JƐRƖMAAYA 28:15 - WƖA TENIŊ

¹⁵ Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 28:15 ပူးပေါင်းရင်းမြစ်များ

1 KUOROO 22:23

Mɩkaaya bʋl, “La TƖƖNA joŋ wʋnyɩɛrɩŋ dɩma hɛ nɩaa deemba kala sɩ bʋl wɩaa pɩpɩŋ niiŋ lɛ nɛ. La TƖƖNA tɩtɩa bʋla arɩ wʋlɔrʋnʋŋ jaŋ jʋʋŋ.”

JƐRƖMAAYA 20:6

Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 23:21

Mɩ dee bɩ wʋlaabʋllaa deemba tɩma, ama ba tɩtɩa tɩndaarɩŋ nɛ ba kaa mʋ. Mɩ bɩ wɩɩ bʋla pɩba, ka ba mʋ bʋl wɩaa mɩ yɩrɩŋ lɛ.

JƐRƖMAAYA 23:31

Wʋtɩtɩɩ, mɩ chɩŋ wʋlaabʋlla-la sɩ yie bʋl ba tɩtɩa wɩaa aŋ bʋl mɩ-na nɛ bʋla lɛ nɛ. Mɩ-na ma TƖƖNA nɛ bʋla.

JƐRƖMAAYA 27:15

La TƖƖNA sɩ, ‘Mɩ dee bɩ ba tɩma. Baa nyɩɛ wɩaa nɛ mɩ yɩrɩŋ lɛ. Ŋɩɩ wɩaa mɩ jaŋ kirima ta dɩ ma sʋʋ, ma dɩ nɩalɩŋ sɩ sɩ ba ŋaa mɩ wʋlaabʋllaa kala a bʋl wɩaa pɩpɩma.’ ”

JƐRƖMAAYA 28:11

aŋ bʋl ŋ-la nɩalɩŋ sɩpaaŋ, “Wɩɩ-la La TƖƖNA sɩ bʋla nɛ ŋ-la: ‘Ŋɩɩ tɩtɩa nɛ mɩ jaŋ bori daa-la Babɩlɔŋ kuoro Nebukadineza sɩ joŋo laalɛ tinteyee nɩaa kala baŋŋaa lɛ jɩsɩŋ balɩa pɛgɛ.’ ” Ŋɩɩ lɛ nɛ Wɩa wʋlaabʋlla Jɛrɩmaaya viiri.

JƐRƖMAAYA 29:23

Ba ŋaa wɩalɩŋ sɩ bɩ bana kɛnɛ nɛ Iziral tinteeŋ lɛ. Ba kɛŋ ba dɔnsʋŋ tɩŋŋaa haalaa pɩŋ nɛ, aŋ nyɩɛ wɩaa ma mɩ yɩrɩŋ lɛ, ka mɩ bɩ wɩɩ bʋla pɩba. Mɩ jɩŋ wɩɩ-la ba sɩ ŋaa nɛ, aŋ ŋaa nʋʋ sɩ pɛ na wɩɩ-la. Mɩ-na ma TƖƖNA nɛ bʋla.”

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 7:8

Ama, ma bee na, ma mɩɩra joŋ ma yɩɛlaa hɛ ŋɩɩ ba sɩɩ nyɩsɛma lɛ nɛ, ʋ bɩ jaŋ pɛ ma lɛ.

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

ƐZƖKƖƐL 13:6

Wɩalɩŋ ba sɩ na a nagɛ duosoo tʋɔŋ, arɩ ba vʋgʋrʋ wɩaa ŋaa wʋnyɩɛrɩŋ nɛ. Ba sɩ, ‘La TƖƖNA nɛ bʋla,’ ka mɩ-na ma TƖƖNA bɩ ba tɩma, ka ba ha bɩɩnɛ arɩ wɩalɩŋ ba sɩ bʋla jaŋ kʋ ŋaa wʋtɩtɩɩ.

ƐZƖKƖƐL 13:9

Mɩ jaŋ dɔgɩsɛ ma nɩalɩŋ sɩ nyɩɛ wɩaa arɩ maa na wɩaa a nagɛ duosoo tʋɔŋ nɛ, a vʋgaa nyɩɛ wɩaa. Ma bɩra bɩ jaŋ guoli mɩ nɩalɩŋ sɩ yie hilime vʋvʋʋrɛ wɩaa tʋɔŋ, koo dɩ ba ŋmʋnsɛ ma yɩraa hɛ Iziral tɩŋŋaa tʋɔŋ koo ma jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA Wɩɩjarɩbakɔ.

ƐZƖKƖƐL 22:28

Wɩa wʋlaabʋlla-la sɩ hɛ Iziral lɛ gbaa tʋtɔ wʋbɔŋŋɔɔ deemba kala nɛ, a nagɛ ba sɩ ŋaa tʋɔrʋŋ bʋgɛ kʋa. Ba yie nyɩɛ wɩaa bʋl dɩ ba na wɩaa a nagɛ duosoo tʋɔŋ nɛ, a vʋga dɩdagɛ wɩalɩŋ maachie sɩ jaŋ ŋaa. Ba sɩ, ‘Wɩɩ-la la TƖƖNA Wɩɩjarɩbakɔ sɩ bʋla nɛ ŋɩɩ,’ ka mɩ-na ma TƖƖNA bɩ wɩɩkala bʋla.

ZƐKARƖYA 13:3

Dɩ nʋʋkala nɛ ha pɛsɛ a nyɩɛ bʋbʋl wɩaa mɩ yɩrɩŋ lɛ, ʋ nyɩmma arɩ ʋ naaŋ-la sɩ lʋlʋ jaŋ bʋla pʋ, ‘Ʋ maga ba kpʋŋ nɛ, bɛɛ wɩaa ŋ nyɩɛ wɩaa nɛ La TƖƖNA yɩrɩŋ lɛ.’ Dɩ ʋ nɛ nyɩɛ bʋl wɩaa mɩ yɩrɩŋ lɛ, ʋ nyɩmma arɩ ʋ naaŋ jaŋ tɔbʋ kpʋ.

MOSIS BƖRA WULLI WƖA WOMBIIŊ 13:6

Dɩ ŋ naambie tɩtɩa koo ŋ bie koo ŋ tolo koo ŋ hachooluŋ koo ŋ nandɔŋ-fɩɛmɩŋ nɛ lʋara nyɩsɩŋ a bʋl, “Leŋ dɩ la mʋ a to vesiŋ a pɛ La Tɩɩna lɛ,” vesi-la ma dɩ ma nyɩmmaba kʋŋkala ha sɩ bɩ to aŋ ka,

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”