JƐRƖMAAYA 25:6 - WƖA TENIŊ

⁶ Má sɩ́ vesiŋ to a kpʋkpaarɛba. Má sɩ́ kɩalɩŋ ma sɩ ŋaa, kaa ŋaa dɩ mɩ baanɩŋ sii. Dɩ ma nɛ vɩa wɩaa deemba, mɩ bɩ jaŋ ŋaama wʋbɔŋ kala.”

JƐRƖMAAYA 25:6 ပူးပေါင်းရင်းမြစ်များ

1 KUOROO 14:22

Juda doho nɩaa ma fa ŋaa wʋbɔŋŋɔɔ nɛ La TƖƖNA sɩpaaŋ. Wʋbɔmɔ-la ba sɩ ŋaa nɛ paala kɩɩ wɩalɩŋ ba naabalɩmaba fa sɩ ŋaa. Ŋɩɩ leŋ La TƖƖNA yaraa bieri, ʋ na baanɩŋ woruŋ ba nyuŋ.

2 KUOROO 17:35

Bʋa-la lɛ La TƖƖNA fa sɩ bil niiŋ ʋ dɩ Iziral tɩŋŋaa pɛgɛ, ŋ-la nɛ ʋ bʋl, “Má pɔ ma sɩ́ vesiŋ to koo a kpirimi ba sɩpaaŋ, má sɩ́ ba to koo a kpʋkpaarɛba.

MOSIS KƐŊ IZIRAL TƖŊŊAA LƖƖ 20:23

Má pʋpɔ ma sɩ́ vene kala ŋaa a pɛ mɩ lɛ. Má pʋpɔ ma sɩ́ sɛlɩmɛ koo hɔpʋla kaa libi vene kala aa zilu.

MOSIS KƐŊ IZIRAL TƖŊŊAA LƖƖ 20:3

Ma bɩ maga dɩ ma kɛŋ wɩa kala a pɛ mɩ-na Wɩa lɛ.

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 44:7

Lɛɛlɛ, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Bɛɛ nɛ tɩɩ ma lɛrɛ wʋlɔrʋŋ deeŋ sɩ bɩ bana kɛnɛ hɛ ma tɩtɩa lɛ? Maa chɛ dɩ ma chei baalaa arɩ haalaa, hambiisiŋ arɩ bii-mulluŋ dɩ ma doho nʋʋ bɩra sɩ́ ka nɛɛ?

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

MOSIS BƖRA WULLI WƖA WOMBIIŊ 13:2

dɩ wʋkpuŋkpere-la koo wʋmagɩl-la wɩaa ʋ sɩ bʋla nɛ sɛnɛ ŋaa, ka dɩ ʋ bʋl, “Má leŋ dɩ la to vesiŋ a pɛ La Tɩɩna lɛ a kpʋkpaarɛba (vesiŋ ma ha sɩ bɩ to aŋ ka),”

MOSIS BƖRA WULLI WƖA WOMBIIŊ 28:14

Ma pɔ má sɩ́ harɩŋ joŋo yɩa wɩalɩŋ kʋŋkala mɩ sɩ joŋo dagɛma jɩnɩŋ, a sɩ́ begile mʋ nadiiŋ koo nagʋa, a mʋ tuto vesiŋ a kpʋkpaarɛba.

MOSIS BƖRA WULLI WƖA WOMBIIŊ 6:14

Má sɩ́ vene kala to, nɩalɩŋ sɩ hɔnɔ kpagɛma vesiŋ.

MOSIS BƖRA WULLI WƖA WOMBIIŊ 8:19

Dɩ ma nɛ yʋ ma TƖƖNA Wɩa wɩaa, aŋ mɩɩra tuto vesiŋ harɩŋ, mɩ jaŋ chaasa bʋla pɩma jɩnɩŋ arɩ ŋɩɩ jaŋ leŋ dɩ ʋ cheima.

JOSUA 24:20

Dɩ ma nɛ vɩa La TƖƖNA aŋ to vesiŋ, ʋ jaŋ mɩɩra joŋ wʋlɔrʋnʋŋ a ŋaa ma lɛ dɩ ma kala sʋʋ a dɛrɛ, arɩ ʋ sɩ ŋaa wʋzɔŋŋɔɔ a pɩma ma kala.”