JƐRƖMAAYA 26:16 - WƖA TENIŊ

¹⁶ Ŋɩɩ nɛ tɩntɩnnɩ-hɩasɩ-la arɩ nɩalɩŋ kala bʋla pɩ Wɩɩsʋllɩ sɩpaalaaraa arɩ Wɩa wʋlaabʋlla-la, “Ma bɩ maga dɩ ma kpʋ baala deeŋ. Ʋ bʋl wɩaa La TƖƖNA Wɩa yɩrɩŋ lɛ nɛ a pɩla.”

JƐRƖMAAYA 26:16 ပူးပေါင်းရင်းမြစ်များ

ƐSƖTA 4:14

Dɩ ŋ nɛ bɩ sii bʋla laala ta lɛlɛ, Wɩa jaŋ wuo to wombiiŋ a laala ta, ama ŋ dɩ ŋ nyɩmma dɩa nɩaa jaŋ sʋʋ. Ŋ bɩ pɔ wɩɩŋ deeŋ wɩaa nɛ tɩɩ ŋ ŋaa kuoro habidiire dɩ ŋ laa ŋ nɩaa ta.”

WƖA YƖƖLAA 94:16

Kʋbɛɛ nɛ jaŋ sii chɩŋ mɩ harɩŋ dɩ la yuo nɩbɔŋŋɔɔ? Kʋbɛɛ nɛ jaŋ chɩna pɛ mɩ lɛ dɩ la yuo wʋbɔŋ ŋaaraa?

NAMAGABA 16:7

Dɩ nʋʋ wʋŋaalaa nɩɩ tɔrɛ La Tɩɩna tʋɔŋ, ʋ yie leŋ ʋ dɩ ʋ dʋndɔŋŋɔɔ kala ŋaa sɩma nɛ.

JƐRƖMAAYA 26:11

Ŋɩɩ nɛ Wɩɩsʋllɩ sɩpaalaaraa arɩ Wɩa wʋlaabʋlla-la bʋla pɩ tɩntɩnnɩ-hɩasɩ-la arɩ nɩalɩŋ kala, “Baala deeŋ maga dɩ la kpʋʋ nɛ, bɛɛ wɩaa ʋ bʋl wɩalɩŋ sɩ bɩ zɔŋ nɛ a tɩgɛ tabalɩŋ deeŋ lɛ. Ma tɩtɩa dɩgɩlaa nɩɩ wɩalɩŋ nɛ.”

JƐRƖMAAYA 34:10

Ŋɩɩ nɛ tɩntɩnnɩ-hɩasɩ-la arɩ nɩalɩŋ kala sɛɩ a bil niiŋ arɩ ba jaŋ joŋ ba yoŋ-baalaa arɩ ba yoŋ-haalaa ta a bɩra sɩ́ ba kaa bɩrɩmɛ yosi. Ba sɛɩ a jomba ta.

JƐRƖMAAYA 36:19

Ŋɩɩ nɛ tɩntɩnnɩ-hɩasɩ-la bʋla pɩ Baruk, “Ŋ dɩ Jɛrɩmaaya, má mʋ faa. Má sɩ́ leŋe dɩ nʋʋkala jɩŋ lee-la ma sɩ hɛ.”

JƐRƖMAAYA 36:25

Ɛlɩnataŋ, Delaaya arɩ Gɛmarɩa fa paala sʋl kuoro ma nɛ arɩ ʋ sɩ́ teŋ-la nyɩgʋ, ama ʋ bɩ ba teeŋ jegile,

JƐRƖMAAYA 37:15

Ba na baanɩŋ Jɛrɩmaaya nyuŋ a ŋmobu aŋ kɛnʋ tɔ dɩa Jonataŋ sɩ ŋaa teŋ ŋmʋnsʋra dɩa lɛ. Ba fa kɛŋ ʋ dɩa-la bɩrɩmɛ nɩtɔɔrɛ dɩa nɛ.

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Luuk 23:41

Ʋ maga dɩ ba ŋaa la-na ŋɩɩ nɛ, bɛɛ wɩaa la ŋaa wʋbɔŋ nɛ, aŋ ka ʋ-na bɩ wɩɩkala cheye.”

Luuk 23:47

Ŋɩɩ nɛ dɩ laalɩyuoroo zɔlɔ kʋhɩaŋ kʋbala fa chɩŋ nɩmɛ. Ʋ na wɩɩ-la sɩ ŋaa, a dɛnnɛ Wɩa a bʋl, “Wʋtɩtɩɩ, baala deeŋ fa ŋaa tʋɔpʋl tɩɩna nɛ, ʋ bɩ wɩɩkala cheye.”

Tɩntɩŋŋaa 23:29

Ba sɩ pɩɛsʋ wɩaa, mɩ na arɩ ʋ bɩ wɩɩkala cheye a magɛ dɩ ba kpʋʋ koo dɩ ba kɛnʋ tɔ dɩa. Wɩɩ-la sɩ tɩɩ ba bʋbʋl ʋ teeŋ tɩgɛ wɩalɩŋ Mosis sɩ fa sɩ ŋmʋnsa bil dɩ la tuto lɛ nɛ.

Tɩntɩŋŋaa 23:9

Ŋɩɩ nɛ nɩalɩŋ sii a faasa ŋɩŋaa goŋ. Wɩa teniŋ kerichiba-la dɔnsʋŋ sɩ ŋaa Farisii tɩŋŋaa sii a faasa kɛŋ wɩalɩŋ lɩlɛrɛ a bʋl, “La bɩ na baala deeŋ sɩ ŋaa wɩɩ-la chei. Ʋ naga arɩ nɩdɩma nɛ koo Wɩa tɩndaara nɛ sɛnɛ bʋl wɩaa pʋpʋ.”

Tɩntɩŋŋaa 25:25

Mɩ-na bɩ wɩɩ-la ʋ sɩ ŋaa chei a maga dɩ ba kpʋʋ na. Ama ʋ tɩtɩa nɛ sʋlmɛ dɩ mɩ leŋ dɩ ʋ mʋ kuoru-balɩŋ teeŋ Rom lɛ dɩ ʋ diiu sarɩya. Mɩ saa jaŋ kɛnʋ mʋ.