JƐRƖMAAYA 25:30 - WƖA TENIŊ

³⁰ Bʋl wɩaa deemba kala mɩ doluŋ lɛ a tɩgɛ ba lɛ, aŋ bʋla pɩba: ‘Mɩ-na ma TƖƖNA jaŋ faasa kpɩa goŋ wɩa-nyuŋ, mɩ jaŋ hɛ mɩ dɩa sɩ bɩ disiniŋ kɛnɛ lɛ aŋ namɩsɛ. Mɩ jaŋ ŋaa goŋ mɩ tinteeŋ nɩaa nyuŋ woruŋ. Mɩ jaŋ ŋaa goŋ a nagɛ nɩa sɩɩ chagɛ dɩ ʋ lɩɩsɛ girep nɛnɛɛ sɩnɩŋ. Mɩ jaŋ kpɩa goŋ-la nɩalɩŋ kala sɩ hɛ dʋnɩa lɛ nyuŋ.

JƐRƖMAAYA 25:30 ပူးပေါင်းရင်းမြစ်များ

2 SAMƲƐL 15:25

Ŋɩɩ nɛ Devit bʋla pɩ Zadɔk, “Má joŋ Wɩa niiriŋ daga-la a mɩɩra jʋʋ bil Jerusalɛm lɛ. Dɩ La TƖƖNA tʋɔŋ nɛ tɔrɛ mɩ nyuŋ, tapʋlɩɩ dɔŋ ʋ jaŋ kɛmmɛ mɩɩra kɔ, dɩ mɩ na daga-la arɩ ʋ dɩchɩnɩŋ.

1 KUOROO 9:3

La TƖƖNA bʋla pʋ, “Mɩ nɩɩ ŋ Wɩɩsʋlʋŋ nɛ. Mɩ dɩɩ-balɩŋ deeŋ ŋ sɩ saa dɩ ba dɩdɛnnɛmɛ nɩmɛ, ŋaa mɩ kʋa nɛ, mɩ sɩaa arɩ mɩ tʋɔŋ kala jaŋ hɛ ʋ lɛ bʋa na-kala.

2 IZIRAL TƖŊŊAA NAABARƖŊ 30:27

Ŋɩɩ nɛ Wɩɩsʋllɩ sɩpaalaaraa arɩ Levi doho nɩaa sii chɩŋ a sʋl Wɩa pɩ nɩalɩŋ. Wɩa hɛ ʋ jaŋ sɩ bɩ disiniŋ kɛnɛ lɛ aŋ nɩɩ a laa ba sʋla.

WƖA YƖƖLAA 11:4

La Tɩɩna hɔŋ ʋ kuoru kpasa nyuŋ nɛ, ʋ dɩa-la sɩ zɔmɔ a bɩ disiniŋ kɛnɛ lɛ Wɩa-jaŋ. Ʋ jɩŋ wɩalɩŋ kala la sɩɩ ŋaa nɛ, bɛɛ wɩaa ʋʋ na la kala nɛ.

WƖA YƖƖLAA 132:14

Ŋ bʋla, “Mɩ dɩjʋʋlʋŋ nɛ ŋ-la, mɩ jaŋ hɛ daha a kaa mʋ wuu. Mɩ jaŋ dii kuoruŋ daha, bɛɛ wɩaa mɩ cho ŋɩɩ nɛ.

WƖA YƖƖLAA 46:6

Fawʋllʋŋ chaasa jʋʋ tinteyee nɩaa nɛ, kuoroo sɩɩ beŋ tinteye-la titel. Ama Wɩa sɩ kpɩa goŋ, tinteeŋ kala yʋɔla nɛ.

WƖA YƖƖLAA 58:5

Dɩ nʋʋ cho dɩ ʋ kɛŋ bugumuŋ a magɛ ŋɩɩ ma kala, ma bɩ chɛ dɩ ma nɩɩ ʋ teeŋ. Ʋ cho dɩ ʋ kɛŋ jɩma a chiribe magɛ ŋɩɩ ma kala.

WƖA YƖƖLAA 78:65

Ʋ ŋɩɩ harɩŋ lɛ nɛ, La Tɩɩna sii a nagɛ nɩa sɩ pɩŋ doŋ a hirige sii, a nagɛ bapʋɔsɩ-duoŋ sɩ nyʋa sɩnɩŋ bugi ʋ kɛnʋ tɩtɩŋ.

AZAAYA 16:9

Lɛɛlɛ, mɩ jaŋ yel a nagɛ Jaza sɩ yel ŋɩɩ, a tɩŋ Sɩbɩma girep tɩɩsɩŋ bagɩsɩ-la wɩaa. Mɩ kala nɛ fo arɩ sɩlɩɩrɩŋ a tɩŋ Hɛsɩbɔŋ arɩ Eliali wɩaa. Ba fa sɩ yie tʋtɔrɛ tɩɩnɛnɛ-la a ŋɩŋaa goŋ-la arɩ tʋɔtɔrʋŋ, ŋɩɩ bɩra tuo.

