JƐRƖMAAYA 27:15 - WƖA TENIŊ

¹⁵ La TƖƖNA sɩ, ‘Mɩ dee bɩ ba tɩma. Baa nyɩɛ wɩaa nɛ mɩ yɩrɩŋ lɛ. Ŋɩɩ wɩaa mɩ jaŋ kirima ta dɩ ma sʋʋ, ma dɩ nɩalɩŋ sɩ sɩ ba ŋaa mɩ wʋlaabʋllaa kala a bʋl wɩaa pɩpɩma.’ ”

JƐRƖMAAYA 27:15 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 20:6

Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 23:15

Ŋɩɩ wɩaa, wɩɩ-la La TƖƖNA doluŋ kala Tɩɩna bɩra sɩ bʋla tɩgɛ ʋ wʋlaabʋlla-la lɛ nɛ ŋ-la: “Mɩ jaŋ leŋ dɩ ba dii kʋdii haarɩŋ, aŋ nyʋa lɩɩŋ ba sɩ hɛ bɩɛlɩŋ, bɛɛ wɩaa, mɩ wʋlaabʋlla-la nɛ leŋe wʋbɔŋŋɔɔ ŋaanɩŋ pʋrɩgɛ tintee-la kala lɛ.

JƐRƖMAAYA 23:21

Mɩ dee bɩ wʋlaabʋllaa deemba tɩma, ama ba tɩtɩa tɩndaarɩŋ nɛ ba kaa mʋ. Mɩ bɩ wɩɩ bʋla pɩba, ka ba mʋ bʋl wɩaa mɩ yɩrɩŋ lɛ.

JƐRƖMAAYA 23:25

Mɩ nɩa dɩ nɩalɩŋ sɩ nyɩɛ bʋbʋl wɩaa mɩ yɩrɩŋ lɛ sɩ, ‘Mɩ duoso nɛ! Mɩ duoso nɛ.’

JƐRƖMAAYA 27:10

Nɩaa deemba nyɩɛ wɩaa nɛ pɩma sɩ jaŋ leŋ ba lɩɩsɛma ma tinteeŋ lɛ dɩ ma mʋ hɛ dɩ-bolii. Mɩ jaŋ kirima ta dɩ ma sʋʋ.

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 29:9

Baa nyɩɛ wɩaa nɛ mɩ yɩrɩŋ lɛ a pɩpɩma. Mɩ bɩ ba tɩma. Mɩ-na ma TƖƖNA nɛ bʋla.”

JƐRƖMAAYA 38:22

Ba jaŋ kɛsɛ haala-la kala sɩ hɛ Juda kuoro dɩa lɛ a kaa kʋ lɩɩ pa Babɩlɔŋ kuoro tɩntɩnnɩ-hɩasɩŋ. Haala-la jaŋ bʋla pɩŋ: ‘Ba nyɩsɩŋ nɛ a yuo diiŋ, ŋ nandɔsʋ-la lɛ ŋ sɩ joŋ ŋ yɩɛlaa hɛ. Ŋ naasɩŋ mʋʋra tuu vʋchɔɔŋ nɛ. Ŋ nandɔsʋ-la vɩaŋ ta nɛ.’

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.