JƐRƖMAAYA 27:5 - WƖA TENIŊ

⁵ mɩ kɛŋ mɩ dol-balɩŋ arɩ mɩ naduoŋ nɛ a ŋaa dʋnɩa arɩ nuhuobiine arɩ pʋsʋ-la kala sɩ hɛ ʋ lɛ. Mɩ yie jomba pɩ nʋʋ na-kala mɩ tʋɔŋ sɩ tɔrɛ ʋ nyuŋ nɛ.

JƐRƖMAAYA 27:5 ပူးပေါင်းရင်းမြစ်များ

WƖAA DƖ-SUOMUŊ 1:25

Wɩa sɩ ŋaa ba kala, ʋ tʋɔŋ tɔrɛ ba nyuŋ.

WƖAA DƖ-SUOMUŊ 9:6

Dɩ nʋʋkala nɛ kpʋ ʋ dɔŋɔ, ʋ maga ba kpʋʋ ma nɛ, bɛɛ wɩaa Wɩa ŋaa nuhuobiine ʋ nagɛ ʋ-na Wɩa nɛ.

ƐZƖRA 1:2

Ʋ sɩ, “Wɩɩ-la mɩ-na Pɛsɩa tinteeŋ kuoro Siirus sɩɩ bʋl nɛ ŋ-la: La TƖƖNA Wɩa sɩ hɛ ʋ jaŋ lɛ joŋ dʋnɩa tinteyee kala pɩmɛ nɛ. Ʋ lɩɩsɛmɛ nɛ dɩ mɩ saa ʋ dɩɩ-balɩŋ pʋ Jerusalɛm sɩ hɛ Juda tinteeŋ lɛ.

NƐHƖMAAYA 9:22

Ŋ joŋ kuoroo tinteyee arɩ tinteyee pɩba nɛ, ba tɩɩ ba kala. Ba yuo laa Hɛsɩbɔŋ kuoro Sɩhɔŋ tinteeŋ nɛ arɩ Basaŋ kuoro Ɔgɩ tinteeŋ.

WƖA YƖƖLAA 102:25

Dɩ-suomuŋ kala, ŋ nɛ bil tinteeŋ gentine, ŋ nɛ ŋaa wɩa-nyuŋ ma.

WƖA YƖƖLAA 96:5

Tintee-wogusu-la nɩaa kala kpaarɛ vesiŋ nɛ, ama La TƖƖNA nɛ ŋaa wɩa-nyuŋ.

MOSIS KƐŊ IZIRAL TƖŊŊAA LƖƖ 20:11

Tapʋlaa balɩdʋ nɛ mɩ-na ma TƖƖNA joŋo ŋaa wɩa-nyuŋ arɩ tinteeŋ, mʋgʋ-balaa arɩ kɩalɩŋ kala sɩ hɛ ba lɛ, tapʋl-pɛɩ chɛɛŋ nɛ mɩ wiesi. Ŋɩɩ nɛ mɩ joŋ chɛ-wiesiŋ deeŋ a wasʋ, a leŋ ʋ ŋaa tapʋl-zɔŋ.

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

AZAAYA 42:5

La TƖƖNA Wɩa nɛ ŋaa wɩa-nyuŋ a leŋ ʋ jɛrɛ tɔ leriŋ, ʋ nɛ ŋaa tinteeŋ arɩ kɩalɩŋ kala sɩ hɛ ʋ lɛ. Ʋ nɛ pɩ nuhuobiine mɩɩsɩŋ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

AZAAYA 45:12

Mɩ nɛ ŋaa tinteeŋ arɩ nuhuobiine kala sɩ hɛ dʋnɩa lɛ. Mɩ nɛ ŋaa wɩa-nyuŋ, a ŋaa wɩɩpɔsʋŋ arɩ chɛnɛ arɩ chɛnwʋlaa kala a leŋ ba chɩŋ lere-la ba sɩ chɩna.

AZAAYA 48:13

Mɩ nɛ ŋaa tinteeŋ arɩ wɩa-nyuŋ. Dɩ mɩ nɛ bʋl wɩɩ tinteeŋ arɩ wɩa-nyuŋ lɛ, ŋɩɩ nɛ sɛnɛ yie chɩŋ.

AZAAYA 51:13

Ma yʋ mɩ-na ma TƖƖNA sɩ ŋaa ma wɩaa nɛ Nɩɩ-la sɩ ŋaa wɩa-nyuŋ arɩ tinteeŋ kala. Aŋ ka fawʋllʋŋ kɛmma tapʋlɩɩ kala a tɩŋ nɩalɩŋ sɩɩ dɔgɩsɛma wɩaa. Kʋbɛɛ ba nɛ nɩalɩŋ sɩɩ dɔgɩsɛma? Nɩɩ nɛ ba hɛ lɛɛlɛ?