AZAAYA 33:3

Dɩ ŋ nɛ sie a kpɩa tinteyee lɛ, ba yie fá pɩsɛ nɛ.

AZAAYA 42:13

La TƖƖNA jaŋ kɔ a nagɛ bayuori duoŋ, a nagɛ laalɩyuori babii-balɩŋ sɩ kɛŋ ʋ tɩtɩa hɛ dɔŋɔ dɩ ʋ yuo laalɩŋ. Ʋ jaŋ kpɩa laalɩyuori-goŋ aŋ yuo dii ʋ dʋndɔŋŋɔɔ.

JƐRƖMAAYA 17:12

Dɩ-suomuŋ kala nɛ la Wɩa kuoru kpasa kɛŋ tʋla a leŋie kɩɩ kʋŋkala. Ʋ nɛ ŋaa la Wɩa dɩɩ-balɩŋ sɩ bɩ disiniŋ kɛnɛ.

JƐRƖMAAYA 25:38

La Tɩɩna jaŋ sii a nagɛ naachigiŋ sɩ sii ʋ dɩpɩnɩŋ, a leŋ dɩ ba tinteeŋ pɩŋ hoi a tɩŋ laal-la sɩ jʋʋba arɩ La TƖƖNA sɩ faasa na baanɩŋ a dɔgɩsɛba wɩaa.

JƐRƖMAAYA 48:33

Tʋɔtɔrʋ-la kala nɩaa fa sɩ kɛnɛ Mʋab girep bagɩsɩŋ lɛ arɩ ba bagɩsɩŋ dɔnsʋŋ lɛ kala lɛlɛ nɛ. Mɩ leŋe girep nɛnɛɛ sɩnɩŋ dɛrɛ nɛ lere-la ba sɩɩ ŋaa sɩnɩŋ. Nɩaa bɩra bɩ sɩŋ-la chaga a ŋɩŋaa goŋ arɩ tʋɔtɔrʋŋ. Nɩaa ka ŋaa goŋ nɛ, ama tʋɔtɔrɛ goŋ dee.

HOSIA 11:10

Mɩ nɩaa jaŋ to mɩ-na ba TƖƖNA harɩŋ, mɩ jaŋ huosi a nagɛ naachigiŋ. Dɩ mɩ nɩɩ huosi, mɩ nɩaa jaŋ lɩɩ wɩɩpɔsʋŋ dɩɩrɩŋ kɔ a chichel.

HOSIA 5:14

Mɩ jaŋ nagɛ naachigiŋ Efirem lɛ, a nagɛ naachigi-balɩŋ Juda lɛ. Mɩ jaŋ kɛmba pʋɔsɛ muno muno aŋ viiri. Mɩ jaŋ chʋmba viiri, ka nʋʋ tuo dɩ ʋ laaba ta.

JOWƐL 3:16

La TƖƖNA jaŋ chaŋ Zaayɔŋ lɛ, a hɛ Jerusalɛm lɛ aŋ kpɩa goŋ. Tinteeŋ arɩ wɩa-nyuŋ jaŋ jigisi. Ama La TƖƖNA jaŋ tɔ hɛ ʋ nɩaa lɛ, ʋ jaŋ ŋaa dɩ-duo a pɩ Iziral tɩŋŋaa.

AMƆS 1:2

Amɔs fa bʋla: “La TƖƖNA jaŋ tʋɔra lɩɩ Zaayɔŋ lɛ, a dɔmɔ lɩɩ Jerusalɛm lɛ. Piesee dɩ-diilee yaŋ kala jaŋ hɩl, dɩ peel-la ba sɩɩ yɩrɛ Kamɛl ma nyuŋ yaŋ hɩl.”

AMƆS 3:8

Dɩ naachigiŋ nɛ huoso, kʋbɛɛ nɛ fawʋllʋŋ bɩ jaŋ kɛŋ? Dɩ mɩ-na ma Tɩɩna Wɩɩjarɩbakɔ nɛ bʋl wɩaa, nʋʋkala bɩ wɩalɩŋ wuo laa tɔrɔ.

ZƐKARƖYA 2:13

Nuhuobiinee kala, má chɩŋ sɔm La TƖƖNA sɩpaaŋ, bɛɛ wɩaa ʋ sii ʋ dɩjʋʋlʋŋ sɩ bɩ disiniŋ kɛnɛ lɛ nɛ a kʋkɔ.

MOSIS BƖRA WULLI WƖA WOMBIIŊ 26:15

Ŋ sɩ hɛ ŋ jaŋ lɛ, ŋ dɩ-jʋʋlɩɩ-la sɩ bɩ disiniŋ kɛnɛ, gʋra bee na ŋ nɩaa Iziral tɩŋŋaa a pɛ la lɛ aŋ wasɛ tintee-la sɩ sɩma a kɛŋ kɩaa woruŋ, dɩ ʋ wasa zɔŋ woruŋ arɩ ŋ sɩ hɛ niiŋ ŋɩɩ a pɩ la naabalɩmaba.”

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.