JƐRƖMAAYA 26:2 - WƖA TENIŊ

² Wɩɩ-la La TƖƖNA sɩ bʋla nɛ ŋ-la: “Mʋ chɩŋ mɩ dɩɩ-bal-la kaala lɛ a bʋl wɩaa pɩ nɩalɩŋ kala sɩ hɛ Juda tasɩŋ lɛ a yie kɔ mɩ dɩɩ-bal-la a dɩdɛnnɛmɛ. Bʋl wɩalɩŋ kala mɩ sɩ bʋla pɩŋ a pɩba, sɩ́ wɩɩkala gɛllɛ ta.

JƐRƖMAAYA 26:2 ပူးပေါင်းရင်းမြစ်များ

JƐRƖMAAYA 1:17

Kɛŋ ŋ tɩtɩa hɛ dɔŋɔ a mʋ bʋl wɩɩ-la kala mɩ sɩ jaŋ bʋla pɩŋ a pɩba. Sɩ́ ba fá, ŋɩɩ dee mɩ jaŋ leŋ dɩ fawʋllʋŋ kɛnɩŋ ba sɩpaaŋ.

JƐRƖMAAYA 1:7

Ama La TƖƖNA bʋla pɩmɛ, “Sɩ́ bʋl, arɩ ŋ ŋaa hambie nɛ. Dɩ mɩ nɛ tɩmɩŋ nʋʋkala teeŋ, ʋ maga dɩ ŋ mʋ nɛ a bʋl wɩɩ-la mɩ sɩ sɩ ŋ bʋl.

JƐRƖMAAYA 19:14

Ŋɩɩ nɛ Jɛrɩmaaya mɩɩra lɩɩ Tɔfɛf kɔ lee-la La TƖƖNA sɩ kɛnʋ mʋ dɩ ʋ bʋl wɩaa ʋ doluŋ lɛ, a kʋ chɩŋ La TƖƖNA dɩɩ-balɩŋ kaala tʋɔŋ a bʋla pɩ nɩalɩŋ kala,

JƐRƖMAAYA 23:28

Leŋ dɩ wʋnyɩɛrɩ wʋlaabʋlla-la sɩ kɛŋ duosoo wɩaa ba bʋbʋl, ama nɩalɩŋ ma sɩ kɛŋ mɩ wɩaa, ba bʋlba arɩ wʋtɩtɩɩ. Sekeliŋ arɩ mɩɩ-biiŋ bɩ dɔŋɔ maga, La TƖƖNA nɛ bʋla.

JƐRƖMAAYA 25:2

Ŋɩɩ nɛ Wɩa wʋlaabʋlla Jɛrɩmaaya bʋl wɩalɩŋ pɩ Juda nɩaa kala arɩ ba nɩalɩŋ kala sɩ hɛ Jerusalɛm lɛ. Ʋ sɩ:

JƐRƖMAAYA 28:5

Ŋɩɩ nɛ Wɩa wʋlaabʋlla Jɛrɩmaaya ma bʋla pɩ wʋnyɩɛrʋ Wɩa wʋlaabʋlla Hananaaya, Wɩa dɩɩ-bal-la tʋɔŋ, Wɩɩsʋllɩ sɩpaalaaraa arɩ nɩalɩŋ kala sɩ chɩŋ nɩmɛ sɩpaaŋ.

JƐRƖMAAYA 36:10

Baruk fa chɩŋ Safaŋ nanʋala Gɛmarɩa sɩ ŋaa teŋ ŋmʋnsʋra dɩa lɛ nɛ, dɩa-la fa hɛ nyuŋ kaala-la lɛ nɛ, a kpagɛ Wɩa dɩɩ-bal-la boi-baal falɩɩ-la, aŋ karɩmɛ wɩalɩŋ kala Jɛrɩmaaya sɩ bʋla sɩ hɛ teŋ-la tʋɔŋ La TƖƖNA dɩɩ-bal-la lɛ a pɩ nɩalɩŋ kala.

JƐRƖMAAYA 42:4

Ŋɩɩ nɛ Wɩa wʋlaabʋlla Jɛrɩmaaya bʋl, “Mɩ nɩa nɛ. Mɩ jaŋ sʋl ma TƖƖNA Wɩa arɩ ma sɩ bʋl ŋɩɩ. Mɩ jaŋ bʋl wɩɩ-la kala La TƖƖNA sɩ bʋla a pɩma, mɩ bɩ jaŋ joŋ wɩɩkala faama.”

JƐRƖMAAYA 7:2

“Chɩŋ mɩ-na ma TƖƖNA dɩɩ-balɩŋ boi-baalɩŋ niiŋ aŋ heele bʋl wɩɩŋ deeŋ. Ma-na Juda tɩmma-la kala sɩ to boi-baalaa deemba a kʋ chʋchʋɔlɛ La TƖƖNA, má jegile nɩɩ wɩɩ-la La Tɩɩna sɩ bʋla.

JƐRƖMAAYA 7:27

Jɛrɩmaaya, dɩ ŋ nɛ bʋl wɩaa deemba kala pɩba, ba bɩ jaŋ jegile nɩɩ ŋ teeŋ. Dɩ ŋ nɛ yɩrɛba ma, ba bɩ jaŋ sɛɩ.

ƐZƖKƖƐL 3:10

Ŋɩɩ nɛ ʋ bʋla pɩmɛ, “Nuhuobiiŋ, jegili woruŋ, aŋ joŋ wɩalɩŋ kala mɩ sɩ bʋlaa pɩŋ a hɛ ŋ nyuŋ lɛ.

