JƐRƖMAAYA 27:20 - WƖA TENIŊ

²⁰ kɩalɩŋ Babɩlɔŋ kuoro Nebukadineza sɩ bɩ paa viiri, bʋa-la lɛ ʋ sɩ kʋ yuo kɛŋ Juda tinteeŋ kuoro Jehoyachiŋ, sɩ ŋaa Jehoyakim nanʋala Jerusalɛm lɛ a kɛnʋ mʋ yoŋ-baga Babɩlɔŋ lɛ, a pɛ Juda arɩ Jerusalɛm nɩbalaa lɛ.

JƐRƖMAAYA 27:20 ပူးပေါင်းရင်းမြစ်များ

2 KUOROO 24:12

Ŋɩɩ nɛ Juda tinteeŋ kuoro Jehoyachiŋ, ʋ naaŋ, ʋ tɩntɩnnaa, ʋ laalɩyuori-hɩasɩŋ arɩ ʋ tɩntɩnnɩ-hɩasɩŋ, sɛɩ pɩ Babɩlɔŋ kuoro. Nebukadineza sɩ dii kuoruŋ ʋ jɩsɩŋ chori lɛ nɛ ʋ kɛŋ Jehoyachiŋ ʋ ŋaa dansarɩka.

2 IZIRAL TƖŊŊAA NAABARƖŊ 36:10

Duoŋ puso bʋa lɛ, kuoro Nebukadineza tɩŋ ba kʋ kɛŋ Jehoyachiŋ a kaa mʋ Babɩlɔŋ, a paa La TƖƖNA dɩɩ-bal-la tʋɔŋ kɩaa dɔnsʋŋ sɩ kɛŋ yuŋuŋ pɛ, aŋ leŋ Jehoyachiŋ nɩɛra Zedikaaya mɩɩra dii Juda tinteeŋ kuoruŋ.

2 IZIRAL TƖŊŊAA NAABARƖŊ 36:18

Ʋ paa Wɩa dɩɩ-bal-la tʋɔŋ tɩntɩnnɩ kɩaa kala, kʋbalaa arɩ kʋbiisiŋ, a paa dʋa-la kala sɩ hɛ La TƖƖNA dɩɩ-bal-la tʋɔŋ, a paa kuoro arɩ ʋ tɩntɩnnɩ-hɩasɩŋ ma dʋa kala a kaa mʋ Babɩlɔŋ tinteeŋ.

AZAAYA 34:12

Kuoru kala bɩra bɩ jaŋ hɛ nɩmɛ a kɛŋ lee-la a yɩyɩrɛ ʋ lee. Ʋ kuoru biiri-la ma kala jaŋ nyɩɩgɛ.

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 24:1

Babɩlɔŋ kuoro Nebukadineza sɩ kɛŋ Juda kuoro Jehoyachiŋ sɩ ŋaa Jehoyakim nanʋala arɩ Juda tinteeŋ tɩntɩnnɩ-hɩasɩŋ, nɩalɩŋ sɩ jɩŋ nɩsɩŋ tɩntɩŋŋaa arɩ libire lɩɩ Jerusalɛm lɛ a kaa mʋ yoŋ-baga Babɩlɔŋ tinteeŋ lɛ, ʋ ŋɩɩ harɩŋ lɛ nɛ La TƖƖNA dagɛmɛ tutogi-nambɩlaa sinsiŋ balɩa sɩ chɩŋ La TƖƖNA dɩɩ-bal-la sɩpaaŋ.

JƐRƖMAAYA 27:21

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ kɩalɩŋ sɩ ka ʋ-na La TƖƖNA dɩa lɛ, arɩ Juda tinteeŋ kuoru dɩa sɩ hɛ Jerusalɛm lɛ nɛ ŋ-la:

JƐRƖMAAYA 29:2

Ba sɩ hɛ yoŋ-baga lɛ ŋɩɩ, Jɛrɩmaaya ŋmʋnsɛ teniŋ deeŋ a pɩ kuoro Jehoyachiŋ arɩ ʋ naaŋ, kuoro dɩa tɩntɩnnɩ-hɩasɩŋ a pɛ Juda arɩ Jerusalɛm sɩpaalaaraa lɛ, nɩalɩŋ sɩ jɩŋ nɩsɩŋ tɩntɩŋŋaa arɩ libiree.

JƐRƖMAAYA 35:1

Bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ nɛ, La TƖƖNA bʋla pɩ Jɛrɩmaaya:

DANƖƐL 1:2

La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.

Matiu 1:11

Josaaya ma sii lʋl Jekonaaya arɩ ʋ naambiiriŋ. Bʋa-la lɛ nɛ ba kɛŋ Iziral tɩŋŋaa mʋ Babɩlɔŋ.

Matiu 1:12

Ba fa sɩ kɛŋ Iziral tɩŋŋaa kaa mʋ Babɩlɔŋ ŋɩɩ, ʋ ŋɩɩ harɩŋ lɛ nɛ Jekonaya lʋl Sɩalɩtɩɛl, Sɩalɩtɩɛl ma sii lʋl Zerubabɛl.

Matiu 1:17

A suomi Abɩraham sɩ hɛ ʋ mɩɩsɩŋ lɛ a kaa kʋkɔ Devit sɩ hɛ ʋ mɩɩsɩŋ lɛ, ʋ dɩ ʋ nihi-lɩɛrɛba kala fa ŋaa fii arɩ banɛsɛ nɛ. Devit sɩ hɛ ʋ mɩɩsɩŋ lɛ a kaa kʋkɔ bʋa-la lɛ ba fa sɩ kɛsɛ Iziral tɩŋŋaa kaa mʋ Babɩlɔŋ, Devit nihi-lɩɛrɛba kala ma fa ŋaa fii arɩ banɛsɛ nɛ, a bɩra chɩŋ bʋa-la lɛ ba sɩ kɛsɛ Iziral tɩŋŋaa kaa mʋ Babɩlɔŋ a kaa kʋkɔ bʋa-la lɛ ba sɩ lʋl Kirisito, nɩalɩŋ ba sɩ kɛsɛ kaa mʋ Babɩlɔŋ nihi-lɩɛrɛba ma fa ŋaa fii arɩ banɛsɛ nɛ.