JƐRƖMAAYA 27:22 - WƖA TENIŊ

²² ‘Ba jaŋ paaba kaa mʋ Babɩlɔŋ, dɩ ba hɛ nɩmɛ a mʋ yi tapʋlɩɩ-la mɩ sɩ jaŋ kʋ paaba. Mɩ-na ma TƖƖNA nɛ bʋla. Mɩ jaŋ paaba, a mɩɩra kɛmba kʋ bil leriŋ deeŋ.’ ”

JƐRƖMAAYA 27:22 ပူးပေါင်းရင်းမြစ်များ

2 KUOROO 25:13

Babɩlɔŋ laalɩyuoro-la ŋmoo kɔlɩɩŋ jebie-la sɩ chɩŋ Wɩa dɩɩ-bal-la sɩpaaŋ giri, a yɛrɛ kɩalɩŋ ba sɩ kɛŋ kɔlɩɩŋ libi ba nagɛ torukoba a kɛŋ naasɩŋ a vɩvɛŋ, a pɛ kɔlɩɩŋ taasɩ-gbaŋ-gugulii-la ba sɩɩ yɩrɛ mʋga lɛ. Ba sɩ yɛrɛ kɩalɩŋ, ba paa kɔlɩɩ-la kala a kaa mʋ Babɩlɔŋ.

2 IZIRAL TƖŊŊAA NAABARƖŊ 36:21

Tintee-la fa pɩŋ pɛɩ nɛ a wiesi jɩsɩ-la kala ba sɩ bɩ leŋe ʋ wiesi. Ʋ pɩŋ ŋɩɩ nɛ a mʋ yi jɩsɩŋ mahɩŋ batori arɩ fii, a leŋ wɩɩ-la La TƖƖNA wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ.

ƐZƖRA 1:11

Kɩalɩŋ kala fa ŋaa sɛlɩmɛ arɩ hɔpʋla kɩaa bʋɩ banɔŋ arɩ zɔɔ-banɛsɛ nɛ. Bʋa-la lɛ Sɛsɩbaza arɩ nɩalɩŋ sɩ lɩɩ yoŋ-baga Babɩlɔŋ lɛ a mʋmʋ Jerusalɛm nɛ, ʋ pɛ kɛŋ kɩaa deemba mʋ.

ƐZƖRA 7:19

Ʋ maga dɩ ŋ joŋ tɩntɩnnɩ kɩalɩŋ kala la sɩ joŋo pɩŋ a pɩ Wɩa Jerusalɛm lɛ, dɩ ba kaa tɩtɩŋ Wɩa dɩɩ-bal-la tɩntɩŋŋaa.

ƐZƖRA 7:9

Ʋ fa lɩɩ Babɩlɔŋ lɛ a suomi ʋ wombiiŋ deeŋ vɛnɩŋ, chɛŋ-bumbuŋ tapʋl-bumbuŋ lɛ nɛ, a kʋ yi Jerusalɛm chɛŋ-nɔŋ tapʋl-bumbuŋ, bɛɛ wɩaa ʋ Wɩa naduo-la fa daŋ ʋ lɛ nɛ.

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

JƐRƖMAAYA 20:5

Mɩ jaŋ joŋ ba tabalɩŋ deeŋ dʋa kala a pɩ ba dʋndɔŋŋɔɔ, ba kʋŋaalaa, ba kʋyuŋŋoo arɩ Juda kuoroo dʋa kala. Ba jaŋ yuo laa ba kala a kaa mʋ Babɩlɔŋ.

JƐRƖMAAYA 27:21

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ kɩalɩŋ sɩ ka ʋ-na La TƖƖNA dɩa lɛ, arɩ Juda tinteeŋ kuoru dɩa sɩ hɛ Jerusalɛm lɛ nɛ ŋ-la:

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 29:10

Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.

JƐRƖMAAYA 32:5

Ʋ jaŋ kɛŋ Zedikaaya mʋ Babɩlɔŋ tinteeŋ, dɩ ʋ hɛ nɩmɛ a mʋ yi bʋa-la lɛ mɩ sɩ dɔgʋsʋ woruŋ. Dɩ ma nɛ yuo Babɩlɔŋ tɩŋŋaa, ma bɩ jaŋ wuo yuo diiba.’ ” Mɩ-na ma TƖƖNA nɛ bʋla.

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

JƐRƖMAAYA 34:3

Ŋ bɩ jaŋ fori ʋ nɩsɩŋ lɛ, ba jaŋ yuo kɛnɩŋ a kaa mʋ hɛ ʋ nɩsɩŋ lɛ. Ŋ jaŋ na Babɩlɔŋ kuoro arɩ ŋ sɩɩŋ, ŋ dɩ ʋ jaŋ joŋ sɩaa chaasɛ dɔŋɔ a bʋl wɩaa. Ŋɩɩ harɩŋ nɛ ba jaŋ kɛnɩŋ mʋ Babɩlɔŋ.

JƐRƖMAAYA 34:5

Ŋ jaŋ sʋʋ fɛlɛlɛ. Ba sɩ hɛ yoho nyiniŋ a zil ŋ nyɩmmaba ŋɩɩ, nɩalɩŋ sɩ laa sɩpaaŋ a dii kuoruŋ aŋ ka pɩŋ, ŋɩɩ tɩtɩa nɛ ba jaŋ hɛ ŋ ma yoho nyiniŋ a ziliŋ a yel ŋ lɛ a bʋl, ‘Ou la nɩhɩaŋ.’ Mɩ-na ma TƖƖNA tɩtɩa nɛ hɛ niiŋ deeŋ, mɩ nɛ bʋla.”

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 9:2

Ʋ sɩ dii kuoruŋ ʋ jɩ-bumbuŋ lɛ nɛ, mɩ-na Danɩɛl karɩmɛ Wɩa teniŋ a jɩŋ wɩɩ-la La TƖƖNA sɩ to ʋ wʋlaabʋlla Jɛrɩmaaya lɛ a bʋl, arɩ Jerusalɛm jaŋ pɩŋ jikpeeŋ jɩsɩŋ mahɩŋ batori arɩ fii.