JƐRƖMAAYA 25:5 - WƖA TENIŊ

⁵ Ba sɩ, “Má kʋŋkala bɩrɩma lɩɩ ma wombii-bɔmɔ-la ma sɩɩ to arɩ wʋbɔmɔ-la ma sɩɩ ŋaa lɛ. Dɩ ma nɛ ŋaa ŋɩɩ, ma jaŋ wuo hɔŋ tintee-la lɛ La TƖƖNA sɩ joŋo pɩ ma dɩ ma naabalɩmaba a kaa mʋ wuu.

JƐRƖMAAYA 25:5 ပူးပေါင်းရင်းမြစ်များ

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

WƖA YƖƖLAA 139:24

Beŋ mɩ tʋɔŋ a na dɩ mɩɩ to wombii-bɔŋ, dɩ ŋ kɛmmɛ to ŋ wombii-la sɩ zɔmɔ a hɛ nɩmɛ deeŋ deeŋ.

WƖA YƖƖLAA 37:27

Leŋ wʋbɔŋŋɔɔ ŋaanɩŋ aŋ ŋɩŋaa wʋzɔŋŋɔɔ, ŋɩɩ jaŋ leŋ dɩ ŋ hɛ tintee-la lɛ a kaa mʋ wuu.

AZAAYA 1:16

Má chɛsɛ ma tɩtɩa, a sɩ́ disiniŋ kɛŋ. Má kɛŋ ma wʋbɔmɔ-la ŋaanɩŋ sʋʋsa lɩɩ mɩ sɩpaaŋ. Má leŋ wʋbɔŋŋɔɔ ŋaanɩŋ.

JƐRƖMAAYA 17:25

ŋɩɩ-na kuorusu-la sɩ jaŋ hɔŋ Devit kuoru kpasa nyuŋ arɩ ba tɩntɩnnɩ-hɩasɩŋ jaŋ to boi-baalaa deemba kʋ jʋʋ tabal-la. Ba dɩ ba tɩntɩnnɩ-hɩasɩŋ jaŋ jɩl janɩŋ arɩ janɩŋ torukoba a kʋ jʋʋ. Juda nɩaa arɩ nɩalɩŋ sɩ hɛ Jerusalɛm lɛ jaŋ hɔŋ tabalɩŋ deeŋ lɛ a kaa mʋ wuu.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 7:7

ŋɩɩ-na, mɩ jaŋ leŋ dɩ ma hɔŋ tinteeŋ deeŋ lɛ a kaa mʋmʋ wuu, lee-la mɩ sɩ joŋo pɩ ma naabalɩmaba.

ƐZƖKƖƐL 18:30

Ŋɩɩ wɩaa ma Iziral tɩmma, mɩ jaŋ dii ma kʋŋkala sarɩya a magɛ ŋɩɩ ma sɩ ŋaa wɩaa. Mɩ-na ma TƖƖNA Wɩɩjarɩbakɔ nɛ bʋla. Má bɩrɩma lɩɩ wʋbɔmɔ-la kala ma sɩɩ ŋaa lɛ, a sɩ́ leŋe dɩ wʋbɔŋŋɔɔ cheima.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

Tɩntɩŋŋaa 26:20

Ŋɩɩ nɛ mɩ suomo bʋl Wɩa wɩaa Damasɩkʋs lɛ arɩ Jerusalɛm lɛ a kaa mʋ Judiya tinteeŋ kala, arɩ nɩalɩŋ sɩ bɩ Juu tɩmma ŋaa tʋɔŋ. Mɩ bʋla pɩba dɩ ba bɩrɩma lɩɩ ba wʋbɔŋŋɔɔ lɛ aŋ bɩrɩma to Wɩa, a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.