JƐRƖMAAYA 25:3 - WƖA TENIŊ

³ Jɩsɩŋ mara arɩ batori sɩ bala, a chɩŋ Amɔŋ nanʋala Josaaya sɩ dii Juda tinteeŋ kuoruŋ ʋ jɩsɩŋ fii arɩ batori lɛ a kaa kɔ jɩnɩŋ, La TƖƖNA bʋl wɩaa pɩmɛ nɛ. Mɩ ma laa bʋla pɩma bʋlɩa bʋlɩa, ama ma bɩ jegile nɩɩ.

JƐRƖMAAYA 25:3 ပူးပေါင်းရင်းမြစ်များ

WƖAA DƖ-SUOMUŊ 22:3

Ʋ taŋ sɩ pʋla chʋchʋɔ-fɩɛla, Abɩraham sii joŋ kaku-kpasa a daŋ ʋ kakumo nyuŋ a vɔɔ daasɩŋ daŋ a kɛŋ ʋ nanʋala Aɩzɩk arɩ ʋ tɩntɩnnaa balɩa a mʋmʋ lee-la Wɩa sɩ dagʋ.

1 KUOROO 22:3

Iziral kuoro fa pɩɛsɛ ʋ tɩntɩnnɩ-hɩasɩŋ, “Ma jɩma la nɛ tɩɩ taŋ-la ba sɩɩ yɩrɛ Ramɔf Gɩlɩad, ama bɛɛ nɛ tɩɩ la bɩ wɩɩkala ŋaa dɩ la laaʋ Siiria kuoro teeŋ?”

2 KUOROO 17:13

La TƖƖNA fa to ʋ wʋlaabʋllaa arɩ ʋ sɩɩnaaraa lɛ nɛ a bʋl ŋ-la a chagɩlɛ Iziral tɩŋŋaa arɩ Juda nɩaa kala, “Má bɩrɩma lɩɩ wʋbɔŋŋɔɔ ŋaanɩŋ lɛ. Má to mɩ wombiee arɩ wɩalɩŋ mɩ sɩ dagɛ ma naabalɩmaba dɩ ba to, arɩ mɩ niiŋ wɩalɩŋ kala mɩ sɩ to mɩ tɩntɩnna-la sɩ ŋaa mɩ wʋlaabʋllaa lɛ a bʋla pɩma.”

2 IZIRAL TƖŊŊAA NAABARƖŊ 24:19

La TƖƖNA tɩŋ ʋ wʋlaabʋllaa dɩ ba kpʋrɩsɛ nɩalɩŋ dɩgɩlaa dɩ ba mɩɩra kɔ ʋ teeŋ, ama ba vɩa dɩ ba nɩɩ.

2 IZIRAL TƖŊŊAA NAABARƖŊ 34:1

Josaaya fa ŋaa jɩsɩŋ chori nɛ aŋ dii kuoruŋ Juda tinteeŋ lɛ. Ʋ hɔŋ Jerusalɛm lɛ a bemba jɩsɩŋ mara arɩ fii arɩ kʋbala nɛ.

2 IZIRAL TƖŊŊAA NAABARƖŊ 34:3

Ʋ sɩ dii kuoruŋ ʋ jɩ-chori lɛ, bʋa-la lɛ dɩ ʋ ha ŋaa bapʋɔsɛ-bie, ʋ suomo tuto ʋ naabalɩma Devit Wɩa. Jɩsɩŋ banɛsɛ harɩŋ, ʋ suomo chichei vʋɩ-kpaarɛ lere-la sɩ hɛ Juda arɩ Jerusalɛm lɛ, Asɩra daasɩŋ, tɔmɔ-la ba sɩ saa arɩ daasɩŋ arɩ tɔmɔ-la dɔnsʋŋ ba sɩ libe.

