JƐRƖMAAYA 25:9 - WƖA TENIŊ

⁹ mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 25:9 ပူးပေါင်းရင်းမြစ်များ

2 KUOROO 24:2

Bʋa-la lɛ nɛ La TƖƖNA leŋ Babɩlɔŋ nɩaa, Siiria tɩŋŋaa, Mʋab tɩŋŋaa arɩ Amɔŋ tɩŋŋaa kʋ yuo a chei Juda tinteeŋ, arɩ La TƖƖNA fa sɩ to ʋ wʋlaabʋllaa lɛ a bʋl ŋɩɩ.

2 IZIRAL TƖŊŊAA NAABARƖŊ 29:8

Ŋɩɩ nɛ La TƖƖNA na baanɩŋ Juda arɩ Jerusalɛm nɩaa nyuŋ a leŋ ba kperi, nɩaa mʋmɔmba a sisieriba lɛ. Ma jɩŋ wɩɩŋ deeŋ lɛ nɛ.

2 IZIRAL TƖŊŊAA NAABARƖŊ 36:21

Tintee-la fa pɩŋ pɛɩ nɛ a wiesi jɩsɩ-la kala ba sɩ bɩ leŋe ʋ wiesi. Ʋ pɩŋ ŋɩɩ nɛ a mʋ yi jɩsɩŋ mahɩŋ batori arɩ fii, a leŋ wɩɩ-la La TƖƖNA wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ.

NAMAGABA 21:1

Kuoro tʋɔbɩɩnaa kala hɛ La Tɩɩna nɩsɩŋ lɛ nɛ. Ʋ yie kɛnʋ dagɛ wombii-la kala ʋ sɩ cho dɩ ʋ to, a nagɛ lɩɩŋ sɩɩ to lɩɩ-libe ŋɩɩ.

AZAAYA 10:5

La TƖƖNA sɩ, “Asiiria tɩmma, wɩɩŋ puuma, ma nɛ ŋaa mɩ baanɩŋ daŋkpɩlɩŋ, mɩ sɩ jaŋ kaa dɔgɩsɛ nɩalɩŋ nyuŋ mɩ sɩ chaasa na baanɩŋ.

AZAAYA 13:3

Mɩ hɛ mɩ laalɩyuoro-la sɩ jɩŋ laalɩ-yuonuŋ nɛ, mɩ yɩrɛ nɩalɩŋ sɩɩ jʋɔsɛ mɩ doluŋ lɛ nɛ, dɩ ba mʋ yuo nɩalɩŋ nyuŋ mɩ sɩ na baanɩŋ.

AZAAYA 39:7

Ba jaŋ kɛsɛ ŋ doho nɩaa dɔnsʋŋ arɩ ŋ tɩtɩa bii-lʋlaa a kaa mʋ Babɩlɔŋ a feriba dɩ ba tɩtɩŋ Babɩlɔŋ kuoro dɩa lɛ.’ ”

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

JƐRƖMAAYA 1:14

La TƖƖNA bʋla pɩmɛ, “Wʋlɔrʋŋ jaŋ lɩɩ wɩɩpɔsʋŋ nagʋa a kʋ jʋʋ nɩalɩŋ kala sɩ hɛ tintee-la lɛ.

JƐRƖMAAYA 1:15

Mɩɩ chɛ mɩ yɩrɛ wɩɩpɔsʋŋ nagʋa dɩɩrɩŋ tinteeŋ nɩaa nɛ. Ba kuoroo jaŋ kɔ a bil ba kuoru kpasɩnɩŋ Jerusalɛm boi-baalaa niiŋ. Ba jaŋ golli ma kɛrɛsɩŋ chu a yuo Juda tasɩŋ kala. Mɩ-na ma TƖƖNA nɛ bʋla.

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 12:14

Wɩɩ-la La TƖƖNA sɩ bʋla nɛ ŋ-la: “Nɩbɔmɔ-la sɩ jʋʋ kpɩkpagɛ mɩ nɩaa Iziral tɩŋŋaa, a kɛŋ dʋa-la mɩ sɩ joŋo pɩba kaa laa, mɩ jaŋ churi nɩbɔmɔ-la ba tinteeŋ lɛ a nagɛ mɩ sɩ churi Juda nɩaa ba tinteeŋ lɛ ŋɩɩ.

JƐRƖMAAYA 18:16

Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 2:15

Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 25:8

Ŋɩɩ wɩaa, La TƖƖNA doluŋ kala Tɩɩna sɩ, “A tɩŋ ma sɩ bɩ jegile nɩɩ mɩ niiŋ wɩaa,

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 35:11

Ama Babɩlɔŋ kuoro Nebukadineza sɩ kʋʋ yuo tinteeŋ deeŋ nɛ, la sɩ, ‘Má kɔ, la maga la mʋ Jerusalɛm, a wuo fori Babɩlɔŋ tɩŋŋaa arɩ Siiria laalɩyuoroo nɩsɩŋ lɛ.’ Ŋɩɩ nɛ tɩɩ la hɛ Jerusalɛm lɛ ŋɩɩ.”