JƐRƖMAAYA 27:4

Joŋ tɩndaarɩ-la pɩba dɩ ba kaa mʋ bʋla pɩ ba nɩhɩasɩ-la, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má bʋla pɩ ma kuoroo arɩ

JƐRƖMAAYA 32:17

“La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

JƐRƖMAAYA 51:15

Wɩa kɛŋ ʋ doluŋ nɛ a ŋaa tinteeŋ, a kɛŋ ʋ wʋjɩmɩŋ ma a ŋaa dʋnɩa. Ʋ sɩ jɩŋ wɩaa sɩaa ma lɛ nɛ ʋ to a ŋaa wɩa-nyuŋ a leŋ ʋ jɛrɛ.

DANƖƐL 2:38

Ŋ nɩsɩŋ lɛ nɛ ʋ joŋ nuhuobiinee, bagɩlaa arɩ fillee sɩɩ zaarɛ wɩa-nyuŋ a hɛ. Lee na-kala ba sɩ hɛ, ʋ nɛ leŋe ŋ bibeŋ ba kala. Ŋ nɛ ŋaa sɛlɩmɛ nyuŋ-la ŋ sɩ na.

DANƖƐL 4:14

Ʋ faasa kpɩa goŋ a bʋl, ‘Má keri tɩa-la a kuosi ʋ naakelee, a chɩrɛ ʋ pɩpaarɩŋ a kɛŋ ʋ nɛnɛ-la kala pɩsɛ, dɩ baga kɩalɩŋ sɩ pɩŋ ʋ bʋbʋɔŋ arɩ diibiisi-la sɩ sagɛ ʋ naakelee lɛ viiri.

DANƖƐL 4:17

Wɩɩ-la Wɩa tɩndaaraa sɩ heele bʋl nɛ ŋɩɩ, dɩ nɩalɩŋ sɩ kɛŋ mɩɩsɩŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, a jaŋ wuo jomba pɩ nɩɩ-la kala ʋ sɩ cho dɩ ʋ bibeŋ. Ʋ jaŋ wuo paala jomba pɩ nɩbiisiŋ dɩ ba bibeŋ.’

DANƖƐL 4:22

Ŋ-na kuoro nɛ tɩa-la. Ŋ ŋaa nɩbal nɛ aŋ kɛŋ doluŋ ma. Ŋ ballɩŋ jɩla tɩtɩgɛ wɩa-nyuŋ, ŋ doluŋ cheŋ dʋnɩa sɛmɛ kala.

DANƖƐL 4:25

Ba jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ, dɩ nyalɩŋ nyala hɛ ŋ lɛ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, ʋ jaŋ wuo joŋo pɩ nɩɩ-la kala ʋ sɩ cho.

DANƖƐL 5:18

Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Tɩntɩŋŋaa 17:24

Wɩa-la sɩ ŋaa dʋnɩa arɩ kʋŋkala sɩ hɛ ʋ lɛ, a ŋaa wɩa-nyuŋ arɩ tinteeŋ kala Tɩɩna, ʋ bɩ lere-la nuhuobiine sɩ saa aa kpaarɛ vʋɩyaa ka jʋʋ.

Tɩntɩŋŋaa 17:26

Wɩa ta nɩbala nɛ bumbuŋ-la. Nɩbala-la lɛ nɛ dʋnɩa tinteyee kala to kɔ, a hɔŋ dʋnɩa sɛmɛ kala. Ka dɩ ʋ ŋaaba, ʋ nɛ dagɛ bʋa-la ba sɩ jaŋ kɛŋ mɩɩsɩŋ, arɩ lere-la kala ba sɩ jaŋ hɔŋ.

MOSIS BƖRA WULLI WƖA WOMBIIŊ 2:19

Dɩ ma nɛ mʋ yi Amɔŋ tɩŋŋaa tinteeŋ, má sɩ́ ba fugusu koo a kɛmba yuo laalɩŋ, bɛɛ wɩaa mɩ bɩ jaŋ joŋ ba tinteeŋ mʋapɩlɩɩ ma a pɩma. Lɔt doho nɩaa Amɔŋ tɩŋŋaa nɛ mɩ joŋ tintee-la pa.”

