JƐRƖMAAYA 25:34 - WƖA TENIŊ

³⁴ Ma sɩpaalaaraa, má ŋmoo niiŋ a yel. Ma nɩalɩŋ sɩɩ beŋ nɩaa, má bibilimi tinteeŋ. Bʋa-la lɛ ba sɩ jaŋ kpʋma yie nɛ. Ma jaŋ tel a pɩsɛ a nagɛ pupoiŋ sɩ munso.

JƐRƖMAAYA 25:34 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:10

Duoŋ puso bʋa lɛ, kuoro Nebukadineza tɩŋ ba kʋ kɛŋ Jehoyachiŋ a kaa mʋ Babɩlɔŋ, a paa La TƖƖNA dɩɩ-bal-la tʋɔŋ kɩaa dɔnsʋŋ sɩ kɛŋ yuŋuŋ pɛ, aŋ leŋ Jehoyachiŋ nɩɛra Zedikaaya mɩɩra dii Juda tinteeŋ kuoruŋ.

WƖA YƖƖLAA 2:9

Ŋ jaŋ bemba arɩ hɔɔ-daaŋ, a kɛnʋ yɛrɛba a nagɛ ba sɩ yie ŋmoo pupoiŋ ʋ yɛrɛ ŋɩɩ muno muno.’ ”

AZAAYA 10:12

Ŋɩɩ nɛ La TƖƖNA bʋl, “Dɩ mɩ nɛ dɛrɛ wɩalɩŋ mɩ sɩ jaŋ joŋo ŋaa peel-la ba sɩɩ yɩrɛ Zaayɔŋ arɩ Jerusalɛm tɩŋŋaa lɛ, mɩ jaŋ dɔgɩsɛ Asiiria kuoro a tɩŋ ʋ dagɩŋ-tɩtɩɩ arɩ ʋ babii-ballɩŋ wɩaa.”

AZAAYA 2:16

Ma lɩɩŋ daabori-bala-la kala ma sɩ kaa dii bayalɩŋ jaŋ chei.

AZAAYA 30:14

Ʋ jaŋ yɛrɛ muno muno a nagɛ pupoiŋ, nʋʋ sɩ bɩ jaŋ wuo na ʋ kanchele a kaa chaanɛ nyiniŋ koo a kaa kuoni lɩɩŋ pɩlɩŋ lɛ.”

AZAAYA 33:1

Wɩaa jaŋ jʋʋ ma nɩalɩŋ sɩ ŋaa wʋcheere arɩ zɛmbɛ tɩŋŋaa ka nʋʋkala bɩ wɩɩ ŋaa cheima koo a ŋaama zɛmbɛ. Dɩ ma nɛ leŋ nɩaa cheyiŋ ma, cheeriŋ ha jaŋ puuma. Dɩ ma nɛ leŋ zɛmbɛ ma, nɩaa ha jaŋ ŋaama ma zɛmbɛ.

AZAAYA 34:6

La TƖƖNA tokobiiŋ kala tɔ chalɩŋ arɩ nʋʋŋ nɛ a nagɛ ba sɩ kpʋ pie-pɔrɔɔ arɩ bʋʋnaa a ŋaa Wɩɩsʋlʋŋ. La TƖƖNA kpʋ Wɩɩsʋlʋŋ pʋsʋŋ nɛ woruŋ tabal-la ba sɩɩ yɩrɛ Bozira, Ɛdɔm tinteeŋ lɛ.

AZAAYA 34:7

Nɩalɩŋ kala jaŋ sʋʋ a nagɛ nɛ-ferisiŋ arɩ nɛ-bel-pɔrɔɔ. Ba tinteeŋ kala jaŋ fɩɛsɛ arɩ chalɩŋ, dɩ hagɩla tɔ arɩ nʋʋŋ.

JƐRƖMAAYA 18:22

Leŋ dɩ nɩaa nɩɩ ba nii-ŋmobo ba dɩɩsɩŋ lɛ, dɩ ŋ nɛ guu kɛŋ nɩaa sɩ jaŋ yuoba aŋ paa ba kɩaa kʋ hɛ ba lɛ. Ba lu bʋa nɛ dɩ mɩ foro tuu aŋ hɛ bɛrɩsɩŋ ma dɩ ba kɛmmɛ.

JƐRƖMAAYA 22:28

Mɩ bʋl: Jehoyakim mɩɩra nagɛ pupoiŋ sɩ yɛrɛ ba joŋo yuo ta nɛ. Ʋ mɩɩra nagɛ kʋŋ nʋʋkala sɩ bɩ chɛ nɛ. Bɛɛ nɛ tɩɩ ba kiri ʋ dɩ ʋ biiriŋ kala ta, ba mʋ hɛ tintee ba sɩ bɩ jɩŋ lɛ?

JƐRƖMAAYA 23:1

La TƖƖNA sɩ, “Wɩɩŋ puu sɩpaalaara-la sɩɩ chei mɩ nɩaa, a ŋaa ba pɩpɩsɛ.

JƐRƖMAAYA 25:12

Ama dɩ jɩsɩŋ mahɩŋ batori arɩ fii-la nɛ suo, mɩ jaŋ dɔgɩsɛ Babɩlɔŋ kuoro arɩ ʋ nɩaa arɩ ba tinteeŋ kala a tɩŋ ba cheeriŋ wɩaa. Mɩ jaŋ leŋ dɩ ba tinteeŋ pɩŋ jikpeeŋ a kaa mʋ wuu. Mɩ-na ma TƖƖNA nɛ bʋla.

