JƐRƖMAAYA 26:15 - WƖA TENIŊ

¹⁵ Ma ta jɩŋ, dɩ ma nɛ kpʋmɛ, nʋʋ sɩ bɩ wɩɩ cheye chalɩŋ nɛ jaasɛ ŋɩɩ, a lɔgɛ wɩaa hɛ ma tɩtɩa arɩ tabalɩŋ deeŋ arɩ nʋʋkala sɩ hɛ ʋ lɛ. Wʋtɩtɩɩ, La TƖƖNA nɛ tɩmmɛ dɩ mɩ kʋ bʋl wɩaa deemba kala dɩ ma nɩɩ.”

JƐRƖMAAYA 26:15 ပူးပေါင်းရင်းမြစ်များ

WƖAA DƖ-SUOMUŊ 4:10

Ŋɩɩ nɛ La TƖƖNA pɩɛsɛ, “Bɛɛ nɛ ŋ ŋaa ŋ-la? Jegili, ŋ ŋaana chalɩŋ nɛ pɩŋ tinteeŋ a bunsoo pɩmɛ.

WƖAA DƖ-SUOMUŊ 42:22

Ŋɩɩ nɛ Rubiŋ pɩɛsɛ, “Mɩ fa bɩ bʋla pɩma arɩ má sɩ́ wʋbɔŋ joŋo ŋaa bile deeŋ lɛ? Ama ma bɩ jegile. Ʋ chɩmɩŋ nɩɩ tiŋ la lɛ ŋɩɩ.”

2 KUOROO 24:4

a wasa nyaŋ nɩalɩŋ kala sɩ bɩ wɩɩ cheye, aŋ ka Manasɛ kpʋba. La TƖƖNA fa bɩ cho dɩ ʋ joŋ wɩɩ-la chɛʋ.

2 IZIRAL TƖŊŊAA NAABARƖŊ 24:22

Kuoro Jʋas fa bɩ wʋzɔmɔ-la Zɛkarɩya nyɩmma Jehoyada fa sɩ ŋaa ʋ lɛ liise aŋ kpʋ ʋ nanʋala. Zɛkarɩya fa sɩɩ chɛ dɩ ʋ sʋʋ, ŋ-la nɛ ʋ bʋl, “A leŋ dɩ La TƖƖNA na wɩɩ-la ŋ sɩɩ ŋaa a dɔgʋsʋŋ.”

NAMAGABA 6:16

Wɩaa balɩdʋ nɛ hɛ nɩmɛ La Tɩɩna bɛrɛ, wɩaa balɩpɛ nɛ hɛ nɩmɛ ʋ faasa bɛrɛ:

NAMAGABA 6:17

Nɩalɩŋ sɩɩ dagɛ ba tɩtɩa, nɩalɩŋ sɩɩ nyɩɛ wɩaa, nɩalɩŋ sɩɩ kpʋ nɩaa sɩ bɩ wɩɩ cheye,

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 2:34

Ma gɛnnɩŋ kala nɛ suo arɩ summo-la sɩ bɩ wɩɩkala cheye chalɩŋ, ka ma bɩ ba na dɩ ba bori ma dɩɩsɩŋ jʋjʋʋ.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 22:3

wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 26:12

Ŋɩɩ nɛ Jɛrɩmaaya ma bʋla pɩ tɩntɩnnɩ-hɩasɩ-la arɩ nɩalɩŋ kala: “La TƖƖNA nɛ tɩmmɛ dɩ mɩ kʋ bʋl wɩalɩŋ kala ma sɩ nɩa a tɩgɛ dɩa deeŋ arɩ tabalɩŋ deeŋ kala lɛ.

JƐRƖMAAYA 30:1

Wɩɩ-la La TƖƖNA sɩ bʋla pɩ Jɛrɩmaaya nɛ ŋ-la:

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

NAMBABA 35:33

Má sɩ́ nɩaa kpʋ a ŋaa disiniŋ hɛ tintee-la ma sɩ hɔnɔ lɛ. Dɩ ma nɛ ŋaa ŋɩɩ, ma bɩ jaŋ wuo pɩɩsɛ tintee-la disiniŋ ta, see dɩ ma kpʋ nɩkpʋʋrʋ-la.

Matiu 26:25

Ŋɩɩ nɛ Judas zɛmbɛ tɩɩna-la pɩɛsɛ Yesu, “Mɩ nɛ ŋ dɩdagɛɛ?” Ŋɩɩ nɛ Yesu bʋla pʋ, “Oo, ŋ nɛ.”

Matiu 26:4

Ba hilimi a vʋvʋʋrɛ ba sɩ jaŋ to wombii-la a lʋara kɛŋ Yesu a kpʋʋ.

Tɩntɩŋŋaa 7:60

Ʋ tuu kpirimi a faasa ŋmoo niiŋ a bʋl, “Mɩ Tɩɩna Yesu, mɩɩ sʋlʋŋ, sɩ́ wʋbɔmʋŋ deeŋ ba sɩ ŋaa chɩmɩŋ joŋo tiŋ ba lɛ.” Ʋ fa bʋl ŋɩɩ nɛ aŋ sʋʋ.

MOSIS BƖRA WULLI WƖA WOMBIIŊ 19:10

Má ŋaa ŋɩɩ tintee-la ma TƖƖNA Wɩa sɩ jaŋ joŋo pɩma dɩ ʋ ŋaa ma kʋŋ lɛ, dɩ nʋʋ sɩ bɩ wɩɩ cheye chalɩŋ sɩ́ tintee-la lɛ jaasʋ, dɩ ma laa cheeriŋ.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”