JƐRƖMAAYA 27:14 - WƖA TENIŊ

¹⁴ Sɩ́ nɩalɩŋ sɩ sɩ ba ŋaa mɩ wʋlaabʋllaa teeŋ jegilu. Ba sɩ, ‘Ŋ bɩ jaŋ tɩma pɩpɩ Babɩlɔŋ kuoro,’ ba nyɩɛ wɩaa nɛ pɩpɩŋ ŋɩɩ.

JƐRƖMAAYA 27:14 ပူးပေါင်းရင်းမြစ်များ

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 23:21

Mɩ dee bɩ wʋlaabʋllaa deemba tɩma, ama ba tɩtɩa tɩndaarɩŋ nɛ ba kaa mʋ. Mɩ bɩ wɩɩ bʋla pɩba, ka ba mʋ bʋl wɩaa mɩ yɩrɩŋ lɛ.

JƐRƖMAAYA 23:25

Mɩ nɩa dɩ nɩalɩŋ sɩ nyɩɛ bʋbʋl wɩaa mɩ yɩrɩŋ lɛ sɩ, ‘Mɩ duoso nɛ! Mɩ duoso nɛ.’

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 37:19

Nɩɩ nɛ ŋ Wɩa wʋlaabʋlla-la sɩ bʋl wɩaa pɩŋ hɛ, nɩalɩŋ sɩ sɩ, ‘Babɩlɔŋ kuoro bɩ jaŋ kʋ yuoŋ koo a yuo tinteeŋ deeŋ?’

JƐRƖMAAYA 38:22

Ba jaŋ kɛsɛ haala-la kala sɩ hɛ Juda kuoro dɩa lɛ a kaa kʋ lɩɩ pa Babɩlɔŋ kuoro tɩntɩnnɩ-hɩasɩŋ. Haala-la jaŋ bʋla pɩŋ: ‘Ba nyɩsɩŋ nɛ a yuo diiŋ, ŋ nandɔsʋ-la lɛ ŋ sɩ joŋ ŋ yɩɛlaa hɛ. Ŋ naasɩŋ mʋʋra tuu vʋchɔɔŋ nɛ. Ŋ nandɔsʋ-la vɩaŋ ta nɛ.’

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

ZƐKARƖYA 10:2

Tɔŋŋɔɔ ka nyɩsɛ nɩaa nɛ, vʋgʋraa ma nɩna wʋnyɩɛrɩ wɩaa a nagɛ duosoo tʋɔŋ. Ba yie bʋl duosoo wɩaa sɩ ŋaa wʋnyɩɛrɩŋ nɛ. Ba yie nyagɛ nɩaa bɔyɛ pɛɩ nɛ. Ŋɩɩ leŋ nɩalɩŋ bɩbaarɛ a nagɛ piesee, ba nyagɛba bil a tɩŋ ba sɩ bɩ sɩpaalaara kɛnɛ wɩaa.

Matiu 7:15

Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ.

Fɩlɩpa Nɩaa 3:2

Má pɔ ma tɩtɩa lɛ arɩ nɩalɩŋ sɩɩ ŋaa wɩaa a nagɛ vasɩŋ sɩɩ ŋaa ŋɩɩ, nɩalɩŋ sɩɩ ŋaa wʋbɔŋŋɔɔ, nɩalɩŋ sɩ pɛsɛ ma lɛ dɩ ma keri ma penee.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.