JƐRƖMAAYA 27:6 - WƖA TENIŊ

⁶ Lɛɛlɛ mɩ jaŋ laa ma tinteyee kala pɩ mɩ tɩntɩnna Babɩlɔŋ kuoro Nebukadineza. Mɩ jaŋ leŋ dɩ baga kɩaa kala ma paala tuto ʋ niiŋ.

JƐRƖMAAYA 27:6 ပူးပေါင်းရင်းမြစ်များ

2 KUOROO 25:28

Evil-Merodak fa kɛŋ Jehoyachiŋ nɛ woruŋ, a pʋ dɩchɩnɩŋ a kɩɩ kuorusu-la dɔnsʋŋ kala ba fa sɩ kɛsɛ tɔ bɩnɩŋ dɩa Babɩlɔŋ lɛ.

2 IZIRAL TƖŊŊAA NAABARƖŊ 36:23

Ʋ sɩ, “Wɩɩ-la mɩ-na Pɛsɩa tinteeŋ kuoro Siirus sɩɩ bʋl nɛ ŋ-la: La TƖƖNA Wɩa sɩ hɛ ʋ jaŋ lɛ joŋ dʋnɩa tinteyee kala pɩmɛ nɛ. Ʋ lɩɩsɛmɛ nɛ dɩ mɩ saa ʋ dɩɩ-balɩŋ pʋ Jerusalɛm sɩ hɛ Juda tinteeŋ lɛ. La TƖƖNA Wɩa jaŋ pɔ ma nɩalɩŋ kala sɩ ŋaa ʋ nɩaa sɩ jaŋ mɩɩra mʋ lee-la.”

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 22:25

Mɩ jaŋ joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ, nɩalɩŋ ŋ sɩɩ fá. Mɩ jaŋ joŋuŋ hɛ Babɩlɔŋ kuoro Nebukadineza arɩ ʋ nɩaa nɩsɩŋ lɛ.

JƐRƖMAAYA 24:1

Babɩlɔŋ kuoro Nebukadineza sɩ kɛŋ Juda kuoro Jehoyachiŋ sɩ ŋaa Jehoyakim nanʋala arɩ Juda tinteeŋ tɩntɩnnɩ-hɩasɩŋ, nɩalɩŋ sɩ jɩŋ nɩsɩŋ tɩntɩŋŋaa arɩ libire lɩɩ Jerusalɛm lɛ a kaa mʋ yoŋ-baga Babɩlɔŋ tinteeŋ lɛ, ʋ ŋɩɩ harɩŋ lɛ nɛ La TƖƖNA dagɛmɛ tutogi-nambɩlaa sinsiŋ balɩa sɩ chɩŋ La TƖƖNA dɩɩ-bal-la sɩpaaŋ.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 28:14

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ jaŋ fʋgɛ tinteyee deemba kala nɩaa hɛ dɩ ba tɩma pɩ Babɩlɔŋ kuoro Nebukadineza, ba jaŋ tɩma pʋ. Mɩ jaŋ leŋ dɩ bagɩlaa ma paala tuto ʋ niiŋ.’ ”

JƐRƖMAAYA 43:10

Bʋla pɩba, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ jaŋ tɩma yɩrɛ mɩ tɩntɩnna Babɩlɔŋ kuoro Nebukadineza a leŋ dɩ ʋ kuoru kpasa chɩŋ tabɩaa deemba mɩ sɩ hugo lee-la. Ʋ jaŋ kɛŋ kuori-palɩŋ jɛrɛ tɔba.

JƐRƖMAAYA 49:30

Má faasa fá lɩma a viiri. Má mʋ hɛ bʋ-bʋɔsʋŋ sɩ luŋie lɛ, ma nɩalɩŋ sɩ hɛ Hazɔ lɛ. Babɩlɔŋ kuoro Nebukadineza chɩŋ ma lɛ nɛ, ʋ vʋʋrɛ wɩɩ nɛ a mʋ tɩgɛ ma lɛ. Mɩ-na ma TƖƖNA nɛ bʋla.”

ƐZƖKƖƐL 29:12

Mɩ jaŋ leŋ dɩ Ijipiti tinteeŋ faasa pɩŋ hoi dʋnɩa kala lɛ, dɩ ʋ tabalaa ma pɩŋ hoi a kɩɩ tabala-la sɩ pɩŋ jikpeeniŋ lɛ a kaa mʋ yi jɩsɩŋ mahɩŋ balɩa. Mɩ jaŋ kɛŋ Ijipiti tɩŋŋaa pɩsa hɛ tintee-wogusuŋ lɛ.”

ƐZƖKƖƐL 30:24

Mɩ jaŋ leŋ dɩ Babɩlɔŋ kuoro nɩsɩŋ kɛŋ doluŋ, dɩ mɩ joŋ mɩ tokobiiŋ hɛ ʋ nɩsɩŋ lɛ. Ama mɩ jaŋ bori Ijipiti tinteeŋ kuoro nɩsaa, dɩ ʋ pɩna huhuuni Babɩlɔŋ kuoro sɩpaaŋ, a nagɛ nɩa sɩ bolimo a chɩchɛ dɩ ʋ sʋʋ.

DANƖƐL 4:12

Ʋ pɩpaarɩŋ fa zɔmɔ, ʋ nɛnɛɛ yʋga magɛ kʋŋkala diiniŋ. Baga kɩaa pɩpɩŋ ʋ fɩɛlɩŋ lɛ, diibiisiŋ sɩsagɛ ʋ naakelee lɛ a saa ba dɛllɩŋ, kʋŋkala na kɩaa didii ʋ lɛ.

DANƖƐL 4:22

Ŋ-na kuoro nɛ tɩa-la. Ŋ ŋaa nɩbal nɛ aŋ kɛŋ doluŋ ma. Ŋ ballɩŋ jɩla tɩtɩgɛ wɩa-nyuŋ, ŋ doluŋ cheŋ dʋnɩa sɛmɛ kala.