JƐRƖMAAYA 26:5 - WƖA TENIŊ

⁵ dɩ ma nɛ bɩ mɩ wʋlaabʋllaa sɩ ŋaa mɩ tɩntɩnnaa wɩaa jegile nɩɩ, nɩalɩŋ mɩ sɩ tɩma ba kɔ ma teeŋ bʋlɩa bʋlɩa (ma sɩ́ bɩ jegile nɩɩ ba teeŋ ŋɩɩ),

JƐRƖMAAYA 26:5 ပူးပေါင်းရင်းမြစ်များ

2 KUOROO 17:13

La TƖƖNA fa to ʋ wʋlaabʋllaa arɩ ʋ sɩɩnaaraa lɛ nɛ a bʋl ŋ-la a chagɩlɛ Iziral tɩŋŋaa arɩ Juda nɩaa kala, “Má bɩrɩma lɩɩ wʋbɔŋŋɔɔ ŋaanɩŋ lɛ. Má to mɩ wombiee arɩ wɩalɩŋ mɩ sɩ dagɛ ma naabalɩmaba dɩ ba to, arɩ mɩ niiŋ wɩalɩŋ kala mɩ sɩ to mɩ tɩntɩnna-la sɩ ŋaa mɩ wʋlaabʋllaa lɛ a bʋla pɩma.”

2 KUOROO 17:23

a kaa kɔ bʋa-la lɛ La TƖƖNA sɩ kiriba ta ʋ sɩpaaŋ arɩ ŋɩɩ ʋ fa sɩ to ʋ tɩntɩnnaa sɩ ŋaa ʋ wʋlaabʋllaa lɛ a kpʋrɩsɛ ba dɩgɩlaa. Ŋɩɩ nɛ Asiiria tɩŋŋaa yuo kɛsɛba a kaa mʋ ba tinteeŋ, ba hɔŋ nɩmɛ a kaa kɔ arɩ jɩnɩŋ kala.

2 KUOROO 24:2

Bʋa-la lɛ nɛ La TƖƖNA leŋ Babɩlɔŋ nɩaa, Siiria tɩŋŋaa, Mʋab tɩŋŋaa arɩ Amɔŋ tɩŋŋaa kʋ yuo a chei Juda tinteeŋ, arɩ La TƖƖNA fa sɩ to ʋ wʋlaabʋllaa lɛ a bʋl ŋɩɩ.

2 KUOROO 9:7

Mɩɩ chɛ dɩ ŋ kpʋ ŋ nɩhɩaŋ Ahab doho nɩaa kala nɛ, dɩ mɩ to ŋɩɩ lɛ a joŋ mɩ baanɩŋ a fɩɩsɛ Jɛzɛbɛl lɛ, a tɩŋ ʋ sɩ kpʋ mɩ wʋlaabʋllaa arɩ mɩ tɩntɩnnaa wɩaa.

ƐZƖRA 9:11

wɩalɩŋ ŋ sɩ to ŋ tɩntɩnnaa sɩ ŋaa ŋ wʋlaabʋllaa lɛ a dagɛla. Ba bʋla pɩla, ‘Tintee-la ma sɩɩ mʋ, ʋ nɩaa ŋaa disiniŋ a chei ʋ kala nɛ. Nɩalɩŋ sɩ hɛ nɩmɛ ŋaa wʋkɩsaa a leŋ ʋ kala kɛŋ disiniŋ nɛ.’

JƐRƖMAAYA 11:7

A chɩŋ bʋa-la lɛ mɩ fa sɩ kɛŋ ma naabalɩmaba a lɩɩ Ijipiti tinteeŋ lɛ a kaa kʋ yi jɩnɩŋ, mɩ kpʋrɩsɛ ba dɩgɩlaa bʋlɩa bʋlɩa nɛ a bʋl: Má to mɩ niiŋ.

JƐRƖMAAYA 29:19

Mɩ jaŋ dɔgɩsɛba ŋɩɩ a tɩŋ ba sɩ bɩ jegile nɩɩ mɩ niiŋ wɩaa, wɩalɩŋ mɩ sɩ to mɩ wʋlaabʋllaa lɛ a bʋla pɩba bʋlɩa bʋlɩa. Ma nɩalɩŋ ma sɩ hɛ yoŋ-baga lɛ, ma ma bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 7:25

A chɩŋ bʋa-la lɛ ma naabalɩmaba fa sɩ lɩɩ Ijipiti tinteeŋ lɛ a kaa kɔ jɩnɩŋ, mɩ yie tɩŋ mɩ tɩntɩnnaa sɩ ŋaa mɩ wʋlaabʋllaa ba kʋkɔ ma teeŋ nɛ bʋlɩa bʋlɩa.

ƐZƖKƖƐL 38:17

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: “Ma wɩaa nɛ mɩ fa to mɩ wʋlaabʋllaa sɩ ŋaa mɩ tɩntɩnnaa a lɩɩ Iziral tinteeŋ a bʋbʋl ŋɩɩ faafaa kala, arɩ maachie mɩ jaŋ leŋ dɩ ma kʋ yuo Iziral tɩŋŋaa.

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”

Jɔɔŋ Wʋnaalaa 10:7

Ama tapʋlɩɩ-la Wɩa tɩndaarɩ-pɛɩ-la sɩ jaŋ kʋ ŋmʋʋ ʋ nyile, Wɩa wʋfaalɩa-la ʋ fa sɩ dagɛ ʋ wʋlaabʋllaa sɩ ŋaa ʋ tɩntɩnnaa, ba kala jaŋ ŋaa.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”