii nɛ. Nɩalɩŋ fa sɩ bɩ lee kɛnɛ dʋndʋŋa nɛ fa ka Jerusalɛm lɛ.

AZAAYA 9:4

Ŋ dʋɔrɛ hɛɛ-la fa sɩ nagɛ daaŋ a daŋ ba baŋŋaa lɛ nɛ, a lɩɩsɛba hɛɛ-la lɛ ba dʋndɔŋŋɔɔ fa sɩ jomba hɛ. Ŋ yuo dii nɩalɩŋ sɩɩ dɔgɩsɛba nɛ arɩ ŋɩɩ ŋ fa sɩ yuo dii Midiaŋ tɩŋŋaa.

JƐRƖMAAYA 13:19

Ba jaŋ tɔ tabala-la sɩ hɛ Juda tinteeŋ wɩɩpɔsʋŋ nadiiŋ dɩɩrɩŋ a hɛ, nʋʋkala tuo sɩ jaŋ wuo laaba ta. Ba jaŋ kɛsɛ Juda nɩaa kala a kaa mʋ yoŋ-baga, ba jaŋ kɛsɛ ba kala a kaa viiri.

JƐRƖMAAYA 2:20

Faafaa kala nɛ ma vɩamɛ a bɩ mɩɩ to. Ma fa sɩ, ‘La bɩ jaŋ tɩma pɩŋ.’ Dundolo kala nyuŋ arɩ tɩɩ-lugu kala bʋbʋɔŋ nɛ ma kpʋkpaarɛ vesiŋ.

JƐRƖMAAYA 22:10

Juda nɩaa, má sɩ́ yele pɩ kuoru-la sɩ sʋba koo sɩ tuo. Ama má yel woruŋ a pɩ nɩɩ-la ba sɩ kaa mʋ yoŋ-baga, bɛɛ wɩaa ʋ bɩra bɩ jaŋ mɩɩra kɔ a na tintee-la lɛ ba sɩ lʋlʋ.

JƐRƖMAAYA 22:24

La TƖƖNA sɩ, “Mɩ nɛ sɩ weye wɩaa, dɩ ŋ-na Juda kuoro Jehoyachiŋ sɩ ŋaa Jehoyakim nanʋala nɛ fa paala nagɛ kuori nenii-pɩrɩŋ a hɛ mɩ nadiiŋ nɩsɩŋ lɛ ma, mɩ fa ha jaŋ lɩɩsɩŋ ta.

JƐRƖMAAYA 24:1

Babɩlɔŋ kuoro Nebukadineza sɩ kɛŋ Juda kuoro Jehoyachiŋ sɩ ŋaa Jehoyakim nanʋala arɩ Juda tinteeŋ tɩntɩnnɩ-hɩasɩŋ, nɩalɩŋ sɩ jɩŋ nɩsɩŋ tɩntɩŋŋaa arɩ libire lɩɩ Jerusalɛm lɛ a kaa mʋ yoŋ-baga Babɩlɔŋ tinteeŋ lɛ, ʋ ŋɩɩ harɩŋ lɛ nɛ La TƖƖNA dagɛmɛ tutogi-nambɩlaa sinsiŋ balɩa sɩ chɩŋ La TƖƖNA dɩɩ-bal-la sɩpaaŋ.

JƐRƖMAAYA 24:5

“Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla nɛ ŋ-la: A nagɛ tutogi-nambɩlɩa-la sɩ zɔmɔ ŋɩɩ, ŋɩɩ nɛ mɩ joŋ Juda nɩalɩŋ ba sɩ kɛsɛ mʋ yoŋ-baga ba ma nagɛ. Ba nɛ mɩ leŋ ba lɩɩ leriŋ deeŋ ŋɩɩ a mʋ Babɩlɔŋ tinteeŋ.

JƐRƖMAAYA 27:8

Dɩ tinteeŋ koo kuoru-gentine kala nɛ vɩa dɩ ʋ tɩma pɩ Babɩlɔŋ kuoro Nebukadineza koo a bɩ ba tɩtɩa joŋo hɛ ʋ nɩsɩŋ lɛ, mɩ jaŋ joŋ laalɩŋ, losuŋ arɩ nyanyal-bɔmʋŋ dɔgɩsɛ tintee-la nɩaa, aŋ to ʋ lɛ a kpʋ ba kala. Mɩ-na ma TƖƖNA nɛ bʋla.

JƐRƖMAAYA 28:10

Ŋɩɩ nɛ Wɩa wʋlaabʋlla Hananaaya kɛŋ gɛnɛ-la arɩ daa-la sɩ hɛ Wɩa wʋlaabʋlla Jɛrɩmaaya baŋŋaa lɛ lɩɩsɛ a bori,

JƐRƖMAAYA 28:2

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Mɩ jaŋ lɩɩsɛ daa-la Babɩlɔŋ kuoro sɩ joŋo laalɛ ma baŋŋaa lɛ a bori.

JƐRƖMAAYA 29:1

Teŋ-la Jɛrɩmaaya sɩ ŋmʋnsa Jerusalɛm lɛ a kaa mʋ pɩ nɩhɩasɩ-la sɩ hɛ yoŋ-baga lɛ arɩ Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala Nebukadineza sɩ kɛsɛ lɩɩ Jerusalɛm a kaa mʋ Babɩlɔŋ nɛ ŋ-la.

JƐRƖMAAYA 29:2

Ba sɩ hɛ yoŋ-baga lɛ ŋɩɩ, Jɛrɩmaaya ŋmʋnsɛ teniŋ deeŋ a pɩ kuoro Jehoyachiŋ arɩ ʋ naaŋ, kuoro dɩa tɩntɩnnɩ-hɩasɩŋ a pɛ Juda arɩ Jerusalɛm sɩpaalaaraa lɛ, nɩalɩŋ sɩ jɩŋ nɩsɩŋ tɩntɩŋŋaa arɩ libiree.

JƐRƖMAAYA 30:8

La TƖƖNA doluŋ kala Tɩɩna bɩra sɩ, “Dɩ tapʋlɩɩ-la nɛ yie, mɩ jaŋ bori daa-la sɩ laalɛ ba baŋŋaa, aŋ kɛrɛ chɔrʋmɔ-la ma sɩ vɔɔba. Ba bɩra bɩ jaŋ ŋaa nɩwogusuŋ yosi.

LEVI DOHO NƖAA 26:13

Mɩ nɛ ma Wɩa, mɩ nɛ kɛmma kaa lɩɩ Ijipiti tinteeŋ lɛ dɩ ma sɩ́ ba yosi ŋaa. Mɩ nɛ laama ta dɩ ma tɩɩ ma tɩtɩa a sɩ́ wɩɩkala fá.”

NAHUM 1:13

Mɩ jaŋ leŋ dɩ Asiiria tɩŋŋaa bɩra sɩ́ dol kala kɛŋ ma nyuŋ. Mɩ jaŋ kɛrɛ chɔrʋmɔ-la sɩ vɔɔma.”