MOSIS BƖRA WULLI WƖA WOMBIIŊ 2:21

Zamzumi tɩmma-la fa yʋga nɛ woruŋ a kɛŋ doluŋ a waa yi a nagɛ Anakɩ tɩŋŋaa. Ama La TƖƖNA fa leŋe Amɔŋ tɩŋŋaa yuo diiba nɛ aŋ laa ba tinteeŋ a hɔŋ.

MOSIS BƖRA WULLI WƖA WOMBIIŊ 2:7

Ma TƖƖNA Wɩa pɛ ma lɛ nɛ woruŋ ma tɩntɩmɩɩ-kala lɛ. Ʋ beŋ ma nyuŋ nɛ bʋa-la kala lɛ ma sɩɩ vɛŋ tintee-hɩlɩŋ deeŋ tʋɔŋ. Jɩsɩŋ mahɩŋ balɩa-la kala ma TƖƖNA Wɩa sɩ kɛmma baarɛ tintee-hɩl-jalɩŋ deeŋ lɛ, ʋ hɛ ma teeŋ nɛ, ma bɩ kʋŋkala chɛ ka.

MOSIS BƖRA WULLI WƖA WOMBIIŊ 2:9

Ŋɩɩ nɛ La TƖƖNA bʋla pɩmɛ, “Má sɩ́ Mʋab tɩmma-la fugusu koo a kɛmba yuo laalɩŋ. Ba ŋaa Lɔt doho nɩaa nɛ. Mɩ bɩ jaŋ joŋ ba tintee-la mʋapɩlɩɩ ma a pɩma, bɛɛ wɩaa mɩ joŋ tabal-la ba sɩɩ yɩrɛ Aa a pɩ Lɔt arɩ ʋ doho nɩaa nɛ, dɩ ʋ ŋaa ba kʋŋ.”

MOSIS BƖRA WULLI WƖA WOMBIIŊ 32:8

Wɩa sɩ kɩɩ kʋŋkala kɛŋ tinteeŋ a kpaa tinteyee kala nɛ, a kɛŋ nuhuobiine kaa pɔrɛ a dagɛ ba tinteeŋ bʋa, a leŋ ʋ tɩndaaraa bibemba.

MOSIS BƖRA WULLI WƖA WOMBIIŊ 4:17

koo dɩ ʋ nagɛ pʋna koo zaarʋ,

MOSIS BƖRA WULLI WƖA WOMBIIŊ 4:25

Dɩ ma nɛ mʋ hɔŋ tintee-la lɛ a dieni, a lʋl biiriŋ dɩ ba ma sii a lʋl biiriŋ, ma pʋpɔ má sɩ́ wʋbɔŋ ŋaa ma TƖƖNA Wɩa sɩɩŋ lɛ, a mɛ tɔmʋŋ dɩ ʋ nagɛ kʋŋkala a pɩ ma tɩtɩa. Dɩ ma nɛ ŋaa ŋɩɩ, ʋ baanɩŋ jaŋ sii ma nyuŋ.

MOSIS BƖRA WULLI WƖA WOMBIIŊ 4:32

Ma pɩɛsa nɩɩ, a lɩɩ bʋa-la lɛ Wɩa sɩ ŋaa nuhuobiine a kaa kɔ bʋa-la lɛ ba sɩ lʋlma, wʋbalɩŋ deeŋ doho ha ŋaa? Koo nʋʋ ha nɩɩ wʋdoho dɔŋɔ dʋnɩa kala lɛɛ?

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 5:16

Má zizil ma nyɩmmaba arɩ ma naamba, arɩ mɩ-na ma TƖƖNA Wɩa sɩ dagɛma ŋɩɩ. Dɩ mɩ leŋ dɩ ma mɩɩsɩŋ duomi, dɩ wɩaa vɛŋ woruŋ a pɩma tintee-la mɩ sɩ jaŋ joŋo pɩma lɛ.

MOSIS BƖRA WULLI WƖA WOMBIIŊ 9:29

Ba ŋaa ŋ nɩaa nɛ, ŋ nɛ tɩɩba, ŋ nɛ kɛmba arɩ ŋ dol-balɩŋ a kaa lɩɩ Ijipiti tinteeŋ lɛ.”

Koloosi Nɩaa 1:16

Ʋ lɛ nɛ Wɩa to a ŋaa kʋŋkala sɩ hɛ wɩa-nyuŋ arɩ tinteeŋ, kɩalɩŋ la sɩɩ na arɩ kɩalɩŋ la sɩ bɩ na kala, a pɛ kɩalɩŋ la sɩ bɩ na ka ba kɛŋ doluŋ a bibeŋ leriŋ. Ʋ lɛ nɛ ʋ to a ŋaa kɩaa kala, ba ŋaa ʋ kɩaa.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”