2 IZIRAL TƖŊŊAA NAABARƖŊ 34:8

Josaaya sɩ dii kuoruŋ ʋ jɩsɩŋ fii arɩ chori lɛ, ʋ lɩɩsɛ kɩalɩŋ sɩ kɛŋ disiniŋ a hɛ ba tinteeŋ arɩ Wɩa dɩɩ-bal-la lɛ ta a leŋ veŋ-kpaarɩŋ dɛrɛ. Ŋɩɩ harɩŋ lɛ nɛ ʋ tɩŋ ʋ tɩntɩnnɩ-hɩasɩŋ batori dɩ ba mʋ a wasɛ ʋ TƖƖNA Wɩa dɩɩ-bal-la. Nɩalɩŋ nɛ ŋaa Azalɩa nanʋala Safaŋ, arɩ Maasɛya, nɩɩ-la sɩɩ beŋ Jerusalɛm arɩ Jʋahas nanʋala Jʋa, nɩɩ-la sɩ ŋmʋnsɛ ba wɩaa bibil.

2 IZIRAL TƖŊŊAA NAABARƖŊ 36:15

Ŋɩɩ nɛ La TƖƖNA ba naabalɩmaba Wɩa fá ba nenige a to ʋ wʋlaabʋllaa lɛ a bʋl wɩaa pɩba bʋlɩa bʋlɩa, bɛɛ wɩaa ʋ fa bɩ chɛ ʋ chei nɩalɩŋ arɩ ʋ dɩɩ-bal-la.

WƖA YƖƖLAA 81:13

Dɩ mɩ nɩaa nɛ jaŋ jegile nɩɩ mɩ teeŋ, dɩ ma Iziral tɩŋŋaa nɛ ŋaa wɩɩ-la mɩ sɩ bʋla,

MOSIS KƐŊ IZIRAL TƖŊŊAA LƖƖ 8:20

Ŋɩɩ nɛ La TƖƖNA bʋla pɩ Mosis, “Sii mʋ cheŋ Ijipiti tinteeŋ kuoro chʋchʋɔ-fɩɛla, bʋa-la lɛ ʋ sɩ yie mʋmʋ fuo-la leriŋ a bʋla pʋ, ‘Wɩɩ-la La TƖƖNA sɩ bʋla nɛ ŋ-la: Leŋ dɩ mɩ nɩaa mʋ a wuo dɛnnɛmɛ.

AZAAYA 55:2

Bɛɛ nɛ tɩɩ ma chichei moribiee kɩalɩŋ sɩ tuo kʋdiilee lɛ, a lʋlɔl ma tɩtɩa kɩalɩŋ sɩ bɩ jaŋ vɔgɩma lɛ? Má jegile nɩɩ mɩ teeŋ woruŋ, ŋɩɩ nɛ ma jaŋ dii kʋdii-zɔŋŋɔɔ tɩtɩa a nɩɩ sɩma.

JƐRƖMAAYA 1:2

Amɔŋ nanʋala Josaaya sɩ dii Juda tinteeŋ kuoruŋ, ʋ jɩsɩŋ fii arɩ batori tʋɔŋ nɛ La TƖƖNA fa bʋl wɩaa a pɩ Jɛrɩmaaya.

JƐRƖMAAYA 11:7

A chɩŋ bʋa-la lɛ mɩ fa sɩ kɛŋ ma naabalɩmaba a lɩɩ Ijipiti tinteeŋ lɛ a kaa kʋ yi jɩnɩŋ, mɩ kpʋrɩsɛ ba dɩgɩlaa bʋlɩa bʋlɩa nɛ a bʋl: Má to mɩ niiŋ.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 25:4

La TƖƖNA tɩŋ ʋ wʋlaabʋllaa sɩ ŋaa ʋ tɩntɩnnaa ba kɔ ma teeŋ bʋlɩa bʋlɩa nɛ, ama ma bɩ jegile nɩɩ ba teeŋ koo a kɛŋ wɩalɩŋ ba sɩ bʋla tɩŋ.