JƐRƖMAAYA 25:23

nɩalɩŋ sɩ hɛ Dedaŋ, Tɛma, Bus arɩ nɩalɩŋ kala sɩ hɛ dɩ-boloo,

JƐRƖMAAYA 25:36

Má nɩɩ sɩpaalaaraa nii-ŋmobo, ma nɩɩ nɩalɩŋ sɩɩ beŋ nɩaa yele, bɛɛ wɩaa La TƖƖNA ka chei ba pʋsʋŋ dɩ-diiliŋ nɛ.

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 48:26

Má leŋ dɩ ʋ bugi, bɛɛ wɩaa ʋ dagɛ ʋ tɩtɩa nɛ mɩ-na ma TƖƖNA teeŋ. Má leŋ dɩ Mʋab bilimi kɩalɩŋ ʋ sɩ tʋɔsa tʋɔŋ. Má leŋ dɩ ʋ bɩrɩmɛ kʋŋ dɩ nɩaa sisieri ʋ lɛ.

JƐRƖMAAYA 48:38

Mʋab lusunuŋ nyuŋ kala arɩ lere-la taŋ nɩaa sɩɩ hilimu, yele nɛ su ba kala, bɛɛ wɩaa mɩ yɛrɛ Mʋab nɛ a nagɛ pupoiŋ nʋʋkala sɩ bɩ chɛ. Mɩ-na ma TƖƖNA nɛ bʋla.

JƐRƖMAAYA 50:27

Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 6:26

La Tɩɩna sɩ, “Mɩ nɩaa, má paa tʋɔ-chei gɛnnɩŋ laalɛ a bilimi tʋɔrʋŋ lɛ. Má chaasa yel, yel-haaŋ a nagɛ nʋʋ sɩ kɛŋ ʋ bii-bala ʋ sʋʋ. Ʋ bɩ jaŋ dieni ka dɩ nɩɩ-la sɩɩ chei leriŋ guu kɔ ma lɛ, a yuola.

JEMBIEE 4:21

Ma nɩalɩŋ sɩ hɛ Ɛdɔm arɩ ma nɩalɩŋ sɩ hɔŋ Uzi tinteeŋ lɛ maa jʋɔsʋ nɛ arɩ tʋɔtɔrʋŋ. Ama hɛɛ-la jaŋ jʋʋ ma ma, dɩ ma bugi, ba jaŋ wuri ma kɩaa aŋ ka yarɩ-biree.

ƐZƖKƖƐL 34:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ tɩtɩa nɛ jaŋ dii pie-duoruŋ arɩ pie-pʋgʋnʋŋ sarɩya.

DANƖƐL 11:8

Ʋ jaŋ paa ba vesiŋ arɩ ba tɔmɔ-la ba sɩ kɛŋ hɔɔŋ libi, arɩ ba kʋ-yuŋŋie-la kala ba sɩ kɛŋ hɔpʋla arɩ sɛlɩmɛ ŋaa a kaa mʋ Ijipiti tinteeŋ. Ʋ jaŋ leŋ Siiria kuoru-la yuonuŋ jɩsɩŋ baŋmɛnɛ.

HOSIA 8:8

Iziral kala cheye nɛ, ʋ hɛ tinteyee tʋɔŋ nɛ a nagɛ kʋtɔɔ nʋʋkala sɩ bɩ chɛ.

AMƆS 5:11

Ma kɛŋ summoo jɩlaa tuu nɛ a fʋgaa laa ba mɩaa. Ŋɩɩ wɩaa ma saa dɩɩ-balaa ma nɛ, ama ma bɩ jaŋ jʋʋba a nɩɩ sɩma. Ma pɛrɛ girep tɩɩsɩŋ bagɩsɩŋ nɛ, ama ma bɩ jaŋ nyʋa ba sɩnɩŋ.

ZƐKARƖYA 10:3

La TƖƖNA sɩ, “Mɩ baanɩŋ sii sɩpaalaara-la nyuŋ nɛ, mɩ jaŋ dɔgɩsɛ sɩpaalaara-la, bɛɛ wɩaa mɩ-na ma TƖƖNA doluŋ Tɩɩna jaŋ pɔ mɩ nɩaa, Juda nɩaa, a leŋ dɩ ba nagɛ jaaba sɩɩ tʋɔrʋ laalɩŋ lɛ.

ZƐKARƖYA 11:3

Má jegile nɩɩ pie-daaraa sɩɩ ŋmoo niiŋ, ba chei ba pʋsʋŋ dɩ-diilee nɛ. Má jegile nɩɩ naachigee sɩɩ huosu, ba chei Jɔdaŋ duu-la tʋɔŋ ba sɩɩ pɩŋ nɛ.

Jeems 5:5

Ma sɩ hɛ dʋnɩa lɛ, ma nɩɩ sɩma a ŋaa ma tʋɔtɔrɛ wɩaa nɛ. Ma dɩɛsɛ ma tɩtɩa a nagɛ nɛsɩŋ ba sɩ dɩɛsa ba nɛrɛ dɩ ba kpʋ nɛ.