JƐRƖMAAYA 28:16 - WƖA TENIŊ

¹⁶ Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ ŋaa siri nɛ dɩ mɩ lɩɩsɩŋ dʋnɩa deeŋ lɛ. Jɩna deeŋ tʋɔŋ ŋ jaŋ sʋʋ, bɛɛ wɩaa ŋ dagɛ nɩaa a leŋ ba lɩɩ mɩ-na ŋ TƖƖNA harɩŋ nɛ.’ ”

JƐRƖMAAYA 28:16 ပူးပေါင်းရင်းမြစ်များ

WƖAA DƖ-SUOMUŊ 7:4

A lɩɩ jɩnɩŋ kaa mʋ tapʋlaa balɩpɛ chɛɛŋ, mɩ jaŋ leŋ dɩ duonuŋ nɩɩ tapʋlɩɩ na-kala wɩɩhɛyɛ arɩ tɩtaŋɩŋ tapʋlaa mahɩŋ balɩa a kpʋ kʋŋ na-kala mɩ sɩ ŋaa ʋ kɛŋ mɩɩsɩŋ dʋnɩa lɛ.”

1 KUOROO 13:34

Wʋbɔŋŋɔɔ deemba nɛ Jerobuam ŋaa, ʋ kuoruŋ arɩ ʋ doho nɩaa kala yagɩsɛ ŋɩɩ.

MOSIS KƐŊ IZIRAL TƖŊŊAA LƖƖ 32:12

Ŋŋ chɛ dɩ Ijipiti tɩŋŋaa bʋl arɩ tʋɔbɔmʋŋ nɛ ŋ kaa kɛŋ ŋ nɩaa Iziral tɩŋŋaa lɩɩ dɩ ŋ kpʋba peelee tʋɔŋ, aŋ cheiba ta tinteeŋ kala lɛɛ? Leŋ dɩ ŋ baanɩŋ tuu tinteeŋ dɩ ŋ sɩ́ ŋ nɩaa chei ta.

JƐRƖMAAYA 20:6

Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 28:17

Jɩna-la tɩtɩa tʋɔŋ chɛŋ-pɛɩ lɛ nɛ, wʋnyɩɛrɩ Wɩa wʋlaabʋlla Hananaaya sʋʋ.

JƐRƖMAAYA 28:3

Jɩsɩŋ balɩa pɛgɛ, mɩ jaŋ kɛŋ Wɩa dɩɩ-balɩŋ tɩntɩnnɩ kɩalɩŋ Babɩlɔŋ kuoro Nebukadineza fa sɩ kʋ paa daha a kaa mɩɩra kɔ.

JƐRƖMAAYA 29:32

wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ dɔgɩsɛ Sɛmaaya sɩ lɩɩ Nehelam arɩ ʋ doho nɩaa kala. Ʋ nɩaa kʋŋkala bɩ jaŋ ka nɩaa deemba tʋɔŋ. Ʋ bɩ jaŋ kɔ dɩ ʋ na wʋzɔmɔ-la mɩ sɩ jaŋ ŋaa pɩ mɩ nɩaa, bɛɛ wɩaa ʋ dagɛ nɩaa a leŋ ba vɩa mɩ niiŋ nɛ. Mɩ-na ma TƖƖNA nɛ bʋla.’ ”

AMƆS 7:17

Ŋɩɩ wɩaa jegile nɩɩ wɩalɩŋ La Tɩɩna sɩ bʋla a tɩgɛ ŋ lɛ: ‘Ŋ haala jaŋ ŋaa hachɔrʋŋ ma tabalɩŋ lɛ, ka ba kpʋ ŋ hambolibiisiŋ arɩ ŋ toloo ma laalɩŋ lɛ, aŋ kɛŋ ŋ tinteeŋ kpaa dɔŋɔ. Ŋ ma tɩtɩa jaŋ sʋʋ tintee-la nɩaa sɩ bɩ Wɩa ka to lɛ. Ka dɩ ba kɛsɛ Iziral tɩŋŋaa kala lɩɩ ba tinteeŋ lɛ a mʋ yoŋ-baga.’ ”

AMƆS 9:8

La TƖƖNA Wɩɩjarɩbakɔ bɩra bʋla, “Mɩ sɩɩŋ na ma Iziral tinteeŋ deeŋ sɩ ŋaa wʋbɔŋ ŋaaraa ŋɩɩ nɛ. Mɩ jaŋ kpʋ ma Jekɔb doho nɩaa dɩ ma lɛl dʋnɩa lɛ aŋ ka mʋa. Mɩ-na ma Tɩɩna nɛ bʋla.

NAMBABA 14:37

La TƖƖNA joŋ nyanyal bɔŋ hɛ ba lɛ ba sʋʋ.

NAMBABA 29:32

Tapʋl-pɛɩ chɛɛŋ, má kɛŋ nɛ-bel-pɔrɔɔ balɩpɛ, pie-belliŋ balɩa arɩ pie-bel-pɔrɔɔ fii arɩ banɛsɛ sɩ yi jɩna jɩna a kaa kʋ ŋaa Wɩɩsʋlʋŋ pɩ mɩ-na ma TƖƖNA. Pʋsʋŋ deemba kʋŋkala bɩ maga dɩ ʋ kɛŋ nyɔɔ.

MOSIS BƖRA WULLI WƖA WOMBIIŊ 6:15

Ma Tɩɩna Wɩa bɩ hadɔrʋŋ ka chɛ. Dɩ ma nɛ to vene dɔŋ, ʋ baanɩŋ jaŋ faasa sii ma nyuŋ dɩ ʋ cheima ta tintee-la lɛ.