ƐZƖKƖƐL 33:7

Nuhuobiiŋ, mɩ leŋe ŋ nɛ ŋaa nɩɩ-la sɩ pɔ leriŋ a bibeŋ Iziral tɩŋŋaa, ŋɩɩ wɩaa jegile nɩɩ wɩɩ-la mɩ sɩɩ bʋl aŋ bʋl wɩaa chagɩlɛba a pɩmɛ.

ƐZƖKƖƐL 40:4

Ŋɩɩ nɛ baal-la bʋla pɩmɛ, “Nuhuobiiŋ, suri ŋ sɩaa, a wuoli ŋ dɩgɩlaa ma a jegile nɩɩ wɩalɩŋ kala mɩ sɩ jaŋ dagɩŋ, ŋɩɩ wɩaa nɛ mɩ kɛnɩŋ kɔ daha. Bʋl wɩalɩŋ kala ŋ sɩ na daha a pɩ Iziral tɩŋŋaa.”

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Luuk 19:47

Tapʋlɩɩ-na kala Yesu yie dɩdagɛ nɩaa Wɩa dɩɩ-bal-la tʋɔŋ. Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ Juu tɩŋŋaa sɩpaalaaraa chɩchɛ dɩ ba kpʋʋ.

Jɔɔŋ 18:20

Yesu bʋl, “Wɩalɩŋ kala mɩ sɩ bʋla, mɩ yie chɩŋ nɩ-daŋ tʋɔŋ nɛ a bʋl. Mɩ yie chaasa chɩŋ Wɩɩchʋɔlɛ dɩɩsɩŋ tʋɔŋ nɛ arɩ Wɩa dɩɩ-balɩŋ tʋɔŋ, lee-la Juu tɩŋŋaa kala sɩ yie kʋ hilimi a bʋl. Mɩ ha bɩ wɩɩkala lʋara bʋl.

Jɔɔŋ 8:2

Taŋ sɩ pʋla chʋchʋɔ-fɩɛla, ʋ bɩra mɩɩra mʋ a jʋʋ Wɩa dɩɩ-bal-la. Nɩaa kʋ gbaarʋ, ʋ hɔŋ a suomo dɩdagɛba.

Tɩntɩŋŋaa 20:20

Ma jɩma mɩ dagɛma wɩɩ-na kala sɩ jaŋ pɛ ma lɛ nɛ, mɩ bɩ kaa faama. Mɩ dagɛma Wɩa wɩaa, nɩaa tʋɔŋ arɩ ma dɩɩsɩŋ ma lɛ.

Tɩntɩŋŋaa 20:27

bɛɛ wɩaa mɩ bʋl wɩalɩŋ kala Wɩa sɩɩ chɛ nɛ a pɩma.

Tɩntɩŋŋaa 5:25

Ŋɩɩ nɛ baal kʋbala kʋ jʋʋ a bʋla pɩba, “Má bee na, nɩalɩŋ ma sɩ kaa tɔ dɩa, ba nɛ chɩŋ Wɩa dɩɩ-balɩŋ tʋɔŋ a dɩdagɛ nɩaa.”

Tɩntɩŋŋaa 5:42

Tapʋlɩɩ-na kala ba yie jʋʋ Wɩa dɩɩ-bal-la a pɛɛ mʋ nɩaa dɩɩsɩŋ, a ha bʋbʋl Wɩa wʋzɔmɔ-la a mʋ tɩgɛ Yesu Kirisito lɛ.

MOSIS BƖRA WULLI WƖA WOMBIIŊ 12:32

Má hɛ doluŋ aŋ to wɩalɩŋ kala mɩ sɩ dagɛma, ma pʋpɔ má sɩ́ wɩɩ lɩɩsa ta a sɩ́ wɩɩ ma kaa pɛ.

MOSIS BƖRA WULLI WƖA WOMBIIŊ 12:5

Ama ʋ maga dɩ ma-na mʋ lee-la ma TƖƖNA Wɩa sɩ jaŋ lɩɩsɛ ma doho doho kala tʋɔŋ, dɩ ma zizilu nɩmɛ.

MOSIS BƖRA WULLI WƖA WOMBIIŊ 4:2

Má pɔ ma sɩ́ wɩɩ kaa pɛ wɩalɩŋ mɩ sɩ dagɛma lɛ, koo a keri wɩalɩŋ kʋŋ ta. Má tuto ma TƖƖNA Wɩa niiri-la kala mɩ sɩ dagɛma.

JOSUA 8:35

Wɩalɩŋ kala Mosis fa sɩ daga, Josua bɩ ba kʋŋkala kere ta. Ba kala nɛ ʋ karɩmɛ a pɩ Iziral tɩŋŋaa, ba haalaa arɩ ba biiriŋ arɩ nɩwogusu-la kala fa sɩ hɛ ba tʋɔŋ.

Jɔɔŋ Wʋnaalaa 22:19

Dɩ nʋʋkala ma nɛ lɩɩsɛ wɩaa deemba kʋŋ ta, Wɩa ma jaŋ lɩɩsɛ ʋ tɩɩna ta. Ʋ bɩ jaŋ pʋ wombiiŋ dɩ ʋ na wɩalɩŋ ba sɩ ŋmʋnsa hɛ teniŋ deeŋ tʋɔŋ. Ʋ tɩɩna bɩ jaŋ wuo dii tɩa-la sɩɩ pɩ nɩaa mɩɩsɩŋ nɛnɛɛ. Ʋ bɩra bɩ jaŋ jʋʋ Wɩa tabal-la ma.