JƐRƖMAAYA 25:11 - WƖA TENIŊ

¹¹ Tintee-la kala jaŋ pɩŋ jikpeeŋ a ŋaa hoi. Ma dɩ tinteye-la nɩaa jaŋ tɩma pɩ Babɩlɔŋ kuoro jɩsɩŋ mahɩŋ batori arɩ fii.

JƐRƖMAAYA 25:11 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:20

Nɩalɩŋ ʋ sɩ bɩ kpʋa, ʋ kɛsɛba kaa mʋ yoŋ-baga Babɩlɔŋ lɛ, ba ŋaa ʋ dɩ ʋ hambolibiisiŋ tɩntɩnnaa a mʋ yi bʋa-la lɛ Pɛsɩa tinteeŋ kuoruŋ sɩ kʋ kɛŋ doluŋ.

AZAAYA 5:6

Mɩ jaŋ vɩa tintee-la ta dɩ ʋ bɩrɩmɛ kʋŋkʋlʋŋ. Mɩ bɩ jaŋ buori tɩɩsɩ-la koo a pɛrɛ nɩmɛ. Yaŋ arɩ sɔsʋŋ jaŋ tɔ ʋ kala. Mɩ bɩ jaŋ leŋ dɩ duonuŋ nɩɩ nɩmɛ.”

JƐRƖMAAYA 25:12

Ama dɩ jɩsɩŋ mahɩŋ batori arɩ fii-la nɛ suo, mɩ jaŋ dɔgɩsɛ Babɩlɔŋ kuoro arɩ ʋ nɩaa arɩ ba tinteeŋ kala a tɩŋ ba cheeriŋ wɩaa. Mɩ jaŋ leŋ dɩ ba tinteeŋ pɩŋ jikpeeŋ a kaa mʋ wuu. Mɩ-na ma TƖƖNA nɛ bʋla.

JƐRƖMAAYA 25:38

La Tɩɩna jaŋ sii a nagɛ naachigiŋ sɩ sii ʋ dɩpɩnɩŋ, a leŋ dɩ ba tinteeŋ pɩŋ hoi a tɩŋ laal-la sɩ jʋʋba arɩ La TƖƖNA sɩ faasa na baanɩŋ a dɔgɩsɛba wɩaa.

JƐRƖMAAYA 27:22

‘Ba jaŋ paaba kaa mʋ Babɩlɔŋ, dɩ ba hɛ nɩmɛ a mʋ yi tapʋlɩɩ-la mɩ sɩ jaŋ kʋ paaba. Mɩ-na ma TƖƖNA nɛ bʋla. Mɩ jaŋ paaba, a mɩɩra kɛmba kʋ bil leriŋ deeŋ.’ ”

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 28:14

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ jaŋ fʋgɛ tinteyee deemba kala nɩaa hɛ dɩ ba tɩma pɩ Babɩlɔŋ kuoro Nebukadineza, ba jaŋ tɩma pʋ. Mɩ jaŋ leŋ dɩ bagɩlaa ma paala tuto ʋ niiŋ.’ ”

JƐRƖMAAYA 29:10

Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.

JƐRƖMAAYA 4:26

Mɩ sɩ bene, tintee-la fa sɩ sɩma mɩɩra bɩrɩmɛ tintee-hɩlɩɩ nɛ. Ʋ tasɩŋ kala pɩŋ jikpeeniŋ nɛ, a tɩŋ la TƖƖNA sɩ na baanɩŋ kɩŋkɛŋ wɩaa.

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 43:10

Bʋla pɩba, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ jaŋ tɩma yɩrɛ mɩ tɩntɩnna Babɩlɔŋ kuoro Nebukadineza a leŋ dɩ ʋ kuoru kpasa chɩŋ tabɩaa deemba mɩ sɩ hugo lee-la. Ʋ jaŋ kɛŋ kuori-palɩŋ jɛrɛ tɔba.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

ƐZƖKƖƐL 12:19

Bʋla pɩ tintee-la nɩaa: Wɩɩ-la mɩ-na ma TƖƖNA Wɩɩjarɩbakɔ sɩ bʋla tɩgɛ nɩalɩŋ sɩ hɛ Jerusalɛm arɩ Iziral tinteeŋ lɛ nɛ ŋ-la: Ba jaŋ dii ba kʋdiilee arɩ fawʋllʋŋ, a nyʋa lɩɩŋ ma arɩ tʋɔ-cheeŋ. Nɩaa jaŋ chei ba tinteeŋ dɩ ʋ pɩŋ hoi, a tɩŋ ba nɩalɩŋ sɩ hɔŋ lee-la sɩ ŋaa yuo-hɛɛrɛɛ wɩaa.

ƐZƖKƖƐL 29:11

Nuhuobiiŋ koo pʋna kala naaŋ bɩ jaŋ to lee-la bal. Nʋʋkala bɩ jaŋ hɔŋ nɩmɛ a kaa mʋ yi jɩsɩŋ mahɩŋ balɩa.

ƐZƖKƖƐL 6:14

Mɩ jaŋ lɩɩsɛ nɩsɩŋ liesi ba tinteeŋ lee na-kala ba sɩ hɛ a cheyu dɩ ʋ pɩŋ hoi a chɩŋ tintee-hɩlɩɩ-la lɛ a kaa mʋ yi lee-la ba sɩɩ yɩrɛ Dibila. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

DANƖƐL 9:2

Ʋ sɩ dii kuoruŋ ʋ jɩ-bumbuŋ lɛ nɛ, mɩ-na Danɩɛl karɩmɛ Wɩa teniŋ a jɩŋ wɩɩ-la La TƖƖNA sɩ to ʋ wʋlaabʋlla Jɛrɩmaaya lɛ a bʋl, arɩ Jerusalɛm jaŋ pɩŋ jikpeeŋ jɩsɩŋ mahɩŋ batori arɩ fii.

LEVI DOHO NƖAA 26:32

Mɩ jaŋ leŋ dɩ ma tinteeŋ pɩŋ jikpeeŋ dɩ ʋ ŋaa wʋkpuŋkpere a pɩ ma dʋndɔmɔ-la sɩ hɛ lee-la.

MƖKA 7:13

Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la nɩalɩŋ sɩ hɛ ʋ lɛ sɩɩ ŋaa wɩaa.

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

ZƐKARƖYA 7:5

“Pɩɛsɛ tintee-la nɩaa arɩ Wɩɩsʋllɩ sɩpaalaaraa kala: Ma sɩ vɔɔ niiŋ a yel chɛŋ-nɔŋ arɩ chɛŋ-pɛɩ tʋɔŋ jɩsɩŋ mahɩŋ batori arɩ fii-la kala sɩ bala lɛ, mɩ wɩaa nɛ ma sɛnɛ vɔɔ nii-la?