JƐRƖMAAYA 27:18 - WƖA TENIŊ

¹⁸ Dɩ ba nɛ sɩ ba ŋaa La TƖƖNA wʋlaabʋllaa nɛ a jɩŋ La TƖƖNA niiŋ wɩalɩŋ, leŋ dɩ ba sʋl La TƖƖNA doluŋ kala Tɩɩna yei, dɩ ʋ sɩ́ leŋe dɩ ba paa ʋ dɩɩ-bal-la kʋkaana-la arɩ Juda tinteeŋ kuoru dɩa kɩaa a pɛ Jerusalɛm kɩaa lɛ a kaa mʋ Babɩlɔŋ.’

JƐRƖMAAYA 27:18 ပူးပေါင်းရင်းမြစ်များ

WƖAA DƖ-SUOMUŊ 20:17

Ŋɩɩ nɛ Abɩraham sʋl Wɩa pɩ Abɩmɛlɛk arɩ ʋ haala arɩ ba yoŋ toloo kala ba lʋla suri ba lʋlʋl biiriŋ.

1 KUOROO 18:24

Baal veŋ-kpaaraa jaŋ sʋla yɩrɛ ba vene, dɩ mɩ ma yɩrɛ La TƖƖNA. Ba tʋɔŋ kʋ-la sɩ jaŋ leŋ dɩ nyiniŋ kɔ, ʋ nɛ ŋaa Wɩa.” Ŋɩɩ nɛ nɩalɩŋ kala bʋl, “Wɩɩ-la ŋ sɩ bʋla ŋaa wʋzɔŋ nɛ.”

1 KUOROO 18:26

Ŋɩɩ nɛ ba kpʋ nɛ-bele-la ba sɩ lɩɩsa a bɩrɩmɛ, aŋ sʋla yɩrɛ ba vene Baal, a chɩŋ chʋchʋɔŋ a kaa mʋ wɩɩhɛyɛ. Ba faasa ŋaa goŋ a bʋl “Baal, nɩɩ la yɩra.” Ŋɩɩ nɛ ba gʋa gugolli koru-la ba sɩ saa. Ama ba bɩ wɩɩkala nɩa.

2 IZIRAL TƖŊŊAA NAABARƖŊ 32:20

Ŋɩɩ nɛ kuoro Hezikaaya arɩ Amos nanʋala Azaaya sɩ ŋaa Wɩa wʋlaabʋllʋ bunso pɩ Wɩa sɩ hɛ ʋ jaŋ lɛ dɩ ʋ pɛ ba lɛ.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 18:20

Ʋ maga dɩ ba joŋ wʋbɔmʋŋ a tiŋ wʋzɔmʋŋ chɩmɩŋ nɛɛ? Ama ba lu bʋa nɛ a bil mɩ lɛ. La Tɩɩna, liise yi arɩ mɩ chɩŋ ŋ sɩpaaŋ nɛ a laa ba wɩaa bʋl, dɩ ŋ leŋ baaŋ-la ŋ fa sɩ na ba nyuŋ.

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

ƐZƖKƖƐL 14:14

Dɩ nɩaa deemba batori, Nowa, Danɩɛl arɩ Job nɛ fa paala hɛ tintee-la lɛ ma, ba tʋɔpʋla jaŋ wuo laa ba tɩtɩa mɩɩsɩŋ nɛ, ama nʋʋkala dee. La TƖƖNA Wɩɩjarɩbakɔ nɛ bʋla.

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

MALAKAƖ 1:9

La TƖƖNA doluŋ kala Tɩɩna bɩra sɩ, “Ma Wɩɩsʋllɩ sɩpaalaaraa, má sʋl mɩ-na Wɩa dɩ mɩ fá ma nenige a laa ma Wɩɩsʋlʋŋ kɩaa. Dɩ mɩ nɛ vɩa, ma nɛ jaŋ tɩɩ.

1 SAMƲƐL 12:19

Ba kala bʋla pɩ Samʋɛl, “Laa sʋlʋŋ, sʋl ŋ TƖƖNA Wɩa a pɩ la-na ŋ tɩntɩnnaa dɩ la sɩ́ sʋʋ, bɛɛ wɩaa la na dɩ la ŋaa wʋbɔŋ nɛ a pɛ la wʋbɔŋŋɔɔ lɛ, la sɩ bʋla arɩ laa chɛ kuoro nɛ.”

1 SAMƲƐL 12:23

Mɩ-na bɩ jaŋ kɔ dɩ mɩ vɩa dɩ mɩ sʋl Wɩa pɩma. Dɩ mɩ nɛ ŋaa ŋɩɩ, mɩ jaŋ ŋaa wʋbɔŋ La TƖƖNA lɛ. Mɩ jaŋ dagɛma wɩalɩŋ sɩ zɔmɔ a magɛ dɩ ma ŋɩŋaa.

1 SAMƲƐL 7:8

Ba bʋla pɩ Samʋɛl, “Ŋ sɩ bunso pɩpɩ La TƖƖNA Wɩa dɩ ʋ pɛ la lɛ ŋɩɩ, sɩ́ leŋ. Sʋlʋ dɩ ʋ laala ta Fɩlɩsɩtɩa tɩŋŋaa nɩsɩŋ lɛ.”