JƐRƖMAAYA 25:18 - WƖA TENIŊ

¹⁸ Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 25:18 ပူးပေါင်းရင်းမြစ်များ

1 KUOROO 8:24

Ŋ kɛŋ nii-la ŋ sɩ hɛ pɩ mɩ nyɩmma Devit sɩ ŋaa ŋ tɩntɩnnʋ a tɩŋ nɛ. Jɩnɩŋ ŋ ŋaa wɩalɩŋ kala ŋ sɩ hɛ niiŋ pʋ arɩ ŋ jaŋ ŋaa nɛ.

2 KUOROO 22:19

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ-na ma TƖƖNA sɩpaaŋ, ŋ sɩ nɩa arɩ mɩ jaŋ chei Jerusalɛm arɩ ʋ nɩaa, ka dɩ lee-la pɩŋ jikpeeŋ, ŋ kɛŋ ŋ gɛnnɩŋ kɩɛsɛ a yel mɩ sɩpaaŋ, ŋɩɩ wɩaa mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 29:8

Ŋɩɩ nɛ La TƖƖNA na baanɩŋ Juda arɩ Jerusalɛm nɩaa nyuŋ a leŋ ba kperi, nɩaa mʋmɔmba a sisieriba lɛ. Ma jɩŋ wɩɩŋ deeŋ lɛ nɛ.

ƐZƖRA 9:7

A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

NƐHƖMAAYA 9:36

Ama jɩnɩŋ la ŋaa yosi nɛ tintee-la ŋ sɩ joŋo pɩ la naabalɩmaba lɛ, dɩ ba dii ʋ tɩɩnɛnɛɛ arɩ kʋzɔmɔ-la kala sɩ hɛ tintee-la lɛ.

WƖA YƖƖLAA 60:3

Ŋ leŋe ŋ nɩaa na hɛɛŋ kɩŋkɛŋ nɛ. La kala bugo nɛ a gɩgɛrɛ a nagɛ nɩaa sɩ nyʋa sɩnɩŋ bugi.

AZAAYA 40:23

Ʋ kɛŋ sɩpaalaaraa muuri nɛ a leŋ kuoru-duoruŋ yuŋuŋ tuu tinteeŋ.

AZAAYA 65:15

Ma yɩrɩŋ jaŋ ŋaa ŋmɩaŋ nɩalɩŋ mɩ sɩ lɩɩsa teeŋ. Mɩ-na Wɩɩjarɩbakɔ jaŋ kpʋma, ama mɩ jaŋ hɛ yɩrɩ-falɩŋ a pɩ mɩ tɩntɩnnaa-na.

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 13:3

Ŋɩɩ nɛ La TƖƖNA bɩra bʋl wɩaa pɩmɛ lɩamɩŋ lɛ. Ʋ sɩ,

JƐRƖMAAYA 13:9

Wɩɩ-la ʋ sɩ bʋla nɛ ŋ-la: “Kʋ-la sɩ chei ŋɩɩ, ŋɩɩ tɩtɩa nɛ, mɩ jaŋ chei Juda nɩaa babii-ballɩŋ arɩ Jerusalɛm nɩaa ma babii-ballɩɩ-la sɩ faasa yʋgɛ.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 25:11

Tintee-la kala jaŋ pɩŋ jikpeeŋ a ŋaa hoi. Ma dɩ tinteye-la nɩaa jaŋ tɩma pɩ Babɩlɔŋ kuoro jɩsɩŋ mahɩŋ batori arɩ fii.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

ƐZƖKƖƐL 30:7

Ba tinteeŋ nɛ jaŋ faasa pɩŋ hoi tinteye-la sɩ pɩŋ hoi lɛ tʋɔŋ, dɩ ba tabalaa ma pɩŋ jikpeeniŋ.

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

AMƆS 2:5

Mɩ jaŋ joŋ nyiniŋ hɛ Juda lɛ dɩ ʋ dii Jerusalɛm dɩɩ-duoruŋ.”

AMƆS 3:2

Ʋ sɩ, “Tinteye-la kala sɩ hɛ dʋnɩa lɛ, ma dʋndʋŋa nɛ mɩ lɩɩsɛ. Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.

MƖKA 6:16

bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

JOSUA 6:18

Má pɔ ma tɩtɩa lɛ woruŋ, a lɩɩsɛ ma nɩsɩŋ La TƖƖNA kɩalɩŋ sɩ maga dɩ ma chei lɛ, dɩ ŋɩɩ dee ma jaŋ lɔgɛ wɩaa a wurisi ma tɩtɩa a chei Iziral tɩŋŋaa.

1 Pɩɩta 4:17

Bʋa-la Wɩa sɩ jaŋ dii dʋnɩa sarɩya yie nɛ. Ʋ jaŋ laa sɩpaaŋ a suomi Wɩa nɩaa lɛ. Dɩ ʋ nɛ saa suomi ba lɛ, ɛɛ nɛ saa ʋ jaŋ nagɛ nɩalɩŋ sɩ bɩ Wɩa Wʋzɔmɔ-la ka to lɛ?