JƐRƖMAAYA 26:5

dɩ ma nɛ bɩ mɩ wʋlaabʋllaa sɩ ŋaa mɩ tɩntɩnnaa wɩaa jegile nɩɩ, nɩalɩŋ mɩ sɩ tɩma ba kɔ ma teeŋ bʋlɩa bʋlɩa (ma sɩ́ bɩ jegile nɩɩ ba teeŋ ŋɩɩ),

JƐRƖMAAYA 29:19

Mɩ jaŋ dɔgɩsɛba ŋɩɩ a tɩŋ ba sɩ bɩ jegile nɩɩ mɩ niiŋ wɩaa, wɩalɩŋ mɩ sɩ to mɩ wʋlaabʋllaa lɛ a bʋla pɩba bʋlɩa bʋlɩa. Ma nɩalɩŋ ma sɩ hɛ yoŋ-baga lɛ, ma ma bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 35:14

Rekab nanʋala Jonadab bʋla pɩ ʋ hambolibiisi-la dɩ ba sɩ́ girep nɛnɛɛ sɩŋ-la nyʋa. Ŋɩɩ nɛ ba kɛŋ wɩɩ-la kaa tɩŋ, arɩ jɩnɩŋ kala ba bɩ girep nɛnɛɛ sɩnɩŋ ka nyʋa, bɛɛ wɩaa baa to ba naabalɩmaba niiŋ nɛ. Ama mɩ-na bʋl wɩaa pɩma bʋlɩa bʋlɩa nɛ ka ma bɩ mɩ niiŋ to.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 36:1

Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ nɛ, La TƖƖNA bʋl wɩɩŋ deeŋ a pɩ Jɛrɩmaaya:

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 7:25

A chɩŋ bʋa-la lɛ ma naabalɩmaba fa sɩ lɩɩ Ijipiti tinteeŋ lɛ a kaa kɔ jɩnɩŋ, mɩ yie tɩŋ mɩ tɩntɩnnaa sɩ ŋaa mɩ wʋlaabʋllaa ba kʋkɔ ma teeŋ nɛ bʋlɩa bʋlɩa.

ƐZƖKƖƐL 33:4

Dɩ nʋʋ nɛ nɩa aŋ bɩ wɩɩ-la kaa tɩŋ ka dɩ ba dʋndɔmɔ-la kʋ kpʋʋ, ʋ tɩtɩa nɛ chɛ ʋ sʋʋŋ.

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

Maak 1:35

Chʋchʋɔ-fɩɛla, Yesu sii lɩɩ dɩa-la lɛ a mʋ lee-la nɩaa sɩ tuo a chʋchʋɔlɛ Wɩa.

Jɔɔŋ 8:2

Taŋ sɩ pʋla chʋchʋɔ-fɩɛla, ʋ bɩra mɩɩra mʋ a jʋʋ Wɩa dɩɩ-bal-la. Nɩaa kʋ gbaarʋ, ʋ hɔŋ a suomo dɩdagɛba.

Jɔɔŋ 8:47

Nɩɩ-la kala sɩ lɩɩ Wɩa teeŋ yie jegile nɩɩ wɩalɩŋ Wɩa sɩɩ bʋl nɛ. Ma bɩ Wɩa teeŋ lɩa, ŋɩɩ nɛ tɩɩ ma bɩ wɩalɩŋ ʋ sɩɩ bʋl jegile nɩɩ.”

2 Timoti 4:2

bʋl Wɩa wɩaa pɩpɩ nɩaa bʋa na-kala lɛ, dɩ wɩaa zɔmɔ koo dɩ ba lɔrɔ. Kɛmba tʋra kɩɩ, bʋl ba teeŋ, aŋ ŋaa dɩ ba nyuŋ nyaasɛ. Kɛŋ kenyiri a jɩma dɩdagɛba woruŋ.