JƐRƖMAAYA 26:18 - WƖA TENIŊ

¹⁸ “Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

JƐRƖMAAYA 26:18 ပူးပေါင်းရင်းမြစ်များ

2 KUOROO 19:25

Sanakɛrɩb, ŋ bɩ wɩalɩŋ mɩ-na La TƖƖNA sɩ bɩɩna bil faafaa kala dɩ mɩ ŋaa nɩa? Lɛɛlɛ mɩ ŋaaba nɛ. Mɩ nɛ pɩŋ doluŋ ŋ kaa kɛŋ tasɩ-la kala ba sɩ saa kɛrɩsɩŋ golli bɩrɩmɛ ba nagɛ tabɩaa sɩ daŋ dɔŋɔ lɛ ŋɩɩ.

2 IZIRAL TƖŊŊAA NAABARƖŊ 32:26

Ŋɩɩ nɛ Hezikaaya bɩrɩma lɩɩ ʋ babii-ballɩɩ-la lɛ, Jerusalɛm nɩaa ma kɛŋ ba tɩtɩa muuri. La TƖƖNA baanɩŋ fɩɛlɛ, ʋ bɩra bɩ ba dɔgʋsɔ Hezikaaya kuoruŋ bʋa lɛ.

NƐHƖMAAYA 4:2

a bʋl ʋ dɩ nɩalɩŋ sɩɩ tɩŋ arɩ Samarɩa laalɩyuori hɩasɩŋ sɩpaaŋ, “Bɛɛ kɩaa wɩaa nɛ Juu tɩŋŋaa nɩpʋgʋnʋŋ deemba ŋɩŋaa ŋɩɩ? Ba jaŋ wuo wasa saa ba jebii-la a kpʋ pʋsʋŋ a ŋaa Wɩɩ-sʋlaa? Ba bɩɩna ba jaŋ wuo saaʋ dɛrɛ tapʋl bala koo? Ba bɩɩna ba jaŋ wuo kuusi tabɩa-la arɩ nyiniŋ sɩ diiba ma kala koo?”

WƖA YƖƖLAA 79:1

Wɩa, vʋɩ-kpaaraa kʋ yuo laa ŋ tinteeŋ nɛ, a ŋaa disiniŋ hɛ ŋ dɩɩ-bal-la sɩ bɩ disiniŋ kɛnɛ lɛ, a leŋ Jerusalɛm kala pɩŋ jikpeeŋ.

JƐRƖMAAYA 17:3

Mɩ peeliŋ sɩ hɛ tintee-la lɛ, ma dʋa arɩ ma kɩaa kala, mɩ jaŋ leŋ dɩ nɩaa laa ba kala, a pɛ ma vesiŋ dɩ-kpaaraa kala lɛ a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

MƖKA 1:1

La TƖƖNA bʋl wɩaa pɩ Mɩka sɩ lɩɩ taŋ-la ba sɩɩ yɩrɛ Mɔrɛsɛf, bʋa-la lɛ nɩaa deemba sɩ dii Juda tinteeŋ kuoruŋ: Jotam, Ahas arɩ Hezikaaya. Mɩka fa na wɩaa arɩ duosoo tʋɔŋ nɛ a mʋ tɩgɛ Samarɩa arɩ Jerusalɛm lɛ. Ʋ sɩ,

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

MƖKA 4:1

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna nɛ jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ tinteyee gire mʋ ʋ leriŋ.

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”