JƐRƖMAAYA 25:7 - WƖA TENIŊ

⁷ La TƖƖNA sɩ, “Ama ma bɩ jegile nɩɩ mɩ teeŋ, aŋ kɛŋ kɩalɩŋ ma sɩ kɛŋ ma nɩsɩŋ ŋaa, a ŋaa a leŋ mɩ baanɩŋ sii a lɛrɛ wʋbɔŋŋɔɔ kʋ hɛ ma tɩtɩa lɛ.”

JƐRƖMAAYA 25:7 ပူးပေါင်းရင်းမြစ်များ

2 KUOROO 17:17

Ba yie kɛsɛ ba hambolibiisiŋ arɩ ba toloo kpʋ a nyɩga pɩpɩ vesiŋ, a vʋvʋgɛ, a joŋ ba tɩtɩa kala hɛ wʋbɔŋŋɔɔ ŋaanɩŋ lɛ La TƖƖNA teeŋ, a leŋ ʋ baanɩŋ sii.

2 KUOROO 21:15

bɛɛ wɩaa ba ŋaa wʋbɔŋŋɔɔ nɛ mɩ sɩɩŋ lɛ, a leŋ mɩ baanɩŋ sii a chɩŋ bʋa-la lɛ ba naabalɩmaba sɩ lɩɩ Ijipiti tinteeŋ lɛ a kaa kɔ arɩ jɩnɩŋ.”

2 IZIRAL TƖŊŊAA NAABARƖŊ 24:19

La TƖƖNA tɩŋ ʋ wʋlaabʋllaa dɩ ba kpʋrɩsɛ nɩalɩŋ dɩgɩlaa dɩ ba mɩɩra kɔ ʋ teeŋ, ama ba vɩa dɩ ba nɩɩ.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

NAMAGABA 8:36

Ama nɩɩ-la kala sɩ vɩa dɩ ʋ chɛmɛ, ʋ dɔgɩsɛ ʋ tɩtɩa nɛ. Nɩalɩŋ sɩ bɛrɩmɛ cho sʋʋŋ nɛ.”

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 25:8

Ŋɩɩ wɩaa, La TƖƖNA doluŋ kala Tɩɩna sɩ, “A tɩŋ ma sɩ bɩ jegile nɩɩ mɩ niiŋ wɩaa,

JƐRƖMAAYA 29:19

Mɩ jaŋ dɔgɩsɛba ŋɩɩ a tɩŋ ba sɩ bɩ jegile nɩɩ mɩ niiŋ wɩaa, wɩalɩŋ mɩ sɩ to mɩ wʋlaabʋllaa lɛ a bʋla pɩba bʋlɩa bʋlɩa. Ma nɩalɩŋ ma sɩ hɛ yoŋ-baga lɛ, ma ma bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 44:7

Lɛɛlɛ, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Bɛɛ nɛ tɩɩ ma lɛrɛ wʋlɔrʋŋ deeŋ sɩ bɩ bana kɛnɛ hɛ ma tɩtɩa lɛ? Maa chɛ dɩ ma chei baalaa arɩ haalaa, hambiisiŋ arɩ bii-mulluŋ dɩ ma doho nʋʋ bɩra sɩ́ ka nɛɛ?

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.