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 36:29

Bʋla pɩ Juda tinteeŋ kuoro Jehoyakim, wɩɩ-la mɩ-na ma TƖƖNA sɩ bʋla nɛ ŋ-la: Ŋ nyɩgɛ teŋ-la nɛ aŋ bʋl, ‘Bɛɛ nɛ tɩɩ ŋ ŋmʋnsɛ arɩ Babɩlɔŋ kuoro jaŋ sɛnɛ kʋ chei tinteeŋ deeŋ a kpʋ ʋ nɩaa arɩ ʋ pʋsʋŋ kala?’

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 40:2

Laalɩyuoro-la sɩɩ pɔ kuoro kʋhɩaŋ-la sɩ na Jɛrɩmaaya, ʋ bʋla pʋ, “Ŋ TƖƖNA Wɩa nɛ sɩ ʋ jaŋ joŋ wʋlɔrʋŋ deeŋ hɛ leriŋ deeŋ lɛ.

JƐRƖMAAYA 43:10

Bʋla pɩba, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ jaŋ tɩma yɩrɛ mɩ tɩntɩnna Babɩlɔŋ kuoro Nebukadineza a leŋ dɩ ʋ kuoru kpasa chɩŋ tabɩaa deemba mɩ sɩ hugo lee-la. Ʋ jaŋ kɛŋ kuori-palɩŋ jɛrɛ tɔba.

JƐRƖMAAYA 46:20

Ijipiti zɔmɔ a nagɛ nɛ-pa-bie nɛ, ama dɩma ka kɔ ʋ lɛ nɛ a lɩɩ wɩɩpɔsʋŋ nagʋa dɩɩrɩŋ.

JƐRƖMAAYA 49:19

A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Ɛdɔm tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

ƐZƖKƖƐL 12:20

Tasɩ-la lɛ nɩaa sɩ hɔnɔ jaŋ pɩŋ jikpeeŋ, dɩ tintee-la kala pɩŋ hoi. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 16:40

Ba jaŋ kɛŋ nɩ-daŋ kʋ golluŋ a yagɩŋ arɩ tabɩaa, aŋ keriŋ muno muno arɩ ba tokobiee.

ƐZƖKƖƐL 21:11

Ba joŋ tokobiiŋ pa ba chɛsɛ nɛ ʋ tʋtʋl, ʋ hɛ nɩkpʋʋra nɩsɩŋ lɛ. Ba taa nɛ a chɛsɛ ʋ tʋtʋl, a joŋo hɛ nɩkpʋʋra nɩsɩŋ lɛ.

ƐZƖKƖƐL 26:7

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛŋ Babɩlɔŋ kuoro Nebukadineza sɩ kɛŋ doluŋ kɩɩ dʋnɩa kuoroo kala kɔ dɩ ʋ yuo Taaya. Ʋ jaŋ lɩɩ wɩɩpɔsʋŋ nagʋa dɩɩrɩŋ a kɛŋ laalɩyuori daŋ, a pɛ janɩŋ, janɩŋ torukoba arɩ ja-jɩllaa sɩ yʋga lɛ.

ƐZƖKƖƐL 36:5

Mɩ-na ma TƖƖNA Wɩɩjarɩbakɔ na baanɩŋ nɛ tinteye-la sɩ gollima arɩ Ɛdɔm tinteeŋ kala nyuŋ. Ba mɔŋ mɩ nɩaa nɛ a sieri ba lɛ, a laa mɩ tinteeŋ ma ʋ ŋaa ba kʋŋ a kɛŋ ʋ pʋsʋŋ dɩ-diilee ma kaa laa.

DANƖƐL 5:18

Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.

HABAKU 1:12

“Ou La TƖƖNA, ŋ nɛ hɛ nɩmɛ faafaa kala. Mɩ Wɩa, ŋ bɩ disiniŋ kɛnɛ, la bɩ jaŋ sʋʋ. Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ. Mɩ Wɩa, ŋ nagɛ bʋŋ nɛ a chu tɔla, ŋ nɛ fa lɩɩsɛba a pɩba doluŋ dɩ ba dɔgɩsɛla.

HABAKU 1:17

Ʋ maga dɩ ʋ ha kpʋkpʋ tinteyee nɩaa ŋɩɩ nɛ, aŋ bɩ ba nenige ka fáa?

MOSIS BƖRA WULLI WƖA WOMBIIŊ 28:37

Tintee-wogusu-la lɛ La TƖƖNA sɩ jaŋ kirima mʋ hɛ, ʋ jaŋ ŋaa nɩalɩŋ wʋkpuŋkpere dɩ ba mʋmɔmma aŋ sisieri ma lɛ.