JƐRƖMAAYA 25:29 - WƖA TENIŊ

²⁹ Má bee na, mɩ suomo kɛŋ wʋlɔrʋŋ nɛ a kʋkɔ dɩ mɩ hɛ mɩ tabal-la lɛ. Ma bɩɩna mɩ jaŋ vɩa ma dɔgʋsʋŋ? Mɩ bɩ jaŋ leŋ ma mʋ pɛɩ, bɛɛ wɩaa mɩ lɔgɛ laalɩŋ nɛ dɩ mɩ hɛ nɩalɩŋ kala sɩ hɛ dʋnɩa lɛ. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 25:29 ပူးပေါင်းရင်းမြစ်များ

1 KUOROO 8:43

ŋ hɛ ŋ jaŋ lɛ nɛ, jegile nɩɩ nʋhʋɔrʋ-la sʋla a ŋaa wɩɩ-la kala ʋ sɩɩ chɛ pʋ. Ŋɩɩ nɛ dʋnɩa nɩaa kala jaŋ jɩmɩŋ a fɩfáŋ arɩ ŋ nɩaa Iziral tɩŋŋaa sɩɩ ŋaa ŋɩɩ, aŋ bɩra jɩŋ arɩ mɩ saa ŋ dɩɩ-balɩŋ deeŋ a pɩŋ nɛ dɩ ba chʋchʋɔlʋŋ nɩmɛ.

NAMAGABA 11:21

Chaasa jɩŋ wɩɩŋ deeŋ lɛ: Nɩbɔmʋŋ bɩ jaŋ kɔ dɩ ʋ mʋ pɛɩ dɩ Wɩa bɩ ʋ dɔgɩsɔ. Ama tʋɔpʋl tɩɩna-na jaŋ fori dɔgʋsʋŋ lɛ.

NAMAGABA 11:31

Tʋɔpʋl tɩŋŋaa sɩ jaŋ laa ba time dʋnɩa deeŋ lɛ ŋɩɩ, ŋɩɩ-na wʋbɔŋ ŋaaraa arɩ nɩbɔŋŋɔɔ ma jaŋ laa ba time.

NAMAGABA 17:5

Nɩɩ-la sɩ mɔŋ summo lɛ, tʋʋsɛ Wɩa sɩ ŋaaʋ joŋŋoo nɛ. Ba jaŋ dɔgɩsɛ nɩɩ-la kala tʋɔŋ sɩ tɔrɛ wʋlɔrʋŋ sɩ ŋaa nɩa lɛ.

AZAAYA 10:12

Ŋɩɩ nɛ La TƖƖNA bʋl, “Dɩ mɩ nɛ dɛrɛ wɩalɩŋ mɩ sɩ jaŋ joŋo ŋaa peel-la ba sɩɩ yɩrɛ Zaayɔŋ arɩ Jerusalɛm tɩŋŋaa lɛ, mɩ jaŋ dɔgɩsɛ Asiiria kuoro a tɩŋ ʋ dagɩŋ-tɩtɩɩ arɩ ʋ babii-ballɩŋ wɩaa.”

JƐRƖMAAYA 13:13

Ŋɩɩ-na bʋla pɩba, ‘Wɩɩ-la La TƖƖNA sɩ bʋla nɛ ŋ-la: Mɩ jaŋ leŋ dɩ nɩalɩŋ kala sɩ hɛ tintee-la lɛ ŋaa sɩ-nyʋara a pɛ Devit doho nɩalɩŋ sɩɩ dii kuoruŋ: Wɩɩsʋllɩ sɩpaalaaraa, mɩ wʋlaabʋllaa, arɩ nɩalɩŋ kala sɩ hɛ Jerusalɛm lɛ.

JƐRƖMAAYA 19:3

Bʋl, ‘Juda kuoroo arɩ Jerusalɛm nɩaa, má jegile nɩɩ mɩ-na ma TƖƖNA wɩaa.’ Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋŋ kʋ hɛ leriŋ deeŋ nɩaa lɛ. Dɩ nʋʋkala nɛ nɩɩʋ ʋ dɩgɩlaa jaŋ chɩɩmɛ.

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

JƐRƖMAAYA 49:12

Wɩɩ-la La TƖƖNA sɩ bʋla nɛ ŋ-la: “Dɩ nɩalɩŋ sɩ bɩ maga dɩ ba dɔgɩsɛba nɛ ba dɔgɩsɛ, bɛɛ nɛ tɩɩ ma-na jaŋ mʋ pɛɩ? Ma bɩ jaŋ mʋ pɛɩ, ma jaŋ na hɛɛ-la sɩ maga ma na.

ƐZƖKƖƐL 14:17

Koo dɩ laalɩyuoroo nɛ mɩ kaa kʋ jʋʋ tintee-la aŋ bʋl, ‘Má gɔllɛ tintee-la kala, a kpʋ ʋ nɩaa arɩ ba pʋsʋŋ kala,’

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 38:21

Mɩ jaŋ leŋ dɩ laalɩŋ chaasa hosi woruŋ Gɔg nyuŋ, mɩ-na ma TƖƖNA Wɩɩjarɩbakɔ nɛ bʋla. Gɔg nɩaa jaŋ mɩɩra gʋra yuyuo dɔŋɔ.

ƐZƖKƖƐL 9:6

Má kpʋ banɩhɩasɩŋ, bapʋɔsaa, hatoloo, naamba arɩ hambiisiŋ. Ama má sɩ́ nʋʋkala sɩ kɛŋ magɩl-la digu. Má suomi mɩ dɩa lɛ.” Ŋɩɩ nɛ ba suomi sɩpaalaara-la sɩ hɛ Wɩa dɩɩ-bal-la sɩpaaŋ.

OBADAAYA 1:16

Mɩ nɩaa sɩ faasa na hɛɛŋ ŋɩɩ mɩ peel-zɔŋ-la nyuŋ, ŋɩɩ tɩtɩa nɛ tinteye-la kala nɩaa ma jaŋ faasa na hɛɛŋ a mʋ lɛl.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

Luuk 23:31

Mɩ sɩ nagɛ tɩɩ-weyiŋ, aŋ ka ba dɔgɩsɛmɛ ŋ-la, ɛɛ nɛ ba jaŋ ŋaa ma ma lɛ, ma sɩ nagɛ tɩɩ-hɩlaa?”

1 Pɩɩta 4:17

Bʋa-la Wɩa sɩ jaŋ dii dʋnɩa sarɩya yie nɛ. Ʋ jaŋ laa sɩpaaŋ a suomi Wɩa nɩaa lɛ. Dɩ ʋ nɛ saa suomi ba lɛ, ɛɛ nɛ saa ʋ jaŋ nagɛ nɩalɩŋ sɩ bɩ Wɩa Wʋzɔmɔ-la ka to lɛ?